Dagblaðið Vísir - DV - 03.09.2012, Blaðsíða 4

Sektin bara fórnarkostnaður
n Segist hafa vanmetið eineltisstefnu skólans
B
jörn Steinarsson, sem ók
mótorhjóli sínu inn á ganga
Lágafellsskóla í Mosfells-
bæ í síðustu viku, segir mál
sitt vera í farvegi í samvinnu með
stjórnendum skólans, en hann á
fund með skólastjóra á mánudag.
Í viðtali við DV.is á þriðjudag
sagðist Björn hafa verið að mót-
mæla sinnuleysi skólans varðandi
eineltismál sem þar hafa komið
upp.
Í samtali við blaðamann DV á
sunnudag sagði Björn að það hefði
ef til vill ekki verið rétt metið hjá sér
að skólinn tæki ekki á eineltismál-
um sem koma upp innan skólans.
„Það er búið að vinna þarna fínt
starf, maður heyrir minna af mál-
um sem hafa verið leyst vel. Erfiðu
málin vekja alltaf meiri athygli, en
það hefur greinilega verið unnið
gott starf þarna líka.“
Hann býst við að verða sektað-
ur fyrir athæfið en kallað var á lög-
reglu sem þurfti að fjarlægja hann
úr skólanum. „Þeir finna örugglega
einhverjar greinar í umferðarlögun-
um sem ég hafði brotið, þannig að
ég býst við að fá einhverja sekt fyrir
það, en það er bara fórnarkostnað-
ur í málinu og ég tek því bara.“
Skólinn sendi foreldrum og for-
ráðamönnum barna í skólanum
tilkynningu vegna málsins sama
dag og það kom upp, þar sem for-
eldrum var bent á að hafa sam-
band við skólann ef þau teldu að
börn gætu þurft á áfallahjálp að
halda. Björn vill aftur á móti meina
að engin hætta hafi skapast í skól-
anum, en atvikið átti sér stað í há-
deginu þegar flestir nemendur sátu
í matsal skólans og urðu vitni að því
þegar hann kom keyrandi inn.
hanna@dv.is
4 Fréttir 3. september 2012 Mánudagur
Mótorhjól Maðurinn sem ók mótorhjóli
inn í Lágafellsskóla býst við að verða
sektaður fyrir athæfið.
AFTUR GRIPIN VIÐ
FRAMHJÁLÖNDUN
n Kristbjörg ÍS landaði fram hjá vigt n Gylfi er stjórnarformaður
É
g get staðfest það að málið
er til rannsóknar en get ekki
sagt meira um það,“ segir lög-
reglumaður hjá lögreglunni á
Vestfjörðum í samtali við DV.
Kristbjörg ÍS-177, sem er í eigu
útgerðarfyrirtækisins Lotnu ehf,
var gripin við framhjálöndun síð-
astliðinn föstudag. Knattspyrnu-
maðurinn Gylfi Þór Sigurðsson er
stjórnarformaður Lotnu en hann
hefur sagt að hann komi ekki ná-
lægt rekstrinum.
Samkvæmt heimildum
blaðsins er um að ræða um eitt
og hálft til tvö tonn sem ekki voru
gefin upp en samtals var landað 6
tonnum úr Kristbjörgu.
Fótboltastjarna stjórnarfor-
maður
Þetta mun ekki vera í fyrsta sinn
sem slíkt gerist hjá þessari út-
gerð. Fyrir tveimur árum var skip-
ið svipt veiðileyfi í sex vikur vegna
framhjálöndunar. Samkvæmt
heimildum DV hefur um tíma ver-
ið orðrómur á kreiki um að þetta
væri enn stundað á skipinu og því
má segja að hann hafi með þessu
verið staðfestur.
Eins og áður segir er Kristbjörg
í eigu Lotnu ehf. Gylfi Þór Sigurðs-
son er stjórnarformaður fyrirtækis-
ins og hefur verið það frá því í fyrra.
Faðir hans Sigurður Aðalsteinsson
keypti Lotnu ehf árið 2010 með
Kristjáni Sigurði Kristjánssyni af
Skúla Kristinssyni. Þeir sögðu sig
úr stjórn í febrúar í fyrra og Gylfi
kom inn sem stjórnarformaður
ásamt þeim Þorgrími Laufari Krist-
jánssyni og Ólafi Má Sigurðssyni,
sem sitja í stjórn Lotnu.
Kemur ekki nálægt stjórninni
Þrátt fyrir að Gylfi sé skráður
stjórnarformaður fyrirtækisins
hefur hann sagst koma hvergi ná-
lægt rekstrinum. Í viðtali við Daily
Mail fyrr á þessu ári sagði hann:
„Ekki spyrja mig um fisk. Allir vilja
tala um fisk við mig. Alltaf fisk.“
Gylfi virðist því ekki hafa gaman af
umræðuefninu.
Hann segir einnig í viðtalinu
að aðkoma hans að fyrirtækinu sé
engin þó að hann sé skráður stjórn-
arformaður. Hann hafi fjárfest með
sparifé sínu í fyrirtækinu Lotnu ehf
til þess að faðir hans gæti tekið yfir
stjórnina í fyrirtækinu.
„Fólk segir að ég sé stjórnar-
formaður – sem ég er greinilega
– en pabbi minn rekur fyrirtækið.
Hann hefur verið sjómaður nánast
allt sitt líf. Við erum kannski með
10 manns í vinnu eða 100, ég veit
það ekki. Ég er svo mikill stjórnar-
formaður. Í alvöru, þá er ég ekkert
tengdur sjómennsku.“
Slóð gjaldþrota
Kristbjörg ÍSÍ-177 er gerð út frá Fla-
teyri en Lotna ehf keypti þrotabú
fiskvinnslunnar Eyrarodda á Flateyri
í fyrra.
RÚV sagði frá því á síðasta ári að
eftir eigendur fyrirtækisins, þá Sig-
urð Aðalsteinsson og Kristján Sigurð
Kristjánsson, lægi löng slóð gjald-
þrota. Í fréttinni kom fram að sam-
kvæmt upplýsingum úr fyrirtækja-
skrá hefðu 20 fyrirtæki sem þeir
stýrðu orðið gjaldþrota. Þar af 17 á
10 árum. Og enn fleiri eru dæmin ef
fyrirtækin sem þeir voru stjórnendur
í eru tekin með. Flest þessara fyrir-
tækja tengdust fiskvinnslu og útgerð.
Kristján var árið 2003 dæmd-
ur fyrir stórfellt fiskveiðibrot. Var
hann þá dæmdur fyrir að halda bát-
um ítrekað að veiðum án tilskil-
inna aflaheimilda. Fyrir það brot var
hann dæmdur í sex mánaða fang-
elsi og til þess að greiða 20 milljóna
króna sekt og tæplega 14 milljónir í
skaðabætur.
Hvorki náðist í Sigurð né Kristján
við vinnslu fréttarinnar.
„Ég get staðfest
það að málið er til
rannsóknar en get ekki
sagt meira um það.
Viktoría Hermannsdóttir
blaðamaður skrifar viktoria@dv.is
Formannskjör
hjá Samstöðu
Skráning á landsfund Samstöðu
er hafin en fundurinn verður
haldinn helgina 6. og 7. október.
Frá þessu er greint á vefsíðu
flokksins. Allir sem greitt hafa fé-
lagsgjald hafa rétt til setu og at-
kvæðagreiðslu á landsfundinum.
Sigurjón Norberg Kjærnested,
annar tveggja sitjandi varafor-
manna flokksins, segist ekki hafa
hug á að bjóða sig fram til for-
manns. „Ég er nú bara nýgiftur
og vil ekki leggja þetta á hjóna-
bandið,“ sagði hann þegar DV leit-
aði til hans.
Kristbjörg Þórisdóttir sál-
fræðingur sem situr í stjórn Sam-
stöðu hefur verið nefnd sem lík-
legt formannsefni. Hún segist þó
ekki hafa tekið ákvörðun um að
bjóða sig fram.
Stjórnarformaður Gylfi Þór hefur
ítrekað verið spurður um aðkomu sína að
útgerðinni í erlendum fjölmiðlum en hann
segist ekkert vita um reksturinn. Hann ber
þó ábyrgð sem stjórnarformaður.
Íslendingar í
fangelsi fyrir
fíkniefnasmygl
Íslensku karlmennirnir, sem hand-
teknir voru á Kastrupflugvelli með
fimm kíló af e-töflum í fórum sínum
fyrr á árinu, eiga yfir höfði sér fang-
elsisdóm í Danmörku. Dómur féll í
máli þeirra á föstudaginn að því er
fram kom í kvöldfréttum Stöðvar 2 á
sunnudag. Annar þeirra fékk fimm
ára dóm en samkvæmt óstaðfestum
upplýsingum fékk hinn átta ára dóm.
Mennirnir hafa setið í gæsluvarð-
haldi í hálft ár án þess að óska eftir
aðstoð íslenskra yfirvalda, en Stöð
2 upplýsti fyrst um málið í mars.
Mennirnir eru báðir á fertugsaldri og
hafa leigt saman í Kaupmannahöfn
um árabil.
E-töflurnar voru 25 þúsund tals-
ins en götuvirði efnanna á Íslandi
nemur um það bil 60 milljónum
króna.
Skráning og upplýsingar í síma 564 4030 eða á tennishollin.is

TENNIS
er skemmtileg hreyfing

Nú er rétti tíminn til að
panta fastan tíma í tennis.
Eigum nokkra tíma lausa.
Skemmtilegu
byrjendanámskeiðin
fyrir fullorðna eru að hefjast.