Dagblaðið Vísir - DV - 27.06.2014, Blaðsíða 40

Helgarblað 27.–30. júní 201412 Sumarhátíðir
„Strákar, viljið þið ekki
bara spila með okkur?“
n Þjóðhátíð fyrir alla fjölskylduna í 140 ár n Fjallabræður opinbera hverjir syngja með þeim
Þ
etta er alveg dásamlegt.
Það er eitthvað sérstakt við
það að vera inni í einhverj­
um svona litlum dal með 14
þúsund manns og það eru
allir glaðir og allir að syngja. Það eru
einhvern veginn allir með hugann
á sama stað,“ segir Halldór Gunn­
ar Pálsson, kórstjóri Fjallabræðra,
í samtali við DV um stemninguna
í Dalnum, sem hann segir þó erfitt
að lýsa nema fólk hafi farið á hátíð­
ina. Halldór var á miðri æfingu með
Fjallabræðrum þegar blaðamaður
náði tali af honum, en var tilbúinn
til þess að deila nokkrum sögum
um þjóðhátíð.
Quarashi ekki spilað síðan 2011
Þjóðhátíð í Eyjum fagnar 140 ára
afmæli í ár og hafa skipuleggjend­
ur tilkynnt hvaða listamenn koma
til með að troða upp í Dalnum í ár.
Það eru Skálmöld, Mammút, Fjalla­
bræður ásamt Sverri Berg mann,
Jón as Sig urðsson, Kal eo, Baggal út­
ur, Quarashi og Skíta mórall, en dag­
skrá verður kynnt á næstu dögum.
Liðsmenn Quarashi koma saman
aðeins fyrir þessa helgi og troða
upp í fyrsta skipti síðan á Bestu
útihátíðinni árið 2011. Hér má því
segja að um einstakt tækifæri sé að
ræða til þess að sjá eina vinsælustu
hljómsveit fyrri ára á Íslandi spila.
Jón Jónsson samdi þjóðhátíðarlag­
ið í ár, Ljúft að vera til, og má búast
við því að gítarleikarar séu nú þegar
byrjaðir að æfa lag og texta fyrir
tjaldstemninguna.
Spiluðu óvænt með Hjálmum
Spurður hvort Halldór geti rifjað
upp einhver skemmtileg eða óvænt
atvik frá þjóðhátíð, segir Halldór
vera nóg af þeim, en rifjar upp eitt
sem átti sér stað fyrir tveimur árum.
„Við lentum í því einu sinni að við
vorum á leiðinni af sviðinu, það var
mjög skemmtilegt. Þá voru Hjálmar
að fara að spila og þegar við löbb­
um af sviðinu þá segja þeir: „Strák­
ar, viljið þið ekki bara spila með
okkur?““ Segir Halldór að Fjalla­
bræður hafi játað því og spurt hvað
þeir ættu að spila. „Þið kunnið þetta
bara,“ var þá svarið sem þeir fengu
frá meðlimum Hjálma. „Svo var far­
ið á svið með Hjálmum og tekið al­
veg geðveikt gigg. Það var svolítið
skemmtilegt og óvænt,“ segir Hall­
dór.
Einn gítar og 150 manna söngur
Halldór segir hópinn eiga skemmti­
lega hefð á þjóðhátíð. Fjallabræður,
ásamt lúðrasveit og öðru fólki segir
hann vera um 150 manns og er hefð
fyrir því að allir hittist eftir tónleika,
um klukkan eitt eftir miðnætti, og
gangi á milli hvítu tjaldanna í Daln­
um og syngi og spili. „Við förum
alltaf og syngjum á elliheimilinu,
sviðinu og í hvítu tjöldunum, það er
rúnturinn,“ segir hann og bætir við
glaður í bragði að það sé rétt hægt
að ímynda sér allan hópinn troðast
inn í hvítu tjöldin með einn gítar.
Æfa með gestum
Halldór segir æfingar nú þegar
hafnar fyrir hátíðina. „Við erum
með nokkra gesti með okkur núna
sem þarf að æfa sérstaklega. Það
eru Jónas Sig og Helgi Björns, Sverr­
ir Bergmann og Lúðrasveit Vest­
mannaeyja,“ segir Halldór um æf­
ingar bræðranna fyrir þjóðhátíð í
Eyjum, en nöfnin á gestum Fjalla­
bræðra hafa ekki verið opinberuð
áður. Fjallabræður spila á sunnu­
dagskvöldinu en þetta er fjórða árið
sem þeir koma fram á hátíðinni.
Ljóst er að búast má við kröftugum
tónleikum, eins og Fjallabræðrum
einum er lagið.
Átta ára vill ekki missa af
„Elsta dóttir mín er átta ára og hún
vill alls ekki missa af þjóðhátíð.
Þetta er svona bara partur af sumr­
inu hjá þeim líka,“ segir Hörður Orri
Grettisson, meðlimur í þjóðhátíðar­
nefnd ÍBV, sem sér um skipulag há­
tíðarinnar. Hörður, sem er 30 ára
gamall, hefur verið 28 sinn­
um á þjóðhátíð en þetta er í
fyrsta skipti sem hann kem­
ur að skipulagi hennar.
Upplifir í gegnum börnin
Hörður segist hafa upplifað
allt sem hátíðin hefur upp á
að bjóða fyrir börn, unglinga
og fullorðna. Þegar hann
var barn naut hann barna­
skemmtunar og lunda­
smökkunar og á unglings­
árum segist hann hafa skemmt sér
meira á kvöldin og á nóttunni. Núna
snúist hátíðin fyrir honum um
hans eigin börn og þeirra upplif­
un. „Núna í dag á maður orðið þrjú
börn og upplifir þetta kannski meira
í gegnum þau og mætir snemma
með þau í Dalinn til að leyfa þeim
að upplifa skemmtunina sem mað­
ur upplifði sjálfur hérna sem barn,“
segir Hörður. Hann segir það yfir­
leitt vera einn af hápunktum há­
tíðarinnar. Þá segist hann halda að
þetta lýsi líka viðhorfi hins almenna
Eyjamanns og að hinn almenni
Eyjamaður pæli minna í dagskrá á
kvöldin en til að mynda aðrir gestir.
En Hörður segist jafnframt njóta
dagskrárinnar á kvöldin. „Svo fer
maður með börnin heim eftir mið­
nætti og fer sjálfur aftur niður eftir
og klárar kvöldið. Þannig að þetta er
mjög skemmtilegt og eitthvað sem
maður vill alls ekki missa af,“ segir
Hörður. n
erlak@dv.is
„Strákar,
viljið þið
ekki bara spila
með okkur?
Í sveiflu Halldór Gunnar og
Fjallabræður verða á þjóðhátíð.
Jón Jónsson Á þjóðhátíðarlagið í ár, Ljúft að vera til.
Eftirminnilegt Blysin og flug-
eldar skapa ógleymanlega stund.
Mannhaf og ljósadýrð
Dalurinn lítur glæsilega út
að kvöldi til.