Dagblaðið Vísir - DV - 27.11.2009, Blaðsíða 60

60 Föstudagur 27. nóvember 2009 Jólablað
Sigrún Þorsteinsdóttir hefur ekki borðað sælgæti í þrettán ár og saknar þess ekkert. Þess í stað býr hún
til sitt eigið góðgæti án þess að nota hvítt hveiti, ger eða hvítan sykur. Á jólunum finnst henni gott að veita
sér vel í mat án þess að fá nokkuð samviskubit vegna óhollustu. Sigrún deilir hollum og gómsætum upp-
skriftum með lesendum DV.
meinhollt
góðgæti
Ég hef ekki borðað sælgæti síðan ég var tólf ára,“ segir Sigrún Þorsteinsdóttir sem heldur úti vefsíðunni Café-
Sigrún.com. Hún er 35 ára gömul
og hefur því ekki borðað nammi í
þrettán ár.
Á vefnum hennar er fjöldi upp-
skrifta að hollum réttum sem inni-
halda ekki hvítt hveiti, ger eða
hvítan sykur. Sigrún fær mikið af
fyrirspurnum í gegnum síðuna, þá
helst um hvernig fólk geti breytt
uppskriftum sínum og gert matinn
hollari.
Sigrún starfar í tölvugeiranum,
er sérfræðingur í aðgengismálum
fatlaðra á Seltjarnarnesinu en mat-
reiðslan er hennar aðaláhugamál.
„Tímafrekt og dýrt en afar gefandi,“
segir hún.
Eiginmaðurinn borðar helst að-
eins holla matinn hennar Sigrún-
ar og hún vonar að dóttir sín, hin
tveggja mánaða gamla Embla, verði
jafn áhugasöm um hollt mataræði.
Á CaféSigrún er einmitt sérupp-
skriftaflokkur fyrir smáfólkið.
Sigrún hefur aldrei verið mikið
fyrir sætindi eða skyndibita. Hún
hefur haldið úti vefnum sínum síð-
an 2003 og standa nú yfir endur-
bætur á honum.
En hvað borðar Sigrún á að-
fangadagskvöld? „Hnetusteik,
sósu, salat, jólaglögg, smákökur og
ýmislegt fleira. Mér finnst dásam-
legt að líða ekki illa vegna óholl-
ustuáts um jólin. Í staðinn erum
við að borða helling af vítamínum
og næringarefnum en samt þannig
að okkur finnst við ekki missa af
neinu. Hollt á nefnilega að vera
gott líka, annars er þetta ekkert
gaman,“ segir hún.
HLYNSÍRÓPS- OG SESAMSMJÖRSSMÁKÖKUR
Gerir um 30 smákökur
n 1/2 bolli hreint hlynsíróp (enska: maple syrup). Ég miða við 250 ml bolla.
n 1/2 bolli tahini (sesamsmjör)
n 1 1/2 bolli haframjöl
n 1/3 bolli sólblómafræ
n 1/3 bolli rúsínur
Aðferð:
Hrærið saman hlynsírópi og tahini í skál og hrærið þangað til það er orðið vel blandað saman.
Malið helminginn af haframjölinu í matvinnsluvél eða blandara.
Bætið öllu saman við hlynsírópið og tahiniið og hrærið vel.
Setjið 1 kúfaða teskeið af deiginu á bökunarplötu með bökunarpappír.
Bakið við 180°C í um 15-18 mínútur eða þangað til kökurnar eru orðnar gullnar.
Kælið.
Hægt er að setja saxaðar pekanhnetur í staðinn fyrir sólblómafræin.
Gott er að bæta við 1 tsk af kanil í deigið til að fá meira jólabragð.
Ef ykkur finnst kökurnar of sætar má setja 1/2 bolla af möndludufti eða möluðum möndlum út í deigið.
SúKKULAði- OG
MÖNdLUbitAR (fUdGE)
Gerir 12-14 bita
n 100 gr dökkt, lífrænt framleitt súkkulaði með hrásykri (eða carob)
n 20-25 döðlur (gott að láta þær liggja í bleyti í 30 mínútur)
n 1 lúka rúsínur (um 1/4 bolli)
n 2 lúkur möndlur, saxaðar smátt (um 1/2 bolli)
Aðferð:
Hellið vatninu af döðlunum og maukið þær vel í matvinnsluvél.
Setjið til hliðar.
Setjið söxuðu möndlurnar í skál ásamt rúsínunum.
Bræðið súkkulaði yfir vatnsbaði. Setjið smá vatn í lítinn pott, setjið hitaþolna
skál yfir (þannig að skálin fari ekki ofan í vatnið) og bræðið yfir vægum hita.
Blandið döðlumaukinu út í bráðið súkkulaðið, hrærið vel. Það er allt í lagi þó
að blandan sé kekkjótt.
Hellið strax út í skálina með möndlunum og rúsínunum.
Hrærið vel.
Setjið plastfilmu eða bökunarpappír í botninn á lágu, breiðu plastboxi (um
15x20cm).
Ýtið ofan á blönduna með matskeið og passið að hvergi séu göt.
Kælið í um klukkutíma.
Skerið í litla bita.
Berið fram kalt og geymið í ísskáp.
Nota má heslihnetur eða brasilíuhnetur í staðinn fyrir möndlur og einnig má
nota aprikósur í staðinn fyrir rúsínur.
JÓLAKONfEKt
Gerir um 40 konfektmola
n Tæpur 1 bolli (2 dl) kasjúhnetur. Ég miða við 250 ml bolla
n 1/4 bolli möndluflögur
n 1/2 bolli kókosmjöl
n 15-20 gráfíkjur (um 250 gr), snúið litla stubbinn á endanum af, saxið gróft
n 8-10 döðlur, saxið gróft
n 1/2 bolli rúsínur
n 1 bolli puffed rice eða puffed spelt (sprengd hrísgrjón/sprengt spelt, fæst í
heilsubúðum)
n 3-5 msk hreinn appelsínusafi
n 4 msk hreint hlynsíróp (enska: maple syrup) eða agavesíróp
n 3 msk kakó eða carobduft
n 100 gr lífrænt framleitt súkkulaði með hrásykri (eða carobstykki, fæst í
heilsubúðum)
Aðferð:
Malið möndlur, puffed rice og hnetur og kókos í matvinnsluvél.
Bætið kakói út í og malið aðeins áfram.
Setjið í stóra skál.
Maukið döðlur, gráfíkjur og rúsínur með smá appelsínusafa þangað til allt er
orðið að mauki.
Blandið öllu vel saman, jafnvel í hrærivél (gott að vera í þunnum plasthönskum
ef þið notið hendurnar).
Áferðin á deiginu á að vera nokkuð þétt, alls ekki blaut en allt á samt að festast
vel saman.
Gott að láta blönduna bíða aðeins í kæli, betra að móta konfektið þannig.
Mótið litlar kúlur (álíka stórar og vínber)
Bræðið súkkulaðið í potti yfir lægsta hita (eða yfir vatnsbaði).
Um leið og það er farið að bráðna slökkvið þá undir hitanum.
Gott er að slétta botninn á hverju konfekti, það stendur betur á disknum þannig.
Notið kokteilpinna eða tannstöngla til að dýfa kúlunum ofan í súkkulaðið (dýfa
toppnum ofan í). Veltið upp úr kókosmjöli eða einhverju öðru ef þið viljið.
Látið kólna.
Hægt er að frysta molana en þeir geymast í margar vikur í lokuðu íláti í ísskáp.
Gott er að setja rifinn börk af einni appelsínu í hluta deigsins.
Til tilbreytingar er gott að setja 1/2 tsk engifer og 1/2 tsk kanil í hluta deigsins
Hægt er að velta konfektinu upp úr kókosmjöli, sesamfræjum, möluðum
möndlum, kakói o.s.frv.
Einnig má nota þurrkaðar aprikósur á móti döðlunum í uppskriftina.