Dagblaðið Vísir - DV - 27.06.2014, Blaðsíða 14

14 Fréttir Helgarblað 27.–30. júní 2014
Framkvæmt á háannatíma
n Næsthæsti styrkurinn fer til Grundarfjarðar n Mikil uppbygging í Vatnajökulsþjóðgarði
F
rá stofnun Framkvæmda-
sjóðs ferðamannastaða árið
2011 hefur sjóðurinn úthlut-
að rúmlega 895 milljónum til
ýmissa verkefna sem eiga að
bæta aðgengi að vinsælum ferða-
mannastöðum og umgengni um þá.
Síðasta úthlutun sjóðsins var í apr-
íl á þessu ári, en þá var ár liðið frá
síðustu úthlutun. Á árinu 2013 voru
þrjár úthlutanir, en aðeins ein árið
2012 líkt og nú.
Miklar framkvæmdir í þjóðgarði
Ekki er liðinn mánuður síðan ríkis-
stjórnin úthlutaði sérstaklega rúm-
lega 380 milljónum króna til upp-
byggingar á ferðamannastöðum
í sumar, en alls fengu 88 verkefni
styrk sem töldust bráðnauðsynleg
vegna verndunar eða öryggissjónar-
miða. Verkefnunum sem fengu
hæstu styrkina er lýst hér í þessari
úttekt eins og sjá má á landakortinu.
Sum verkefnanna hlutu einnig styrk
í úthlutun Framkvæmdasjóðsins í
apríl, en úthlutun ríkisstjórnarinn-
ar var, eins og fyrr segir, vegna bráð-
nauðsynlegra verkefna. Af þess-
um 88 verkefnum fá 29 þeirra yfir
265 milljónir og mest fær Vatnajök-
ulsþjóðgarður, sem einnig fékk 30
milljónir til framkvæmda í úthlutun
Framkvæmdasjóðs ferðamanna-
staða. Þá fékk þjóðveldisbærinn
Stöng fimm milljónir í sérstöku út-
hlutuninni og tíu milljónir í apríl í
hefðbundinni úthlutun sjóðsins.
Náttúrupassinn kemur 2015
Umræða um náttúrupassa hefur ver-
ið mikil enda er það eitt stærsta og
helsta verkefni Ragnheiðar Elínar
Árnadóttur, iðnaðar- og viðskipta-
ráðherra. Hún hefur haldið málinu
á lofti allt frá því að hún var skipuð
sem ráðherra en þó hefur passinn
hlotið misjafnar undirtektir og ekki
tókst að koma frumvarpi um hann í
gegnum þingið síðasta vetur. Stefnt
er að því að frumvarpið verði orðið
að lögum um næstu áramót og þegar
ljóst var að frumvarpið færi ekki
í gegn sagði Ragnheiður að meiri
vinnu þyrfti að leggja í það og útfær-
slu á passanum áður en hægt væri að
klára dæmið. Strax í febrúar greindi
hún frá því að stefnt væri að því að
passinn yrði kominn í notkun í jan-
úar á næsta ári og því varð snemma
mjög ljóst að engar tekjur yrðu af
honum á yfirstandandi ferðamanna-
tímabili, svo hægt yrði að nýta þær til
uppbyggingar í ferðaþjónustu.
Voru ekki með varaáætlun
Aðstoðarmaður ráðherra, Ingv-
ar Pétur Guðbjörnsson, segir að
hugmyndin að styrkveitingu hafi
ekki komið upp fyrr en ljóst var að
frumvarp um náttúrupassa færi
ekki í gegn á síðasta þingi. „Það átti
að leysa þetta með öðrum hætti,
það var gert ráð fyrir því að nátt-
úrupassinn myndi gera það,“ seg-
ir Ingvar Pétur. Hann segir að allan
tímann hafi verið stefnt að því að
frumvarpið færi í gegnum þing-
ið og að ekkert hafi bent til þess
að svo yrði ekki. Því hafi ekki verið
búið að undirbúa styrkveitingu fyrr,
svo byrja mætti á framkvæmdum
áður en ferðamannatímabilið hæf-
ist af fullum þunga. Á endanum hafi
það þó orðið niðurstaðan að frum-
varpið færi ekki í gegn og þegar það
varð ljóst í apríl hófst vinna við að
úthluta styrkjum til ferðamanna-
staða sem þurftu hvað mest á því
að halda og þar sem verkefnin voru
tilbúin en fjármagn vantaði. „Þetta
var unnið mjög hratt og vel eftir
að þessi ákvörðun var tekin,“ segir
Ingvar jafnframt.
Framkvæmdir á háannatíma
Í tilkynningu ráðuneytisins um út-
hlutun styrkjanna segir orðrétt að
úthlutunin sé „til uppbyggingar
og verndaraðgerða á ferðamanna-
stöðum nú í sumar“, en í reglu-
gerð um úthlutunina er þó ekki til-
greint hvenær verkefnunum skuli
lokið. Aðeins er tekið fram í liðn-
um „Upplýsingagjöf til ráðherra“
að Ferðamálastofa skuli í samvinnu
við stjórn Framkvæmdasjóðs ferða-
mannastaða senda ráðherra yfirlit
yfir stöðu verkefna hinn 1. septem-
ber. Verkefnin gætu því verið sett í
bið á meðan mesti ferðamanna-
straumurinn gengur yfir en kláruð
fyrir áramót, en samkvæmt upp-
lýsingum DV þarf að skila loka-
skýrslu um verkefnið í desember.
Hefðu styrkirnir verið veittir fyrr,
hefði mátt koma í veg fyrir enn frek-
ari skemmdir á þessu tímabili og
tryggja öryggi ferðamanna strax í
stað þess að skerða mögulega upp-
lifun þeirra með framkvæmdum á
háannatíma. n
Rögnvaldur Már Helgason
rognvaldur@dv.is
Ragnheiður Elín Ráðherrann var ekki með neina varaáætlun til að byrja mætti á upp-
byggingu viðkvæmustu ferðamannastaðanna ef náttúrupassinn færi ekki í gegn á síðasta
þingi, sem varð raunin. MyNd dV
Látrabjarg
14.250.000 krónur
Margt þarft að gera við Látrabjarg, en þar er nánast engin
aðstaða fyrir ferðamenn sem koma á svæðið. Áætlað er að
leggja göngustíga og tryggja öryggi ferðamanna svo þeir fari
ekki of nálægt brúnni. Dæmi eru um að ferðamenn hafi fall-
ið fram af bjarginu og má segja að þetta verkefni sé orðið
löngu tímabært.
Kirkjufellsfoss
15.700.000 krónur
Næsthæsti einstaki styrkurinn fer í verkefni í Grundarfirði. Verk-
efnið þar kemur fólki kannski á óvart, en þar er einn mest mynd-
aði foss á landinu, Kirkjufellsfoss. Hann er iðulega rammaður
inn með Kirkjufellinu sjálfu, enda er þetta afar falleg sjón að sjá.
Ferðamenn hafa hins vegar átt erfitt með að komast að fossin-
um þar sem best er að mynda og þurfa að leggja við þjóðveginn
sem skapar hættu. Því er ráðgert að búa til bílastæði, en margir
ferðamenn voru farnir að keyra um landið með tilheyrandi
skemmdum, til að komast nær fossinum. Einnig verða lagð-
ir göngustígar og áhersla lögð á að þeir verði eins lítið áberandi
í umhverfinu og kostur er. Með þessu móti skapast bæði öryggi
fyrir ferðamenn og þeir eyðileggja ekki landið í kringum fossinn.
„Það átti að leysa
þetta með öðrum
hætti, það var gert ráð
fyrir því að náttúrupass-
inn myndi gera það