Dagblaðið Vísir - DV - 10.01.2014, Page 12

12 Fréttir Helgarblað 10.–13. janúar 2014
H
anna Birna Kristjáns­
dóttir innanríkisráðherra
hefur verið kærð til lög­
reglunnar á höfuðborgar­
svæðinu vegna trúnað­
arbrests ráðuneytisins gagnvart
hælisleitandanum Tony Omos.
Stefán Karl Kristjánsson, lögmað­
ur Tonys, kærði málið fyrir jól, en
kæran beinist bæði að innanríkis­
ráðherra og starfsmönnum ráðu­
neytisins. Háttsemi þeirra kann að
varða við sjö ákvæði hegningarlaga
sem snúast meðal annars um
ærumeiðingar, brot á þagnarskyldu
og ranglæti við úrlausn máls. Lög­
reglan staðfestir að kæran hafi
borist en hefur ekki tekið formlega
ákvörðun um hvort málið verði
rannsakað. DV óskaði eftir sam­
tali við Hönnu Birnu vegna máls­
ins en ekki var orðið við beiðninni.
Þórey Vilhjálmsdóttir, aðstoðar­
kona Hönnu Birnu, sendi hins­
vegar tölvupóst á DV þar sem því
var eindregið neitað að ráðherra
hefði verið kærður til lögreglu.
Þessi yfirlýsing gengur í berhögg
við orð lögreglunnar sjálfrar og lög­
manns Tonys. DV hefur heimild­
ir fyrir því að von sé á fleiri kærum
vegna trúnaðarbrestsins.
Málið kom upp í nóvember
þegar Fréttablaðinu og Morgun­
blaðinu var afhent minnisblað inn­
anríkisráðuneytisins um Tony og
barnsmóður hans, Evelyn Glory
Joseph, en þar var að finna grófar
ásakanir á hendur Tony. Svo virð­
ist sem lögreglan telji hann sak­
lausan af öllum þeim ávirðingum
sem á hann voru bornar í skjalinu.
Fullyrt var að hann væri grunaður
um aðild að mansali og að Evelyn
væri ekki raunveruleg barnsmóðir
Tonys, heldur hefði hann þvingað
hana til að halda því fram að hann
væri faðir barnsins.
Samkvæmt upplýsingum DV
er lögreglunni orðið ljóst að
Tony átti ekki aðild að neinu
mansalsmáli. Á seinni stig­
um hafa yfirheyrslur lög­
reglu einungis snúist um
hvort Tony hafi aðstoðað
systur sína, unnustu og aðra
nákomna við ólöglega komu
til Íslands. Þá virðist full­
yrðingin um þrýsting gagn­
vart Evelyn ekki eiga sér
stoð í raunveruleikan­
um, enda kannast réttar­
gæslumenn og aðrir hlut­
aðeigandi ekki við að slíkt
hafi nokkurn tímann komið fram.
Þessar ásakanir er einvörðungu
að finna í minnisblaði ráðuneytis­
ins. Hönnu Birnu Kristjánsdóttur
og/eða starfsmönnum innanríkis­
ráðuneytisins er því gefið að sök
að hafa dreift ærumeiðandi
aðdróttunum um Tony
Omos.
Ráðherra í vanda
DV fjallaði um brott­
vísun Tonys úr landi
í nóvember en þá
hugðist hann vera í
felum á Íslandi þar
til barn hans kæmi
í heiminn. Málið
vakti gríðarlega
athygli og fjöldi fólks boðaði komu
sína á mótmæli fyrir framan innan­
ríkisráðuneytið. Í kjölfarið var um­
ræddu minnisblaði ráðuneytisins
komið í hendur valinna fjölmiðla
sem fjölluðu um ávirðingarnar.
Gísli Freyr Valdórsson, aðstoðar­
maður Hönnu Birnu, var marg­
saga þegar DV ræddi við hann um
lekann og réttargæslumenn Tonys
og Evelyn gagnrýndu ráðuneytið
harðlega. Þá vöktu viðbrögð Hönnu
Birnu furðu, sérstaklega þegar
hún bendlaði Rauða kross­
inn við lekann, enda höfðu
starfsmenn hans aldrei að­
gang að umræddu skjali.
Að sama skapi kann­
ast Útlendingastofn­
un og ríkislögreglu­
stjóri ekki við skjalið,
en svör þeirra við fyr­
irspurnum DV hafa
verið skýr á meðan öll
svör ráðuneytisins hafa
verið þversagnarkennd
og loðin.
Hanna Birna hefur tví­
vegis verið spurð um
trúnaðar brestinn í óundir­
búnum fyrirspurnatímum
á Alþingi auk þess sem
hún hefur verið köll­
uð fyrir stjórn­ skipunar­ og eftir litsnefnd. Henni
hefur ekki tekist að útskýra málið.
Getur varðað 6 ára fangelsisvist
Kæran lýtur að sjö greinum
almennra hegningarlaga,
greinum 130, 136, 139, 229,
230, 234, og/eða 235. 130.
grein kveður á um bann
við því að handhafar op­
inbers úrskurðarvalds
um lögskipti gerist sek­
ir um ranglæti við úr­
lausn máls eða meðferð
þess, og er refsiramm­
inn sex ár. Greinar 136, 229 og 230
lúta að þagnarskyldu opinberra
starfsmanna og 139. grein kveður á
um bann við því að opinberir starfs­
menn misnoti aðstöðu sína sér eða
öðrum til ávinnings. Samkvæmt
234. grein skal hver sá sem „meiðir
n Meint brot varða allt að sex ára fangelsisvist n Tony Omos hafður fyrir rangri sök í minnisblaði
Ráðherra kærður
fyrir trúnaðarbrot
Jón Bjarki Magnússon
Jóhann Páll Jóhannsson
jonbjarki@dv.is / johannp@dv.is
Tony og Evelyn Tony Omos og Evelyn Glory Joseph, barnsmóðir hans, voru leikin grátt af innanríkisráðuneytinu. Ekkert bendir til þess að ásakanirnar sem birtust í minnisblaði sem lekið
var til fjölmiðla eigi við rök að styðjast. Mynd SiGTRyGGuR ARi
Ráðherra kærður Hanna Birna
Kristjánsdóttir og starfsmenn inn-
anríkisráðuneytisins hafa verið kærð
til lögreglu vegna meintra brota á sjö
ákvæðum almennra hegningarlaga.
„Gefið að sök
að hafa dreift
ærumeiðandi aðdróttun-
um um Tony Omos
Sorg vegna brottvísunar Systir Tonys hágrét þegar hann gaf sig fram við lögreglu rétt
fyrir jól. Mynd SiGTRyGGuR ARi