Dagblaðið Vísir - DV - 07.06.2013, Qupperneq 30

30 Fólk 7.–9. júní 2013 Helgarblað
É
g kynntist kannski betur en
margir aðrir þessum yndis-
legu eiginleikum hans. Hann
var alltaf kátur, skemmti-
legur og jákvæður,“ segir Ragnar
Bjarnason eða Raggi Bjarna, góð-
vinur Hemma. „Allir sem voru ná-
lægt honum drógust inn í þessa já-
kvæðni og hlátur hans,“ segir hann
um vin sinn sem hann syrgir sárt.
„Þetta er svo sorglegt og þetta ger-
ist svo snöggt, við vorum mikl-
ir vinir,“ segir Raggi. Þeir félagarn-
ir höfðu vitað hvor af öðrum í
nokkurn tíma og reglulega skemmt
saman þegar Raggi bað Hemma að
slást í för með Sumargleðinni. Með
henni ferðuðust þeir saman um
allt land með hópi skemmtikrafta
og slógu upp heljarinnar veislu
hvar sem þeir stoppuðu.
Hann segir húmorinn hafa ver-
ið einkennismerki Hemma. Hann
hafi haft gaman af því að gera
góðlátlegt grín og sjálfur segist
hann oft hafa orðið fyrir barðinu á
stríðni Hemma. „Hann var prakk-
ari og hafði gaman að því að stríða
mönnum í gríni og gat vel tekið
gríni sjálfur,“ segir hann hlæjandi
og minnist skemmtilegrar sögu
frá Sumargleðinni. „Hann bjó til
par, skírði þau og fékk alla með
sér í lið. Þau hétu Þröstur og Bíbí.
Þetta voru voðalega óþekk hjón
sem voru alltaf að gera eitthvað af
sér en það átti sér alltaf stað þegar
ég var niðri að skipta um föt eða
eitthvað. Svo kallaði hann alltaf á
mig: Raggi, Þröstur og Bíbí, kom-
iði!“ Og alltaf rauk ég upp. Svona
gekk þetta heilt sumar og aldrei
voru þau þarna þegar ég kom.
Það tóku allir þátt í þessu. Hann
bjó þau til, til þess að fá mig til að
hlaupa sem oftast upp stigann,“
segir Raggi skellihlæjandi. „Svona
var Hemmi, það var alltaf gam-
an í kringum hann. Hann var svo
yndislegur strákur.“ Hann segist
munu sakna Hemma sárt. „Þjóðin
öll syrgir hann. Þetta er ekki bara
erfitt fyrir okkur sem þekktum
hann heldur þjóðina alla. Hann
var þjóðargersemi. Þegar hann
kom í útvarpið eða sjónvarpið þá
gladdi hann alla. Þjóðin á bara
að horfa til himins og þakka fyrir
Hemma Gunn.“
H
emmi var ofboðslega blíð-
ur og ljúfur. Hann gat líka
verið stríðinn og svo var
hann oft mjög fyndinn,
segir Valgerður Matthíasdóttir
fyrrum samstarfskona Hemma.
„Þegar við unnum saman á skrif-
stofu á RÚV þá kom hann til dæm-
is iðulega með stríðniskomment á
það sem ég sagði eða gerði og þá
gerði hann það á mjög skemmti-
legan hátt þannig ég fór alltaf að
hlæja. Það var alltaf mjög góð-
látlegt grín og gat verið óborg-
anlega fyndið,“ segir hún hlæj-
andi og segist minnast hans með
gleði í hjarta. „Það er erfitt að lýsa
því nákvæmlega en það var bara
hvernig hann sagði hlutina sem
kom manni til að hlæja. Svo kunni
hann alltaf með glaðværð að létta
andrúmsloftið ef til dæmis álagið
var mikið eða við vorum í miklu
stressi. Hann var alveg einstak-
ur að mörgu leyti. Bæði mjög hlýr
og skemmtilegur og hann var bara
svo falleg sál,“ segir Vala um vin
sinn, Hemma.
H
emmi var frábær náungi
og ofboðslega skemmti-
legur. Það var alltaf gam-
an í kringum hann, segir
Þórhallur Sigurðsson eða Laddi
eins og hann er gjarnan kallað-
ur. Þeir Hemmi áttu langt og gott
samstarf í þáttunum „Á tali hjá
Hemma Gunn“ þar sem Laddi
birtist reglulega sem persónurn-
ar Elsa Lund eða Dengsi sem áttu
fastan sess í hjarta þjóðarinn-
ar. Persónurnar voru skapaðar í
kringum þættina.
Laddi segir alltaf hafa verið
mikið fjör hjá þeim og ávallt mik-
il gleði í kringum Hemma. „Þetta
var mjög skemmtileg samvinna
hjá okkur. Æðislega gaman, það
er ekki hægt að segja annað,“ seg-
ir hann. Eftir að þátturinn hætti
kom Laddi stundum í viðtöl hjá
Hemma í útvarpinu og komst þá
yfirleitt ekki upp með annað en
að taka nokkra af sínum frægustu
karakterum. Laddi segist munu
sakna Hemma. „Ég kem til með
að gera það, mjög mikið, bara
eins og öll þjóðin. Maður átti ekki
von á þessu og ég er í raun ekki
enn búinn að átta mig á þessu.“
„Hann var þjóðargersemi“
Vinir Raggi og Hemmi saman á góðri stundu.
Á tónleikum Sumar-
gleðin þegar hún kom
saman árið 2011.
Hemmi og börnin
Hemmi var mikill barnakarl
og börn voru tíðir gestir í
þættinum hjá honum.
„Ofboðslega blíður og ljúfur“
„Frábær náungi og ofboðslega skemmtilegur“
Á tali hjá Hemma
Gunn Hemmi og
Elsa Lund spjalla.
Fyrstu árin Hemmi með foreldrum sínum og systur.
Hlegið í beinni Hemmi
var þekktur fyrir innilegan
hlátur sinn og gott geð.
Fermingarmyndin
Hrukkulaus og bráðmyndarlegur
ungur fermingardrengur.