Dagblaðið Vísir - DV - 20.07.2012, Blaðsíða 14

Þriðjungi nafna
hafnað á árinu
M
annanafnanefnd hefur
samþykkt 25 nöfn, bæði
eiginnöfn og millinöfn,
það sem af er ári. Nefndin
hefur hins vegar hafn­
að þrettán nöfnum, eða rúmlega
þriðjungi, af öllum umsóknum. Að
minnsta kosti eitt nafn sem nefndin
hafði áður hafnað var samþykkt eftir
að óskað var eftir endurupptöku um
nafnið hjá nefndinni. Annað dæmi er
um að nafn hafi ekki verið samþykkt
sem millinafn líkt og óskað var eftir
en samþykkt sem eiginnafn engu að
síður og fært í mannanafnaskrá.
Rithátturinn skiptir máli
Meðal þeirra nafna sem mannanafna­
nefnd hefur hafnað á árinu eru Nico­
letta, Xenía, Alpine og Tanija. Með­
al samþykktra nafna eru svo Amír,
Ermenga, Morgan, Friedrich, Maxim­
us og Nikoletta. Eins og sést getur rit­
háttur nafnanna skipt máli hvað sam­
þykkt varðar, en Nicoletta, skrifað með
c, var ekki samþykkt á meðan Nikoletta,
skrifað með k, var samþykkt. Þrátt fyrir
að svo virðist sem bókstafurinn „c“ hafi
farið fyrir brjóstið á Mannanafnanefnd
í nafninu Nicoletta þá fékkst nafnið
Friedrich, með „c­i“ samþykkt.
Mannanafnanefnd hefur vald
til að samþykkja eða hafna nöfn­
um sem foreldrar vilja skíra börn­
in sín. Nefndinni er þó ekki ætlað að
taka tillit til eigin skoðana um nöfn­
in sem slík að öðru leyti en að athuga
hvort þau standist reglur í íslenskri
málfræði og önnur lög sem gilda um
nafngiftir. Eitt af skilyrðunum er að
eiginnafn má ekki vera þannig að það
geti orðið þeim sem það ber til ama.
Þrír aðilar sitja í Mannanafnanefnd
auk þriggja varamanna. Nefndin sker
einnig úr um álita­ eða ágreiningsmál
sem upp kunna að koma um nafn­
giftir og nafnritun.
Nefndin ekki vinsæl hjá öllum
Til eru nokkur dæmi um að deilur
hafi verið vegna úrskurða Manna­
nafnanefndar og hefur Jón Gnarr,
borgarstjóri í Reykjavík, lýst yfir
andstöðu sinni við tilvist nefndar­
innar. Hefur hann til að mynda
sagt að Mannanafnanefnd sé ann­
að af tvennu í íslensku samfélagi
sem kristalli óréttlæti á landinu.
Hitt sé Ríkisútvarpið.
Blaðamaðurinn Björk Eiðsdótt­
ir höfðaði mál gegn íslenska ríkinu
vegna þess að dóttir hennar, Blær
Bjarkardóttir, fær ekki að heita
nafni sínu þrátt fyrir að hafa verið
skírð Blær. Mannanafnanefnd hef­
ur ekki gefið leyfi fyrir því að konur
heiti Blær. Nafnið er hinsvegar sam­
þykkt karlmannsnafn. Eftir að Blær
hafði verið skírð hafði presturinn
sem skírði hana samband við Björk
og sagði henni að mistök hefðu
verið gerð, stúlkan mætti ekki heita
nafninu. Prestinum hafði láðst að
kanna hvort heimilt væri að skíra
stúlku þessu nafni fyrir skírnina.
Nú fjórtán árum síðar heitir Blær
því enn Stúlka í opinberum gögn­
um og lítur íslenska ríkið svo á að
foreldrar hennar hafi enn ekki gef­
ið henni nafn.
n Skiptar skoðanir á störfum Mannanafnanefndar n Eitt dómsmál í gangi
Aðalsteinn Kjartansson
blaðamaður skrifar adalsteinn@dv.is
„Meðal samþykktra
nafna eru svo
Amír, Ermenga, Morgan,
Friedrich, Maximus og
Nikoletta.
Flest samþykkt Flestir úrskurðir
Mannanafnanefndar það sem af er ári eru
jákvæðir. Um 34 prósentum umsókna er
hins vegar hafnað. MyNd Photos
Óréttlæti Jón Gnarr borgarstjóri telur
Mannanafnanefnd vera eitt af tvennu á
Íslandi sem kristalli óréttlæti í landinu.
MyNd sigtRygguR ARi
Nöfn sem var hafnað eða voru samþykkt
n Þessum var hafnað:
Nicoletta
Alexsandra
Xenía
Alpine
Borghild
Julia
Ekene
Damien
Lísbeth
Aðalvíkingur
Tanija
Auðberg
Jean
n Þessi voru samþykkt:
Ektavon
Helgfell
Úlftýr
Voney
Amír
Siv
Ermenga
Morgan
Vili
Friedrich
Evan
Atlanta
Marella
Marísól
Þórsteinunn
Benidikta
Náttúlfur
Bestla
Maximus
Nikoletta
Nóri
Matta
Dante
Rorí
Linddís
Eiginnafn: 23
Mil
lin
afn
: 2
Hafnað: 13
Umsóknir á
árinu 2012
„Hefði átt að kynna sér málið“
n snorri í Betel ósáttur við ummæli bæjarstjóra Akureyrar
S
norri Óskarsson í Betel, fyrr­
verandi kennari við Brekku­
skóla á Akureyri, hefur gefið
DV afrit af uppsagnarbréfinu
sem honum var afhent í síðustu
viku. Þetta gerði Snorri í kjölfar um­
mæla Eiríks B. Björgvinssonar, bæj­
arstjóra á Akureyri, um að uppsögn
Snorra hafi ekki tengst skoðunum
hans heldur eingöngu störfum hans
við Brekkuskóla. Í samtali við Akur­
eyri Vikublað sagði Eiríkur: „Þetta
er út í loftið. Uppsögnin snýst ekki
um neitt annað en störf Snorra við
Brekkuskóla.“
Ummæli Eiríks koma ekki heim
og saman við það sem stendur í upp­
sagnarbréfinu. Þar er ekki vikið að
störfum Snorra við skólann heldur
aðeins talað um „brot utan starfs“
og „framkomu og athafnir utan
vinnustaðar“. Þá er einnig vitnað í
bloggskrif Snorra um það sem hann
kýs að kalla „kynbreytingu“ og um að
samkynhneigð sé synd. Í uppsagnar­
bréfinu stendur orðrétt: „[...] grunn­
skólakennarar bera ríkar samfélags­
legar skyldur með vísan til laga og
reglna, ekki bara innan veggja skól­
ans heldur einnig utan hans.“
„Það sem Eiríkur segir er allt ann­
að en það sem kemur fram í upp­
sagnarbréfinu. Áminningarferlið
sner ist ekkert um það, aðfinnslurn­
ar snerust ekkert um það og í upp­
sagnarbréfinu stendur hvergi orð
um það.“ Snorri segir ljóst að Ei­
ríkur þekki hreinlega ekki til máls­
ins. „Hann hefði átt að vera búinn
að kynna sér málið.“ Hann telur þó
líklegt að ummæli Eiríks byggi á
misskilningi milli bæjarstjórans og
skólayfirvalda Akureyrar.
Snorri hyggst kæra uppsögnina
og telur hann þetta vera einskon­
ar prófmál – nú reyni á það hvort
stjórnarskráin virki. „Má virkilega
setja kennurum svona stólinn fyr­
ir dyrnar? Mega þeir hafa einhverjar
skoðanir sem ekki hugnast pólitísk­
um meirihluta eða verður þeim sagt
upp?“
Ekki náðist í Eirík B. Björgvinsson
við vinnslu fréttarinnar.
14 Fréttir 20.–22. júlí 2012 helgarblað
Engeyingur til
Bretlands
Engeyingurinn Einar Sveinsson
er fluttur til Bretlands. Ekki liggur
fyrir af hverju hann er fluttur af
landi brott. „Þetta er persónulegt
mál,“ sagði Einar við Viðskiptablað­
ið sem greindi frá málinu. Einar
hefur undanfarið búið í Garðabæ.
Einar var stórtækur athafnamaður
á árunum fyrir hrun en hann var
ásamt bróður sínum, Benedikt, eig­
andi BNT, félags sem hélt utan um
olíufélagið N1. Einar bætist nú í
hóp íslenskra athafnamanna sem
búa á Bretlandi en þeirra á meðal
eru Bakkavararbræðurnir Ágúst og
Lýður Guðmundssynir og Hannes
Smárason.
Ólympíuleikar
frá morgni til
kvölds
Ólympíuleikarnir í London
hefjast 27. júlí og þeim verða
gerð góð skil á RÚV. Á aðalrás
RÚV hefjast útsendingar um
klukkan 9 að morgni og standa
nær sleitulaust fram til um
klukkan 21, eða í tólf klukku­
stundir. Kvöldfréttir RÚV hefjast
klukkan 18, síðan tekur við út­
sending frá úrslitum einstakra
greina. Leikarnir verða sendir út
í háskerpu á sérstakri rás hjá
Vodafone og Símanum. Að auki
verða útsendingar á aukarás,
Ólympíu rásinni. Útsendingar á
þeirri rás hefjast síðdegis og
standa fram undir miðnætti.
Ætlar að kæra Snorri
Óskarsson segir að dómur í
máli hans yrði prófsteinn fyrir
stjórnarskrána.
Álíka skattbyrði
og árið 1995
Skattbyrði ríkra Íslendinga lækk­
aði um helming í tíð ríkisstjórna
Davíðs Oddssonar og Halldórs
Ásgrímssonar, niður í 17 prósent
árið 2007. Skattalækkanirnar voru
talsvert meiri en þær voru til ríkra
í Bandaríkjunum í stjórnartíð
George W. Bush. Þetta segir Stefán
Ólafsson hagfræðingur á blogg­
síðu sinni. Þar vitnar hann einnig
í orð Egils Helgasonar fjölmiðla­
manns sem sagði á bloggsíðu
sinni frá því að grískur vinur sinn
teldi Grikkland aðeins komast út
úr kreppunni með því að láta ríkt
fólk borga meira til samfélagsins.
Stefán bendir á að það hafi verið
gert hér á landi.
„Ríka fólkið var látið greiða
hærri skatta eftir hrun og við erum
á leið út úr kreppunni,“ segir Stef­
án. Hann nefnir meðal annars að
fjármagnstekjuskattur hafi verið
hækkaður og að þrepaskipt skatt­
kerfi hafi verið tekið upp þar sem
hærri álagning væri á hærri tekjur.
„Skattar á lágtekjufólk voru hins
vegar lækkaðir.“
Stefán gefur lítið fyrir gagnrýni
hægri manna og segir að skatta­
hækkanirnar hafi aðeins haft þau
áhrif að skattheimta sé sambæri­
leg því sem hún var árið 1995.
„Þessir aðilar réðu öllu fram að
hruni og vilja endurheimta þessi
forréttindi komist þeir aftur til
valda. Þeir vilja lækka skattbyrði
ríka fólksins aftur,“ segir hann.