Dagblaðið Vísir - DV - 13.01.2012, Blaðsíða 46

46 Sport 13.–15. janúar 2012 Helgarblað
Fylgstu vel með
þessum á árinu
n Átta fótboltamenn sem gætu tekið árið með trompi
Yann M’Vila
Þjóðerni: Franskur  Aldur: 20 ára  Staða: Miðvörður  Lið: Rennes
n Þrátt fyrir að vera aðeins 21 árs er hann fyrir löngu
orðinn stoð og stytta í varnarleik Rennes í frönsku úrvals-
deildinni. Hann var gerður að fyrirliða liðsins fyrir þetta
tímabil og er undir smásjá margra stórliða. Ætli sér eitt-
hvert lið að kaupa hann í sumar þarf það líklega að punga
út yfir 20 milljónum punda. M’Vila er orðinn fastamaður
í franska landsliðinu og verður því á stóra sviðinu í sumar
þegar EM 2012 hefst í Úkraínu og Póllandi. Ótrúlega
öflugur leikmaður sem mun fljótlega fara í betra lið.
Gary Cahill
Þjóðerni: Enskur  Aldur: 26 ára  Staða: Miðvörður  Lið: Bolton
n Það vita allir hver Gary Cahill er enda búinn að vera
einn besti miðvörður ensku úrvalsdeildarinnar undan-
farin ár. Þá er hann einnig orðinn landsliðsmiðvörður
Englands og verður líklega við hlið John Terry í fyrsta
leik á EM 2012. Árið 2012 verður þó áhugavert fyrir Cahill
því nú stefnir allt í að hann semji við Chelsea. Hann
verður þá í fyrsta skipti lítill fiskur í stórri tjörn og verður
áhugavert að sjá hvernig honum gengur að spila með
miklu betra liði og í Meistaradeildinni.
Neymar
Þjóðerni: Brasilískur  Aldur: 19 ára  Staða: Framherji  Lið: Santos
n Kannski afskaplega auðvelt að benda á mest spenn-
andi leikmann heims. En þó af honum fari fagrar sögur
og YouTube-myndbönd af honum séu skoðuð meira en
af nokkrum öðrum fótboltamönnum sjá hann afskap-
lega fáir frá degi til dags. Santos er búið að leggja niður
kvennaliðið sitt til að geta borgað Neymar fyrir að vera
áfram en árið 2012 hlýtur að vera árið sem annaðhvort
Real Madrid eða Barcelona kaupir kappann og þá fær
loks öll heimsbyggðin að sjá hann í hverri viku.
Xherdan Shaqiri
Þjóðerni: Svissneskur  Aldur: 20 ára  Staða: Kantur  Lið: Basel
n Shaqiri tætti íslenska U21 árs landsliðið í sig á EM
í fyrra. Hann reyndar tætti eiginlega öll liðin í sig á
mótinu. Shaqiri er fyrir löngu orðinn einn aðalmaðurinn
hjá Basel og fór á kostum þegar liðið henti Manchester
United út úr Meistaradeildinni á dögunum. Það er ekki
glæta að Basel haldi honum lengur en fram á sumar.
Ótrúlega spennandi leikmaður sem hefur hraða,
tækni og góð skot. 2012 gæti vel orðið árið sem Shaqiri
springur út á stóra sviðinu.
Tim Ream
Þjóðerni: Bandarískur  Aldur: 24 ára  Staða: Vörn  Lið: NY Red Bull
n Ream kom eins og stormsveipur inn í MLS-deildina árið
2010 og varð fljótt einn besti varnarmaður deildarinnar. Á
síðasta tímabili vakti hann áfram athygli og er litið á hann
sem framtíðarmiðvörð bandaríska landsliðsins. Arsenal
hefur haft auga á honum í nokkurn tíma en nú er Bolton
aðeins hársbreidd frá því að landa honum á 2,5 milljónir
punda. Ream verður gert að leysa Gary Cahill af hólmi
þegar hann fer til Chelsea. Ream verður því strax hent í
djúpu laugina í ensku úrvalsdeildinni.
Javier Pastore
Þjóðerni: Argentínskur  Aldur: 22 ára  Staða: Miðja  Lið: PSG
n Það fór ótrúlega lítið fyrir því síðasta sumar þegar
hið nýríka félag PSG gerði Pastore að tólfta dýrasta
leikmanni sögunnar. Hann hafði áður farið á kostum í
Seríu A á Ítalíu og hefur verið magnaður fyrir PSG síðan
hann kom til Frakklands. PSG á góða möguleika að
á að vinna frönsku deildina í ár en það verður alltaf í
Meistaradeildinni næsta haust hvað sem öllu öðru líður.
Þá fáum við að sjá virkilega af hverju Frakkarnir keyptu
Argentínumanninn fyrir ríflega 9 milljarða króna.
Jack Wilshere
Þjóðerni: Enskur  Aldur: 20 ára  Staða: Miðjumaður  Lið: Arsenal
n Wilshere fór á kostum á síðasta tímabili og kom með
baráttu og kraft inn á miðjuna hjá Arsenal sem virkilega
vantaði. Því miður fyrir hann og Arsenal meiddist Wils-
here í landsleik í sumar og hefur verið frá síðan. Hann á
þó að komast á skrið fljótlega á árinu og verður spenn-
andi að sjá hvort hann komist í sitt fyrra form nægilega
fljótt. Það er nefnilega líka EM í sumar þar sem Wilshere
gæti heldur betur skotið sér upp á stjörnuhimininn eins
og Rooney gerði árið 2004.
Hulk
Þjóðerni: Brasilískur  Aldur: 25 ára  Staða: Framherji  Lið: Porto
n Allt í lagi. Það vita allir hver Hulk er. Hann hefur
raðað inn mörkum fyrir Porto undanfarin ár og hefur
reglulega verið á skjánum í Meistaradeildinni. Það
hefur enginn keypt hann enn því kaupklásúlan í
samningi hans hljóðar upp á 88 milljónir punda. En
Brassinn sterki hættir ekki að raða inn mörkum og er
kominn með ellefu nú þegar á tímabilinu. 2012 hlýtur
að vera árið sem Hulk færir sig í stærri deild. Þetta er
meiri von en spá.