Dagblaðið Vísir - DV - 10.01.2014, Side 26

26 Fréttir Erlent
Þ
etta hefur gengið afar vel,“
segir Chulah Berkowitz,
talsmaður Regenboog
Groep, við blaðamann
þegar hann hringir til
Hollands til að forvitnast um afar
frumstætt verkefni á þeirra snær-
um.
Hugmynd frá starfsmanni
almenningsgarðs
Í nóvember á síðasta ári komu
góðgerðasamtökin Regenboog
Groep, Regnbogahópurinn á ís-
lensku, á laggirnar verkefni sem
miðar að því útvega útigangsfólki
vinnu og borga því meðal annars
í bjór og sígarettum. Hver og einn
starfsmaður fær auk þess 10 evrur
fyrir hvern unninn dag, sem eru
alls þrír á viku.
„Við fengum þessa hugmynd frá
starfsmanni sem vinnur í almenn-
ingsgarði,“ útskýrir Berkowitz.
„Þar var hópur útigangsfólks til
trafala og gangandi vegfarendur
forðuðust að vera í námunda við
garðinn. Drykkjulætin voru mikil.
Til þess að leysa vandamál eins og
þetta er venjan að biðja útigangs-
fólkið vinsamlegast að finna sér
annan stað til þess að vera á – og
koma þar með vandamálinu yfir á
einhvern annan.“
Hjálpin stendur til boða
Tuttugu starfsmenn eru á snærum
Regnbogahópsins sem kunna afar
vel við starf sitt. Uppátæki hol-
lensku samtakanna vakti heims-
athygli og voru skiptar skoðan-
ir á þessari frumlegu lausn við
vanda útigangsfólks. Rökstuðn-
ingur samtakanna fyrir því hvers
vegna þetta væri heppileg lausn
fyrir útigangsfólkið var á þann veg
að „það væri ekki umkomulaust á
götunum, drykki minna, borðaði
betur og hefði eitthvað fyrir stafni“.
„Ef útigangsfólkið vill sækja sér
hjálp til að temja neyslu sína, þá
stendur það til boða,“ segir Chulah
um meinta gagnrýni. „Viljinn verð-
ur hins vegar að koma frá þeim
sjálfum. Ef þau vilja ekki hjálp við
það, þá er það þeirra ákvörðun.
Hver og ein manneskja hefur sinn
rétt til að taka ákvarðanir út frá
eigin sjónarmiði.“
Virða vilja manneskjunnar
Chulah segir að í þessu tilfelli kjósi
útigangsfólkið að vera á götunni
frekar en að leita sér hjálpar.
„Okkar sýn er að virða vilja
þeirra sem manneskjur,“ útskýrir
Chulah. „Við getum ekki sett
pressu á þau og skipað þeim að
fara í meðferð. Þau hafa meiri
samskipti við fólk í dag en áður
og hver veit nema það kveiki vilja
til þess að taka meiri þátt í sam-
félaginu. Þetta er öllum til góðs,
bæði útigangsfólkinu og þeim sem
vilja verja tíma í garðinum.“
Þegar útigangsfólkið mætir til
vinnu klukkan níu á morgnana fær
það tvo bjóra áður en farið er af
stað í að hreinsa götur Amsterdam.
Í hádeginu fær það heita máltíð og
tvo bjóra en í lok dags, klukkan hálf
fjögur, síðasta bjórinn, sígarettur
og 10 evrur. Sjálft útigangsfólkið
segist vera ánægt með vinnuna,
en myndi ekki þiggja þessa vinnu
ef það væri ekki fyrir bjórinn. „Við
höfum ekki haft neinar venjur eða
eitthvað uppbyggilegt í mörg ár.
Þetta er gott fyrir okkur og gefur
okkur tilgang,“ sagði einn þeirra í
samtali við fréttastofu AFP.
Allir ánægðir
„Útigangsfólkið er mjög ánægt
og samfélagið sömuleiðis,“ segir
Chulah. „Það heldur götunum
hreinum og fólk hræðist það ekki
jafn mikið og þegar það er í ölæðinu.“
Regenboog Groep sér ekki
fram á að stækka hóp starfsmanna
sem stendur. Þau verða að stand-
ast skuldbindingar sínar, en hins
vegar hefur verið brugðið á það
ráð að gefa öðru útigangsfólki færi
á að skrá sig á biðlista og hafa við-
brögðin ekki látið á sér standa.
Sextíu manns eru skráðir og bíða
óþreyjufullir eftir að komast að.
Markmið samtakanna er að hjálpa
þeim sem minna mega sín í höfuð-
borginni.
„Við hjálpum þeim sem eru
heimilislausir að finna samastað
og fólki sem er á jaðri samfélags-
ins. Við gerum okkar besta,“ segir
Chulah Berkowitz, talsmaður
samtakanna, að lokum. n
Helgarblað 10.–13. janúar 2014
Fá greitt í bjór
og sígarettum
n Regnbogahópurinn býr til störf fyrir útigangsfólk í Amsterdam n Samfélagið ánægt
Ingólfur Sigurðsson
ingosig@dv.is
Ekki lengur til trafala Vegfarendur í almenningsgarðinum hræðast ekki lengur úti-
gangsfólkið.
„Við hjálpum þeim
sem eru heimilis-
lausir að finna samastað
og fólki sem er á jaðri
samfélagsins. Við gerum
okkar besta.
Að störfum Útigangsfólkið unir sér vel í vinnunni og ekki skemma launin.
Geta sótt sér hjálp Chulah Berkowitz, talsmaður Regnbogahópsins, segir að vilji útigangsfólksins til að sækja sér hjálp verði að koma frá því sjálfu.
„Ef þau vilja ekki
hjálp, þá er það
þeirra ákvörðun.