Dagblaðið Vísir - DV - 27.11.2009, Page 18

18 föstudagur 27. nóvember 2009 fréttir
Ragnar Z. Guðjónsson, sparisjóðs-
stjóri hjá Byr, sem farinn er í leyfi frá
störfum vegna rannsóknar sérstaks
saksóknara á Byr, skrifaði undir veð-
samningana að lánveitingunum
tveimur til Tækniseturs Arkea/Exeter
Holding í lok árs í fyrra þrátt fyrir að
í samningunum kæmi fram að stjórn
sparisjóðsins ætti að gera það. Með
samningunum gerðu Exeter Holding
og Byr með sér samkomulag um að
eina veðið fyrir tveimur lánveitingum
frá Byr til Exeter upp á rúman millj-
arð króna væru bréfin sjálf. DV hefur
samningana undir höndum.
Annar sparisjóðsstjóri hjá Byr,
Magnús Ægir Magnússon, skrifaði
sömuleiðis upp á fyrri veðsamning-
inn. Magnús lét af störfum hjá Byr í
lok nóvember í fyrra en hann skrifaði
upp á veðsamninginn þann 4. nóv-
ember. Seinni veðsamningurinn var
undirritaður af Ragnari einum fyrir
hönd stjórnar Byrs þann 15. janúar
síðastliðinn.
Sérstakur saksóknari efnahags-
hrunsins, Ólafur Hauksson, er með
Exeter-málið til rannsóknar þar sem
grunur leikur á að um umboðssvik
hafi verið að ræða og hugsanlega brot
gegn auðgunarkafla hegningarlaga.
Embætti hans gerði húsleitir hjá Byr
og MP Banka fyrr í vikunni en talið er
að tilteknir stjórnendur hjá Byr og MP
Banka hafi skipulagt Exeter-viðskipt-
in. Fjölmargir hafa verið yfirheyrðir.
MP Banki seldi og lánaði líka
Lánveitingarnar tvær til Exeter Hold-
ing voru notaðar til að kaupa stofn-
fjárbréf í Byr sem verið höfðu í eigu
starfsmanna, stjórnarmanna og að-
standenda Byrs sem og bréf sem
skráð voru á MP Banka og seld voru
fyrir rúmar 415 milljónir króna.
Sumir aðstandenda Byrs höfðu
tekið lán fyrir stofnfjárbréfakaup-
unum frá MP Banka en þar sem
þau höfðu lækkað mikið í verði eftir
bankahrunið áttu þeir í erfiðleikum
með að standa í skilum við MP Banka
sem var í þeirri stöðu að geta gengið
að þeim persónulega og mögulega
sett þau í þrot. Exeter Holding-við-
skipin þjónuðu því bæði hagsmun-
um þessara aðstandenda Byrs sem
og hagsmunum MP sem fékk greitt
í peningum upp í kröfur sem voru
orðnar lítils virði eftir hrunið.
Gögn sem DV hefur undir hönd-
um sýna líka fram á að MP Banki
lánaði Exeter Holding sömuleiðis
tæplega 44 milljónir króna þar sem
lánveitingin frá Byr dugði ekki til að
fjármagna kaupin á stofnfjárbréfun-
um. Búið er að afskrifa þessa lánveit-
ingu hjá MP Banka samkvæmt heim-
ildum DV.
Skrifað undir fyrir hönd stjórnar
Athygli vekur að í báðum tilfellun-
um skrifa sparisjóðsstjórarnir undir
veðsamningana fyrir hönd stjórnar-
innar og er strikað yfir „í” í setning-
unni „Í stjórn BYRS sparisjóðs“ og
skrifað í staðinn „f.h.“ eða fyrir hönd.
Þetta brýtur gegn 9. grein samþykkta
Byrs þar sem fram kemur að stjórnin
skuli skrifa undir slíka veðsetningu. Í
9. greininni segir: „Veðsetning stofn-
fjárhluta í sparisjóðnum er heimil
að tilskildu samþykki stjórnar spari-
sjóðsins.”
Heimild stjórnarinnar virðist ekki
hafa verið fengin samkvæmt samn-
ingunum en enginn fyrirvari er gerð-
ur við þessa reglu í samþykktum
sjóðsins.
Þó skal þess getið að stjórnar-
menn í Byr, þau Ágúst Már Ármann,
Jóhanna Waagfjörð og Jón Kr. Sól-
nes greindu frá því í yfirlýsingu í apr-
íl síðastliðnum að á stjórnarfundi
þann 19. desember 2008 hafi verið
samþykkt að „framlengja“ lánin um
þrjá mánuði. Því virðist sem stjórnin
hafi ekki tekið ákvörðun um það fyr-
ir hvort veita ætti lánin heldur aðeins
ákveðið að framlengja þau. Þetta var
líka meira en tveimur mánuðum eft-
ir að fyrra lánið, sem gengið var frá í
október 2008, var afgreitt. Jafnframt
taldi stjórnin að félagið væri í eigu
MP Banka.
Svo sagði í yfirlýsingunni: „Hafi
andvirði lánsfjárheimildar að hluta
eða í heild verið notað til kaupa á
stofnfjárbréfum í Byr sparisjóði, er
slíkt í andstöðu við afgreiðslu máls-
ins í stjórn Byrs sparisjóðs þann 19.
desember 2008. Hafi stjórnarmenn
Byrs sparisjóðs átt viðskipti með stofn-
fjárbréf í Byr sparisjóði án þess að til-
kynna um slíkt til regluvarðar spari-
sjóðsins, er slíkt í andstöðu við lög
um verð-
bréfavið-
skipti að því er varðar skyldur
stjórnarmanna sem fruminnherja.“
Stjórnin virðist, samkvæmt þessu,
hvorki hafa komið að því að veita lán-
in, skrifa upp á veðsamningana né
vitað til hvers lánin voru. Hugsanlegt
er því að Exeter-viðskiptin hafi far-
ið fram án þess að málið hafi verið
rætt á fundi stjórnarinnar enda hefði
hún þá þurft að tilkynna um málið
til regluvarðar sparisjóðsins. Exet-
er-málið virðist því, samkvæmt fyrir-
liggjandi gögnum, hafa verið afgreitt
fram hjá stjórninni.
Auður Arna millifærði
Önnur gögn sem DV hefur undir
höndum, millifærslukvittanir um tvö
innlegg frá Byr til MP Banka, sýna
fram á hvenær gengið var frá greiðsl-
um á lánunum frá Byr til MP Banka
fyrir hönd Exeter Holding. Þann 13.
október leggur starfsmaður Byrs 800
milljónir króna inn á reikning MP
Banka fyrir hönd Tækniseturs Ark-
ea/Exeter Holding. Ekkert bendir til
að þessi lánveiting eða veðsetningin
hafi verið tekin fyrir á stjórnarfundi,
líkt og áður segir.
Þessi lánveiting var notuð til að
kaupa öll þau bréf sem seld voru inn
í Exeter Holding fyrir utan bréf sem
höfðu verið í eigu Birgis Ómars Har-
aldssonar.
Seinni millifærslan var svo gerð
þann 29. desember 2008. Þá lagði
Auður Arna Eiríksdóttir, útibússtjóri
hjá Byr, tæpar 204,5 milljónir króna
inn á reikning MP Banka fyrir hönd
Exeter Holding. Þessi millifærsla var
kaupverð fyrir bréf sem verið höfðu í
eigu Birgis Ómars Haraldssonar.
Eitthvað virðist því hafa gerst á
þeim mánuðum sem liðu frá fyrri
millifærslunni til þeirrar síðari sem
gerði það að verkum að Exeter Hold-
ing fékk frekari lánveitingar til að
kaupa stofnfjárbréf í Byr. Á þessari
stundu er hins vegar ekki vitað hver
ástæðan fyrir þessum tveimur að-
skildu lánveitingum og millifærslum
frá Byr var. Rannsókn sérstaks sak-
sóknara mun þó hugsanlega leiða
það í ljós eftir því sem rannsóknin
heldur áfram.
Ekki náðist í Margeir Pétursson,
stjórnarformann MP Banka, til að
spyrja hann hvort MP Banki hefði
verið eigandi bréfanna sem seld voru
inn í Exeter Holding fyrir rúmar 415
milljónir króna.
Skrifuðu upp á Sparisjóðsstjórar Byrs, þeir Ragnar Z. Guðjónsson og Magnús Ægir Magnússon,
skrifuðu upp á fyrri veðsamninginn í Exeter-málinu fyrir hönd Byrs í nóvember í fyrra.
Útibússtjórar Byrs skrifuðu undir lánveitingar til Exeter Holding fyrir hönd stjórnar sjóðsins. Samkvæmt
samþykktum Byrs er þetta ekki heimilt. MP Banki lánaði Exeter fé og seldi stofnfjárbréf í Byr inn í félagið.
Stjórn Byrs vissi ekki að lánveitingarnar væru fyrir stofnfjárbréfum og taldi að MP Banki ætti Exeter. Sér-
stakur saksóknari rannsakar málið.
SKRIFAÐI UNDIR LÁN ÁN
vItUNDAR StjóRNAR
IngI F. VIlhjálMSSon
blaðamaður skrifar ingi@dv.is
LÁNIN tIL ExEtER HoLDINg
13. október 2008
Tæknisetur Arkea/Exeter Holding
skrifar undir veðsamning með
stofnfjárbréf við Byr.
13. október 2008
Starfsmaður Byrs millifærir 800
milljónir á reikning MP Banka fyrir
hönd Arkea/Exeter.
4. nóvember 2008
Sparsjóðsstjórar Byrs skrifa undir veð-
samning vegna lánsins sem millifært
var þann 13. október.
19. desember 2008
Stjórn Byrs samþykkir að framlengja
lán til Arkea.
23. desember 2008
Exeter Holding skrifar undir
veðsamning við Byr.
29. desember 2008
Starfsmaður Byrs leggur 204,5
milljónir inn á reikning MP Banka fyrir
hönd Exeter.
15. janúar 2009
Ragnar Z. Guðjónsson sparisjóðstjóri
skrifar undir veðsamninginn fyrir
hönd stjórnar Byrs.
Birgir Ómar haraldsson kom
ekki að Exeter holding
Birgir Ómar Haraldsson, sem var
í varastjórn Byrs, kom ekki að því
ákveða lánveitingar til Exeter en líkt
og kemur fram í greininni fór fyrri
lánveitingin, sem veitt var í október,
ekki fyrir stjórn Byrs. Aðeins lánveit-
ingin í desember fór fyrir stjórnina
og var hún samþykkt. Birgir kom þó
ekki að henni heldur.
Seinni lánveitingin til Exeter, sem
hljóðaði upp á tæplega 204,5 millj-
ónir króna, var hins vegar notuð til
að kaupa stofnfjárbréf sem voru í
eigu Birgis Ómars. Samkvæmt bók-
haldi Exeter seldi hann bréf upp á
tæplega 240 milljónir sem fóru inn
í Exeter Holding. MP Banki miðlaði
bréfunum líkt og öðrum í tilfellum
þar sem aðstandendur Byrs seldu
bréf sem fóru inn í Exeter.
Öfugt við það sem kom fram í DV
á miðvikudaginn fékk Birgir Ómar
ekki lán frá MP Banka til að kaupa
stofnfjárbréf í Byr. Söluandvirði
stofnfjárbréfa Birgis Ómars rann
því ekki til MP Banka heldur fór
það upp í skuldir hans við þann
aðila sem fjármagnaði stofnfjár-
bréfakaup hans. Ekki er vitað hver
lánveitandi Birgis Ómars var.
Samkvæmt heimildum DV vissi
Birgir Ómar ekki af tilvist Exeter
Holding fyrr en í mars á þessu ári.
ÞEIR SEm ÁttU bRéF SEm SELD voRU INN í ExEtER HoLDINg EHF.
UppLýSINgARNAR ERU úR bóKHALDI ExEtER HoLDINg:
Eigandi Upphæð
Jón Þorsteinn Jónsson, stjórnarformaður Byrs 188.474.969 kr.
Húnahorn ehf. eigendur 72.705.281 kr.
Ragnar Z. Guðjónsson sparisjóðsstjóri 30 prósent
Atli Örn Jónsson, framkvæmdastjóri í Byr 17 prósent
Sighvatur Sigfússon, f.v. starfsmaður Byrs 17 prósent
Gunnar Árnason, f.v. starfsmaður Byrs 12 prósent
Auður Arna Eiríksdóttir útibússtjóri 12 prósent
Bjarni Þór Þórólfsson útibússtjóri 12 prósent
Gunnar Árnason ehf, í eigu Gunnars Árnasonar 94.218.813 kr.
Auður Arna Eiríksdóttir 58.411.079 kr.
Guðráður Óttar Sigurðsson, eiginmaður Auðar 14.698.133 kr.
MP Banki 415.390.658 kr.
Birgir Ómar Haraldsson, varamaður í stjórn Byrs 203.840.743 kr.
F.h. stjórnar Veðsamningurinn á milli
Byrs og Exeter Holding sýnir hvernig
sparisjóðsstjórarnir skrifuðu upp á fyrra
lánið til Exeter Holding fyrir hönd stjórnar.
Þetta stríðir gegn samþykktum Byrs.