Dagblaðið Vísir - DV - 20.07.2012, Blaðsíða 26

26 Viðtal 20.–22. júlí 2012 Helgarblað
S
taðreyndin er sú að það eru
margir fullorðnir karlmenn
þarna úti í læknadópi, glæp-
um og annarri neyslu sem
eru með ungar stelpur í eftir-
dragi. Þeir vilja hafa þær sem viljalaus
verkfæri. Sem þeir geta nýtt kynferðis-
lega og á allan hátt sem þá lystir,“ segir
Jóhannes Kr. Kristjánsson fréttamað-
ur. Jóhannes missti dóttur sína, Sig-
rúnu Mjöll, fyrir tveimur árum. Þá að-
eins 17 ára gamla. Jóhannes kærði 29
ára gamlan mann sem hann telur að
hafi sprautað dóttur sína þegar hún
lést en saksóknari ákvað að kæra ekki
í málinu.
Jóhannes svipti hulunni af gríðar-
legri notkun læknadóps á síðasta ári
og var fyrir vikið valinn sjónvarps-
maður ársins á Eddunni og tilnefndur
til Blaðamannaverðlaunanna í flokki
rannsóknarblaðamennsku. Hann
segir nú tíma til kominn að svipta
hulunni af þessum mönnum sem
misnoti unglingsstúlkur og dæli í þær
fíkniefnum. Jóhannes segir dóttur
sína hafa verið eina af þessum stúlk-
um en hann skrifar nú bók um hana,
baráttu þeirra beggja við kerfið sem
hann gagnrýnir harðlega og þennan
myrka heim sem fæstir vilja vita af. En
samfélagsmein verða ekki leyst í kyrr-
þey, að mati Jóhannesar.
Jóhannes segir það erfiðasta sem
hann hafi gert að þurfa að afla sér
gagna um dauða dóttur sinnar til
þess að fá málið tekið upp aftur hjá
ríkislögreglustjóra. Þar sem málið
hafði fengið hinn ósýnilega stimpil
„dópisti“ og verið afgreitt með flýti.
Jóhannes segist enn ekki hafa tekist á
við sorgina sem fylgdi andláti dóttur
sinnar. Hann er ekki kominn þangað
ennþá en hann veit. Veit að það versta
í heiminum er að missa barnið sitt.
Hent til hliðar
„Þessir menn tæla þær til sín með
eitur lyfjum, flottum fötum og hinu og
þessu. Svo þegar þeir fá leið á þeim þá
henda þeir þessum stelpum til hliðar,“
en Jóhannes þekkir þetta ekki bara
í gegnum sorgarsögu dóttur sinn-
ar heldur hefur hann rætt við fjöl-
margar stúlkur við gerð bókarinnar
og í tengslum við umfjöllun sína um
læknadóp. Einnig aðila innan með-
ferðargeirans sem hafa sagt honum
sögur af þessum grimma veruleika.
Jóhannes segir þetta samband
eldri manna og ungra stúlkna eiga
sér margar birtingarmyndir í þessum
heimi en sé alltaf til staðar „Þessir
menn, sumir steratröll, siðblindingjar
og jafnvel langt leiddir fíklar, fara með
þessar stelpur eins og klósettpappír.“
Það sé ekki óalgengt að stúlkur byrji
að umgangast eldri drengi og menn
sem eru tengdir ógæfu og glæpum.
Þyki jafnvel töff eða eigi flotta bíla.
En hlutirnir geti undið fljótt upp á sig
og því meiri sem neyslan verður því
meiri viðbjóður fylgi.
„Hvað verður þá um þessar stelp-
ur þegar þeim er kastað til hliðar?
Kannski 16,17, 18 ára stelpur sem
koma frá fínum heimilum. Þær fara
ekkert bara aftur inn í gamla vinahóp-
inn,“ segir Jóhannes. „Orðnar fíklar,
jafnvel búið að nauðga þeim og mis-
þyrma á margvíslegan hátt. Þetta er
bara sá veruleiki sem blasir við mér.
Jóhannes Kr. Kristjánsson segir það blákalda staðreynd að fullorðnir karlmenn noti ungar stúlkur í hörðum heimi fíkniefnanna.
Hann segir dóttur sína hafa verið eina af þessum stúlkum. Við gerð bókar um dóttur sína kafar hann nú dýpra en nokkru sinni fyrr niður
í myrkan heim eiturlyfjaneyslu. Nauðganir, ofbeldi og kúgun eru daglegt brauð hjá unglingsstúlkum en Jóhannes gagnrýnir kerfið harka-
lega fyrir viðbragðs- og ráðaleysi. Jóhannes þekkir alkóhólisma af eigin raun og féll eftir fráfall dóttur sinnar en reis upp aftur.„Þær fara ekkert
bara aftur inn í
gamla vinahópinn. Orðn-
ar fíklar, jafnvel búið að
nauðga þeim og mis-
þyrma á margvíslegan
hátt.
Menn seM nota stelpur
Ásgeir Jónsson
asgeir@dv.is
Viðtal
Jóhannes Kr. Kristjánsson
Berst enn fyrir dóttur sinni og
sögu hennar.Mynd Eyþór Árnason