Dagblaðið Vísir - DV - 23.05.2014, Blaðsíða 30

Helgarblað 23.–26. maí 201430 Umræða
1. Hvað gerðir þú síðasta laugar-
dagskvöld? Fór í matarboð í Grafar­
holtið.
2. Hver var þín fyrsta hugsun í
morgun? Að fara í laugina.
3. Hvað lýsir þér best? Ákveðni.
4. Hver er fyrsta minning þín úr
æsku? Var í tjaldi með mömmu og
frænku minni (sennilega að hausti),
það suðaði notalega í prímusnum og
pabbi og vinur hans renndu upp tjaldinu
og sýndu okkur nýveiddan sjóbirting
sem síðan var soðinn með kartöflum
sem karlarnir höfðu stolið úr næsta
kartöflugarði.
5. Hvar, hvenær og hvernig var fyrsti
kossinn? Flöskustútspartí í húsi á
Langholtsvegi vorið 1967. Spennandi.
6. Hefur þú einhvern tímann fengið
sæluhroll? Ef já, hvenær og af
hverju? Oft, en upp á síðkastið þegar
ég hitti sonardótturina.
7. Hvað er það villtasta sem þú hefur
gert? No comment.
8. Hefur þú verið nakinn í óbyggð-
um? Já.
9. Hefur þú prófað fíkniefni önnur
en áfengi? Til dæmis kannabis?
Annað? Já, Kannabis.
10. Hefur þú lent í klóm ræningja? Já.
11. Hefur þú verið tekinn af lög-
reglunni? Já.
12. Ef þú ættir heima í öðrum heimi,
hvar væri það? Of jarðbundinn til að
geta ímyndað mér það
13. Hvað er það sem þú myndir helst
vilja prófa? Sjá jörðina úr geimfari.
14. Hver er besta stundin sem þú hef-
ur upplifað? Þegar ég áttaði mig á því,
inni á Vogi árið 1986, að ég þyrfti bara
að hætta að drekka til að ná stjórn á lífi
mínu og líða betur.
15. Hvenær og hvern kysstir þú síð-
ast? Konuna mína, í morgun.
16. Hefur þú gleymt afmælisdegi
einhvers sem skiptir þig máli? Mjög
oft og þar á meðal mínum eigin.
17. Hvenær gleymdir þú barninu
þínu síðast? Hvaða barni? Skil ekki
spurninguna.
18. Hver er einmanalegasta stundin
sem þú hefur upplifað? Peningalaus
og timbraður á hóteli í Helsingör 1979.
19. Hver er albesta máltíð sem þú
hefur fengið? Körfukjúklingur á Aski
þegar ég var 11 ára.
20. Hefur þú svikið einhvern? Já.
21. Biðst þú afsökunar á mistökum
þínum? Ef já, hvernig? Já, tala við
viðkomandi.
22. Hvað er það fyndnasta sem þú
hefur séð eða heyrt? Var að veiða
með vini mínum í Þorleifslæk í Ölfusi.
Þetta var fyrsta veiðiferð að vori, vor­
um að opna ána 1. apríl og að keyra að
aðalveiðistaðnum þegar félaginn bað
mig að stoppa. Hann langaði að renna
í „þennan streng“ fyrst. Vinurinn fór
út úr bílnum og tók sig til í ótrúlegum
rólegheitum. Ég var alveg að ærast af
óþolinmæði og þegar ég sá að hann var
kominn með stöngina í höndina, reyk­
spólaði ég af stað einhverja 100 metra
að bílastæðinu við Stöðvarhyl.
Eftir nokkurn tíma kom veiðifé­
laginn, heldur þungur á brún. Það tók
mig nokkurn tíma að fá hann til að
segja mér að hann hefði smurt brauð
fyrir okkur, áður en hann fór að heiman.
Þegar ég spólaði af stað þá var hann
ekki búinn að loka afturhleranum á
pallbílnum og brauðið feyktist allt út úr
bílnum og á götuna.
Þegar við keyrðum til baka, komum
við að brauðinu þar sem það lá snyrti­
lega raðað ofan á drullunni og ég sá að
þetta voru engar venjulegar samlokur
heldur skreytt brauð að danskri
fyrirmynd.
Þrátt fyrir skömmina yfir því að hafa
gert vini mínum, sem hafði eytt öllu
kvöldinu áður í að koma mér óvart,
þennan óleik þá fannst mér þetta
óstjórnlega fyndið. Ég var allan daginn
að reyna að sleikja úr honum fýluna
en það tókst ekki, er ekki alveg viss
um að hann sé búinn að fyrirgefa mér
þetta alveg ennþá. Hefur allavega ekki
komið með smurt brauð í veiðitúra
aftur. En við erum samt, bestu vinir og
veiðifélagar.
23. Hvað er það síðasta sem þú gerir
á kvöldin áður en þú ferð að sofa?
Kyssi konuna mína góða nótt.
24. Hvað er það versta sem þér hefur
tekist að fyrirgefa? No comment (vil
ekki ýfa upp gömul sár).
25. Hvert er eftirminnilegasta
ferðalagið sem þú hefur farið í? Til
Palestínu fyrir nokkrum árum.
26. Hver er stærsta stundin í lífi
þínu? Þegar ég fór í áfengismeðferð.
27. Hver er þín mesta eftirsjá? Að
hafa ekki hætt áfengisneyslu, fyrr
28. Hvernig heilsar þú fjölskyldunni
þegar þið vaknið á morgnana? Býð
konunni góðan daginn, gjarnan með
kossi og spyr hvernig hún hafi sofið.
Fer svo fram og spjalla við kettina sem
eru voðalega fegnir því að maður skuli
loksins vera kominn á fætur
29. Hvert yrði þitt fyrsta verk í
hlutverki hins kynsins ef það myndi
breytast? Sennilega óbreytt.
30. Hversu mörg kosningaloforð
telur þú að þú getir staðið við? Öll,
fái ég ráðið.
31. Hvert yrði þitt fyrsta verk í hlut-
verki borgarstjóra ef til þess kæmi?
Leggja það til að borgarstjórn feli
Félagsbústöðum að kaupa 300–400
fljótreistar einingaíbúðir til bráðabirgða
fyrir þá sem eru í mestri þörf eftir
húsnæði.
32. Í þremur orðum: Fyrir hvað
stendur þú? Jöfnuð, sanngirni og
lýðræði.
Vildi að hann hefði
hætt að drekka fyrr
1. Hvað gerðir þú síðasta laugardags-
kvöld? Ég fór upp á Akranes að hitta mína
gömlu skólafélaga, sem gerist á 5 ára fresti.
2. Hver var þín fyrsta hugsun í morgun?
Verkefnin sem lágu fyrir í vinnunni.
3. Hvað lýsir þér best? Að ég sé ekki besti
maðurinn til að lýsa mér.
4. Hver er fyrsta minning þín úr æsku?
Leikfangabíll úr tré.
5. Hvar, hvenær og hvernig var fyrsti
kossinn? Ég man það ekki.
6. Hefur þú einhvern tímann fengið
sæluhroll? Ef já, hvenær og af hverju?
Ég hef nokkrum sinnum fengið sæluhroll af
mismunandi ástæðum.
7. Hvað er það villtasta sem þú hefur
gert? Það gæti verið þegar ég árið 1977
keypti mótorhjól og fór á því, næstum
staurblankur á malarvegunum með 20 kílóa
bakpoka austur á Seyðisfjörð og með Smyrli
til Noregs og Danmerkur. Það var söguleg
ferð og á margan hátt góð.
8. Hefur þú verið nakinn í óbyggðum?
Já.
9. Hefur þú prófað fíkniefni önnur en
áfengi? Til dæmis kannabis? Annað?
Nei.
10. Hefur þú lent í klóm ræningja? Mig
minnir að ég hafi einu sinni verið rændur.
11. Hefur þú verið tekinn af lögreglunni?
Já, ég sat inni eina nótt á Þjóðhátíð í Vest­
mannaeyjum árið 1975.
12. Ef þú ættir heima í öðrum heimi,
hvar væri það? Ég veit það ekki.
13. Hvað er það sem þú myndir helst
vilja prófa? Ef ég vissi það væri ég líklega
búinn að prófa það.
14. Hver er besta stundin sem þú hefur
upplifað? Fæðing dætra minna.
15. Hvenær og hvern kysstir þú síðast?
Dóttur mína, núna í vikunni.
16. Hefur þú gleymt afmælisdegi
einhvers sem skiptir þig máli? Ekki svo
ég muni.
17. Hvenær gleymdir þú barninu þínu
síðast? Hvaða barni? Ég held að það hafi
bara ekki komið fyrir.
18. Hver er einmanalegasta stundin
sem þú hefur upplifað? Ég býst við að
hún hafi tengst skilnaðinum.
19. Hver er albesta máltíð sem þú hefur
fengið? Strútur sem ég fékk á veitingastað
í Drammen í Noregi árið 1998.
20. Hefur þú svikið einhvern? Nei.
21. Biðst þú afsökunar á mistökum
þínum? Ef já, hvernig? Já, Það fer eftir
eðli málsins. Mikilvægast er að reyna að
bæta fyrir mistökin. Sérstaklega ef þau
bitna á öðrum.
22. Hvað er það fyndnasta sem þú hef-
ur séð eða heyrt? Það gæti verið lýsing á
vígi Danakonungs í Jómsvíkingasögu. Fleira
kemur reyndar til greina.
23. Hvað er það síðasta sem þú gerir á
kvöldin áður en þú ferð að sofa? Bursta
tennur.
24. Hvað er það versta sem þér hefur
tekist að fyrirgefa? Ég veit það ekki.
Stundum veit maður ekki alveg hvort
maður hefur fyrirgefið eða hvort sóst er eftir
fyrirgefningu.
25. Hvert er eftirminnilegasta ferða-
lagið sem þú hefur farið í? Rútuferð til
Albaníu árið 1986.
26. Hver er stærsta stundin í lífi þínu?
Ég get ekki svarað því.
27. Hver er þín mesta eftirsjá? Að
hafa misst tengsl við konu sem ég hitti í
jólaglöggi árið 2000.
28. Hvernig heilsar þú fjölskyldunni
þegar þið vaknið á morgnana? Ég bý
einn og heilsa því fjölskyldunni ekki á
hverjum morgni.
29. Hvert yrði þitt fyrsta verk í
hlutverki hins kynsins ef það myndi
breytast? Því get ég ekki svarað.
30. Hversu mörg kosningaloforð telur
þú að þú getir staðið við? Ég lofa engu
sem ég get ekki staðið við.
31. Hvert yrði þitt fyrsta verk í hlutverki
borgarstjóra ef til þess kæmi? Að beita
mér fyrir stórátaki í uppbyggingu félagslegs
húsnæðis.
32. Í þremur orðum: Fyrir hvað stendur
þú? Jöfnuð, velferð, félagslegar lausnir.
Sér eftir göml-
um tengslum
Þorvaldur Þorvaldsson oddviti Alþýðufylkingarinnar
Frakkastíg 10 | Sími 551 3160 | gullkistan@vortex.is | www.thjodbuningasilfur.is
Verum þjóðleg
á 70 ára
lýðveldisafmælinu
Þorleifur Gunnlaugsson oddviti Dögunar „Býð konunni góð-
an daginn, gjarn-
an með kossi og spyr
hvernig hún hafi sofið.
Fer svo fram og spjalla
við kettina sem eru
voðalega fegnir því að
maður skuli loksins vera
kominn á fætur.