Dagblaðið Vísir - DV - 18.01.2013, Side 32
Áhuginn kom með
móðurmjólkinni
32 Viðtal 18.–20. janúar 2013 Helgarblað
Þ
essi keppni er bara þannig
að það er ekki nóg að hlusta
bara á lögin. Maður verð-
ur að „sjá“ þau líka. Ég get
ekki myndað mér skoðun
fyrr. Það eru þessar þrjár mínútur á
sviðinu sem skipta mestu máli enda
vitum við að það er ekki bara lag-
ið sem þarf að vera gott. Það þarf
allt að smella saman; gott lag, góður
söngur, bakraddir og flott föt,“ segir
söngkonan Regína Ósk Óskarsdóttir
um lögin sem keppa í undankeppni
Eurovision þetta árið.
Aldrei að segja aldrei
Regína Ósk er mikill Eurovision-að-
dáandi og hefur sjálf margsinnis ver-
ið í íslenska hópnum. Í fyrsta skipt-
ið sem bakraddasöngkona í laginu
Angel árið 2001 og aftur árin 2003
og 2005. Hún og Friðrik Ómar ásamt
Eurobandinu fluttu svo lagið This is
My Life árið 2008 en þar komst Ísland
í fyrsta skiptið upp úr undankeppn-
inni síðan slíkt fyrirkomulag var sett
á árið 2004.
Regína segir áhuga sinn á keppn-
inni hafa verið til staðar löngu
áður en hún fór sjálf að taka þátt.
„Mamma var forfallinn Euro-að-
dáandi. Þetta kom því með móður-
mjólkinni,“ segir Regína brosandi og
bætir við að nú sé hálfgerð hátíð að
hefjast að hennar mati. Þrátt fyrir allt
klæjar hana ekki í fingurna að taka
þátt. „Alls ekki. Þótt það sé alltaf jafn
gaman að vera með þá er líka gam-
an að fylgjast bara með,“ segir hún
en þvertekur fyrir að hún sé búin
með sinn Eurovision-kvóta. „Maður
á aldrei að segja aldrei og ég veit ekk-
ert hvað gerist í framtíðinni.
Ég er ennþá í fullu fjöri. Þetta er
bara allt spurning um góða tíma-
setningu og gott lag. Þessi keppni er
svo skemmtileg. Þarna er ekki verið
að fara upp á svið og syngja gömul
lög. Þarna verður til ný íslensk tón-
list. Svo má ekki gleyma því hversu
atvinnuaukandi þessi keppni er.
Þetta þýðir aukin vinna, sama hvort
það er í stúdíói, hjá upptökumönn-
um, hljóðmönnum, hljóðfæraleikur-
um, bakröddum, danshöfundum
eða stílistum.
Auðvitað eru alltaf einhverjir sem
eru á móti þessari keppni en kannski
þora þeir ekki að viðurkenna að
þeim þyki þetta skemmtilegt. Enda
munu 80–90 prósent þjóðarinnar
horfa þegar á hólminn er komið. Það
er varla hægt að fá betri auglýsingu
fyrir alla sem taka þátt.“
Troðið ykkur fram!
Regína Ósk lifir og hrærist í tón-
list. Hún kennir ungum krökkum
að syngja í Söngskóla Maríu Bjarkar
og er alltaf með einhver spennandi
verkefni framundan. „Þessa dagana
er ég að undirbúa Abba-sýninguna
sem við vorum með í Eldborg í
ágúst. Við ætlum að halda áfram í
febrúar og verðum svo á Akureyri í
mars. Svo er ég að fara að taka þátt
í skemmtilegu Eurovision-verk-
efni á vegum Pink Iceland ásamt
Friðriki Ómari og Eurobandinu,
Heru Björk, Siggu Beinteins og Páli
Óskari. Þetta verður partí sem verð-
ur haldið kvöldið fyrir lokakeppnina
hér heima. Við eigum von á 70 er-
lendum gestum auk þess sem allir
eru velkomnir. Þetta verður svaka
bomba. Og eflaust nóg af glimmeri
á staðnum!“
Regína segist ekki vita við hvað
hún myndi starfa ef ekki í tónlist.
„Ég er oft spurð af nemendum mín-
um hvernig maður verði söngkona.
Þá segi ég alltaf að það sé ekki eins
og ég hafi ákveðið það einn daginn,
lífið æxlaðist meira á þann veginn.
Maður er ungur og tekur þátt í þeim
keppnum sem standa til boða, þar
sér mann einhver og býður manni
að syngja. Þannig gengur þetta. Svo,
ef maður er heppinn, er þetta orðin
atvinnan eftir einhvern tíma. Það
þýðir ekkert að vera bara heima með
röddina og halda að einhver hringi.
Þessi bransi er mikil vinna og snýst
um að koma sér á framfæri og búa
til verkefni. Ég er búin að vera mjög
dugleg við að skipuleggja mig og
halda litla tónleika sem stóra. Það
skiptir öllu máli að láta vita af sér.
Þess vegna hvet ég ungt fólk sem er
að byrja til að stofna hljómsveit, al-
veg sama hversu ung eða óreynd þið
eruð. Þið fáið ekki reynsluna nema
með því að spila. Troðið ykkur fram
í fjölskylduveislunum! Þannig virkar
þetta.“
Öðruvísi lífsreynsla
Regína er stúdent frá Menntaskól-
anum í Hamrahlíð og stefndi alltaf á
frekara nám. „Mér hefur alltaf geng-
ið vel í skóla og það er aldrei að vita
nema ég setjist aftur á skólabekk.
Kannski maður skelli sér bara í lög-
fræði í háskólanum,“ segir hún bros-
andi og viðurkennir að hún velti sér
stundum upp úr prófaleysinu. „Já já,
stundum fer ég í þennan pakka enda
á ég vinkonur sem eru komnar með
alls kyns próf. En ég fæ öðruvísi lífs-
reynslu sem þær fá kannski ekki. Ég
hitti alls konar fólk, ferðast um og
geri margt skemmtilegt. Svo er mað-
ur aldrei of gamall til að fara í skóla.
Maður verður bara að nýta tímann
vel. Ég verð ekki alltaf í stuttum kjól
uppi á sviði. En á meðan ég hef nóg
að gera er ég sátt. Annars líður tím-
inn svo hratt og ef til vill ætti maður
bara að skella sér í nám og næla sér
í BA-próf. Fjögur ár eru ekki lengi að
líða.“
Regína Ósk er gift Akureyringnum
Sigursveini Þór Árnasyni. Þau Svenni
eiga saman dótturina Aldísi Maríu
en eldri dóttir Regínu heitir Aníta
og er ellefu ára. Svenni er einnig
tónlistar maður en hann var á sínum
tíma einn liðsmanna hljómsveitar-
innar Lúxor.
Regína segir Anítu hafa erft tón-
listaráhuga móður sinnar. „Hún er
nú þegar farin að koma fram með
mér og syngur allavega einu sinni
á ári á jólatónleikum. Hún er líka
mjög áhugasöm um Eurovision og
alls kyns tónlist enda heyrir hún í
okkur hjónum þegar við erum að æfa
okkur. Hún þekkir til dæmis tónlist
Carpenters, kann ABBA utan að og
hlustar á Trúbrot, Deep Purple og
Muse. Þetta síast smám saman inn.
Svo er hún líka dugleg að semja sög-
ur og hefur samið texta og lög. Þá fær
hún tölvuna mína og kemur með
nýtt lag á augabragði. Sú yngri en
meira fyrir að dilla sér. Hún er meira
í dansi, eins og pabbi hennar var svo
lengi.“
„Mamma er alltaf mamma“
Hún segir dæturnar ekkert kippa sér
upp við það þótt þær sjái forelda sína
af og til á sjónvarpsskjánum. „Þær
alast náttúrulega upp við þetta. Þær
þekkja ekkert annað en svona líf. Við
Svenni vinnum á skrítnum tímum.
Sjálf er ég frekar heima á morgnana
en á kvöldin en þær vita ekki ennþá
að þetta er öðruvísi en hjá flestum.“
Hún viðurkennir að það geti ver-
ið heilmikið bras að púsla tónlistinni
saman við fjölskyldulífið. „Við Svenni
fórum til að mynda á tónleikatúr fyrir
jólin sem tók 21 dag. Það hefðum við
aldrei getað nema af því að við eigum
góða fjölskyldu sem hjálpar. Hans
fjölskylda er fyrir norðan og hjálp-
ar okkur mikið og svo eru mamma
og pabbi hér í blokkinni við hliðina.
Þau eru hæg heimatökin. Svo er syst-
ir mín líka með ung börn og er alltaf
til í að hjálpa.“
Hún viðurkennir þó fúslega að
vera ein af þeim mæðrum sem sé
haldin stöðugu samviskubiti þegar
kemur að börnum og vinnu. „Ég
get fengið blússandi samviskubit
en ég veit að ég er ekki ein í þessari
stöðu. Hér eru leikarar sem vinna
öll kvöld. En einhverra hluta vegna
leggst þetta meira á sálina hjá kon-
um. Það skiptir ekki máli þótt pabb-
arnir séu frábærir, mamma er alltaf
mamma. Þetta getur verið erfitt. En
þegar ég hef tíma þá gef ég stelpun-
um alla mína athygli og það held ég
að sé ómetanlegt.“
Þau Svenni kynntust á Egó-balli í
Sjallanum á Akureyri fyrir sjö árum
og hafa verið hamingjusöm síðan.
„Ég vissi ekkert hver þetta var og það
var ekki fyrr en seinna að ég fattaði
að hann var að reyna við mig. Mér
fannst hann samt mjög myndar-
legur,“ segir hún brosandi og bætir
við að þau smellpassi saman. „Ég
var ekki að leita mér að neinum á
þessum tíma. En svona gerist þetta
stundum. Hann var bara svo flottur
og fullur sjálfstrausts og það heillaði
mig upp úr skónum.“
Hjálpa hvort öðru
Hún segir að það hafi komið sér
skemmtilega á óvart að hann var líka
tónlistarmaður. „Á þessum tíma var
hann samt meira í dansinum. Tón-
listin hefur aukist með árunum. Ég
efast ekki um að við eigum eftir að
vinna mikið saman enda kemur
hann oft með mér og spilar á gítar-
inn þegar ég er að syngja. Svo vinn-
ur hann líka að sínu efni og ber það
undir mig. Vonandi kemur platan
hans út á þessu ári.“
Hún segir þau Svenna hjálpa hvort
öðru í listinni og að þau séu gagnrýn-
in hvort á annað. „Þetta myndi ekk-
ert ganga nema við værum hreinskil-
in. Það er engum hollt að fá bara; já
og æðislegt, við öllu sem hann ger-
ir. Stundum þarf að tala mannamál.
Það sama á við í kennslunni. Ef nem-
endur fá bara að heyra hvað þeir eru
frábærir verður framförin engin. Það
er alltaf hægt að toga manneskjuna
enn lengra og í nýjar áttir.
Það hef ég fundið með mínar
sólóplötur en ég hef alltaf unnið með
nýjum upptökustjóra til að fá nýja
sýn. Það hefur reynst mér vel að hafa
einhver ólíkan mér, eins og þegar
ég starfaði með Barða Jóhannssyni.
Það var svo gott að heyra að þetta og
hitt væri ekki nógu gott. Hann sagði
það bara beint út. Það er alltaf hægt
að finna nýjar hliðar, annars stend-
urðu bara í stað,“ segir Regína sem
er mikill aðdáandi söngkonunnar
Madonnu. „Ég lít rosalega upp til
hennar. Madonna hefur verið í fram-
línunni í áratugi en kemur alltaf jafn
fersk inn. Hún er ótrúleg og finnur
sér ávallt gott fólk að vinna með sem
kemur með nýja sýn á hennar verk.
Það er nefnilega oft erfitt að ætla sér
það sjálfur.“
Einmana eftir sambandsslit
Regína var í sambúð með föður
eldri stelpunnar en það samband
gekk ekki upp. Hún viðurkennir að
það hafi verið erfitt að vera einstæð
móðir. „Á tímabili var ég alveg rosa-
lega einmana. Ég lít á maka minn
sem vin og félaga og við skilnað
hverfur félagsskapurinn einnig. Mér
fannst oft erfitt að vera ein heima á
kvöldin,“ segir hún og bætir við að
Regína Ósk Óskarsdóttir söngkona er forfallinn Eurovision-aðdáandi. Regína hefur nokkrum sinnum
keppt fyrir Íslands hönd en segir athyglina sem fylgir slíkri þátttöku ekki bara dans á rósum. Hún hafi til að
mynda lent í slæmu umtali á netinu í kjölfarið sem hafi verið særandi. Regína Ósk ræðir hér um tónlistina,
keppnina sem hún elskar, ástina sem hún fann í Sjallanum og einelti sem hana hryllir við.„Það skiptir
ekki máli
þótt pabbarnir séu
frábærir, mamma
er alltaf mamma
Lifir í tónlistinni Regína segir lífið hafa æxlast á þann veg að hún geti lifað af tónlistinni. Hún
hvetur ungt fólk til að koma sér á framfæri enda bíði bransinn ekki eftir neinum. Mynd sigTryggur Ari
Indíana Ása Hreinsdóttir
indiana@dv.is
Viðtal