Dagblaðið Vísir - DV - 27.11.2009, Síða 36

POTTA-
SKEFILL
Jóhanna Sigurðar-
dóttir
forsætisráðherra
Mörgum finnst
Jóhanna svolítið
skrítin. Á þá sem
ekki þekkja hana
virkar hún
ómannblendin og köld og hjálpar hvíta
hárið henni ekki í þeim efnum. Lýsingin
á Pottaskefli í vísu Jóhannesar úr Kötlum
á því einna best við hana af öllum
ráðherrunum þar sem sveininum þeim
er lýst sem skrítnu kuldastrái. Svo segir
frá því að Pottaskefill hafi stolið skófum
úr pottum af börnum, og með nokkrum
útúrsnúningi má segja að með því að
stuðla að því að þjóðin borgi Icesave-
skuldina sé Jóhanna að seilast í vasa
barna þessa lands mörg ár fram í
tímann. Í „pottalegu“ samhengi má geta
þess að barningur á pottum og pönnum
greiddi leið Jóhönnu að forsætisráð-
herrastólnum.
KETKRÓKUR
Steingrímur J.
Sigfússon
fjármálaráðherra
Ketkrókur kunni á
ýmsu lag að sögn
Jóhannesar.
Óneitanlega hefur
Steingrímur þurft að
kunna á ýmsu lag til
að halda sjó í því fárviðri sem gengið
hefur yfir frá því hann tók við ráðherra-
dómi í febrúarbyrjun. Hvað þá fram að
kosningunum í apríl en á því tímabili var
Steingrímur fjármála-, sjávarútvegs- og
landbúnaðarráðherra. Eftir kosningarnar
minnkaði „kjötbyrðin“ á herðum hans
þar sem tvö af ráðherraembættunum
fóru á herðar annarra. Hvort Ketkrókur
hafi verið gerður afturreka með
jafnmörg hjartans mál sín og Steingrím-
ur kemur ekki fram í vísu Jóhannesar.
HURÐA-
SKELLIR
Össur Skarphéð-
insson
utanríkisráðherra
Össur er þekktur
fyrir að geta skipt
skapi ef honum
finnst að sér eða
sínum vegið. Vel má
því ímynda sér að hann hafi skellt hurð
eða tveimur um ævina. Í vísunni segir
um Hurðaskelli að hann hafi verið „[...]
nokkuð klúr / ef fólkið vildi í rökkrinu / fá
sér vænan dúr [...]“ Vitað er að Össur
aðhefst ýmislegt í rökkri nætur, til að
mynda við tölvuskjáinn. En hvort það
tengist einhverju klúru hefur Jólablað
DV ekki heimildir fyrir.
STÚFUR
Katrín Jakobsdótt-
ir,
mennta- og
menningarmála-
ráðherra
Katrín er minnst,
yngst og sætust
ráðherranna. Þarf
ekki að útskýra þetta
nánar.
ASKA-
SLEIKIR
Álfheiður
Ingadóttir
heilbrigðisráð-
herra
Askasleikir laumaði
sér undir rúm fólks
og rak þaðan út sinn
ljóta haus
samkvæmt vísu Jóhannesar. Ekki skal
lagt mat á hversu fagurt höfuð Álfheiður
er með, en næg eru allavega rúmin sem
ráðherrann hefur með að gera í starfi
sínu. Samt sífelld vöntun á fleirum. Og
Askasleikir stakk hausnum ófríða undan
rúmum fólks í ákveðnum tilgangi; til að
sleikja askana áður en hundar og kettir
kæmust í þá. Rímar ágætlega við hversu
heilbrigðisráðuneytið er gjarnan frekt til
fjörsins þegar kemur að ríkisútgjöldun-
um.
GILJAGAUR
Kristján Möller,
samgöngu- og
sveitarstjórnarráð-
herra
Giljagaur er sagður
með gráan haus í
vísunni. Kristján er
með „gljáan“ haus
og grátt í vöngum
og fær því hlutverk Giljagaurs. Hann er
líka kunnugur giljum í starfi sínu því sum
þeirra þarf að brúa. Ef eðlisfræðilega
væri hægt að gera göng í gegnum gil
væri Kristján vafalítið frekar til í að gera
það.
STEKKJA-
STAUR
Gylfi Magnússon,
efnahags- og
viðskiptaráðherra
Gylfi er nýr á
stjórnmálasviðinu
og hafði aldrei setið
á þingi þegar hann
tók sæti í ríkisstjórn
fyrr á þessu ári. Þar af leiðandi er
skiljanlegt ef fyrstu skref hans í embætti
efnahags-, viðskipta- og bankamálaráð-
herra hafa verið stirð eins og hjá
Stekkjastaur, hvað þá þegar efnahagur
þjóðarinnar og bankaheimurinn eru ein
rjúkandi rúst. Í jólasveinavísunni segir að
Stekkjastaur hafi reynt að sjúga spena
ánna í fjárhúsinu. Gylfi er með doktors-
próf og eru því líkur á að hann hafi lengi
verið á spena ríkisins í formi námslána.
ÞVÖRU-
SLEIKIR
Ragna Árnadóttir,
dómsmála- og
mannréttindaráð-
herra
Ekki eru margir
ráðherrarnir mjög
mjóir. Ragna
Árnadóttir hlýtur að
teljast með þeim grennstu og er
embætti Þvörusleikis því hennar þar
sem hann er sagður „fjarskalega mjór“ í
vísunni góðu. Og Ragna varð örugglega
glöð þegar sá sem á undan henni réð
hvað matreitt var í ráðuneytinu, ef kalla
má ráðherra „eldabusku“, fór og hún
komst að kjötkötlunum. Hún hafði líka
fylgst með eldamennskunni í mikilli
nálægð þar sem hún starfaði áður bæði
sem skrifstofustjóri og ráðuneytisstjóri í
dómsmálaráðuneytinu.
SKYR-
GÁMUR
Jón Bjarnason,
sjávarútvegs- og
landbúnaðarráð-
herra
Mjólk og mjólkuraf-
urðir eru á könnu
Jóns og því vart
hægt annað en að
para hann við eina jólasveininn sem
hefur heiti mjólkurafurðar í nafni sínu.
Skyrgámi er líka líkt við naut þannig að
þetta liggur í augum uppi, og af
lýsingunni í vísunni að dæma er
sveinninn sterkur mjög. Sveitadrengur-
inn Jón hlýtur að hafa krafta í kögglum
eftir glímuna við heybaggana og
mjólkurbrúsana á árum áður.
KERTA-
SNÍKIR
Katrín Júlíusdóttir
iðnaðarráðherra
Kerti þýða eldur,
eldur getur þýtt
iðnaður, iðnaður
þýðir Katrín
Júlíusdóttir. Ókei,
það skal viðurkenn-
ast að erfitt var að finna jólasvein sem
boðlegur er iðnaðarráðherra. En það
hefur líka reynst ráðherranum erfitt að
finna jólasvein til að leggja lag sitt við í
einkalífinu, eins og kom meðal annars
fram í viðtali við Katrínu í DV fyrr á árinu.
Hér eru því komnar einhverjar tengingar
þótt langsóttar og undarlegar séu.
GLUGGA-
GÆGIR
Árni Páll Árnason,
félags- og
tryggingamálaráð-
herra
Árni Páll gægist víða
inn á heimili
landsmanna þessi
misserin til að sjá
hvar má spara, til dæmis í húsnæðis-,
félagsþjónustu- og orlofsmálum. Nýjasta
útspilið í því eru drög að frumvarpi sem
ráðherrann kynnti í ríkisstjórn í vikunni
sem kveður á um að hámarksgreiðslur í
fæðingarorlofi verða lækkaðar úr 350
þúsund krónum á mánuði í 300 þúsund.
Verði frumvarpið að lögum verður
upphæðin heldur aldrei hærri en 75
prósent af launum þess sem tekur
fæðingarorlof og er með laun yfir 200
þúsundum í stað 80 prósenta áður. Á
sama tíma hrannast gluggapósturinn
upp á heimilum landsins.
GÁTTA-
ÞEFUR
Svandís Svavars-
dóttir
umhverfisráðherra
Að mati Jólablaðs
DV er Svandís ekki
með neitt stærra nef
en gengur og gerist,
líkt og jólasveinninn
sem hún er hér pöruð við er með. En þar
sem í vísu Jóhannesar segir að
Gáttaþefur hafi fundið ilm af laufabrauði
alla leið upp á heiðar og runnið þangað
á lyktina lá beinast við að láta umhverfis-
ráðherranum það „sveinsembætti“ í té.
Holt, hæðir og heiðar eru eitthvað sem
Svandís er kunnug í starfi sínu þar sem
hún er málsvari náttúrunnar í eilífri
baráttunni við að hindra sem mest hún
má að „ilmur“ stóriðju leggist þar yfir.
Bjúgnakrækir varð út undan þar sem
jólasveinarnir eru þrettán en
ráðherrarnir aðeins tólf. Umsóknir
óskast.
kristjanh@dv.is
36 Föstudagur 27. nóvember 2009 Jólablað
JÓLASVEINARNIR
- eftir Jóhannes úr Kötlum
Stekkjastaur kom fyrstur,
stinnur eins og tré.
Hann laumaðist í fjárhúsin
og lék á bóndans fé.
Hann vildi sjúga ærnar,
-þá varð þeim ekki um sel,
því greyið hafði staurfætur,
-það gekk nú ekki vel.
Giljagaur var annar,
með gráa hausinn sinn.
-Hann skreið ofan úr gili
og skaust í fjósið inn.
Hann faldi sig í básunum
og froðunni stal,
meðan fjósakonan átti
við fjósamanninn tal.
Stúfur hét sá þriðji,
stubburinn sá.
Hann krækti sér í pönnu,
þegar kostur var á.
Hann hljóp með hana í burtu
og hirti agnirnar,
sem brunnu stundum fastar
við barminn hér og þar.
Sá fjórði, Þvörusleikir,
var fjarskalega mjór.
Og ósköp varð hann glaður,
þegar eldabuskan fór.
Þá þaut hann eins og elding
og þvöruna greip,
og hélt með báðum höndum,
því hún var stundum sleip.
Sá fimmti Pottaskefill,
var skrítið kuldastrá.
-Þegar börnin fengu skófir
hann barði dyrnar á.
Þau ruku’upp, til að gá að
hvort gestur væri á ferð.
Þá flýtti’ ann sér að pottinum
og fékk sér góðan verð.
Sá sjötti Askasleikir,
var alveg dæmalaus.-
Hann fram undan rúmunum
rak sinn ljóta haus.
Þegar fólkið setti askana
fyrir kött og hund,
hann slunginn var að ná þeim
og sleikja á ýmsa lund.
Sjöundi var Hurðaskellir,
-sá var nokkuð klúr,
ef fólkið vildi í rökkrinu
fá sér vænan dúr.
Hann var ekki sérlega
hnugginn yfir því,
þó harkalega marraði
hjörunum í.
Skyrjarmur, sá áttundi,
var skelfilegt naut.
Hann hlemminn o’n af sánum
með hnefanum braut.
Svo hámaði hann í sig
og yfir matnum gein,
uns stóð hann á blístri
og stundi og hrein.
Níundi var Bjúgnakrækir,
brögðóttur og snar.
Hann hentist upp í rjáfrin
og hnuplaði þar.
Á eldhúsbita sat hann
í sóti og reyk
og át þar hangið bjúga,
sem engan sveik.
Tíundi var Gluggagægir,
grályndur mann,
sem laumaðist á skjáinn
og leit inn um hann.
Ef eitthvað var þar inni
álitlegt að sjá,
hann oftast nær seinna
í það reyndi að ná.
Ellefti var Gáttaþefur
-aldrei fékk sá kvef,
og hafði þó svo hlálegt
og heljarstórt nef.
Hann ilm af laufabrauði
upp á heiðar fann,
og léttur, eins og reykur,
á lyktina rann.
Ketkrókur, sá tólfti,
kunni á ýmsu lag.-
Hann þrammaði í sveitina
á Þorláksmessudag.
Hann krækti sér í tutlu,
þegar kostur var á.
En stundum reyndist stuttur
stauturinn hans þá.
Þrettándi var Kertasníkir,
-þá var tíðin köld,
ef ekki kom hann síðastur
á aðfangadagskvöld.
Hann elti litlu börnin,
sem brostu glöð og fín,
og trítluðu um bæinn
með tólgarkertin sín.
Jólasveinavísa Jóhannesar úr Kötlum er flestum kunn. En hvernig ætli lýsingin á svein-
unum passi við ráðherra ríkisstjórnarinnar? Jólablað DV brá á leik og reyndi að para
saman jólasveinana og ráðherrana, iðulega á býsna langsóttan hátt. En í anda jólanna
skulum við taka viljann fyrir verkið.
Jólasveina-
ríkisstjórnin