Dagblaðið Vísir - DV - 12.08.2014, Blaðsíða 4
Vikublað 12.–14. ágúst 20144 Fréttir
„Flugslys“ að mati forsetaembættis
Orð um fund með sendiherra Rússlands
Haukur ætlaði að
kaupa íbúðirnar
n Stærsta sala ÍLS út um þúfur n Fengu ekki fjármögnun fyrir 154 íbúðum
S
á sem ætlaði að kaupa 154
íbúðir af Íbúðalánasjóði í
einum pakka heitir Haukur
Guðmundsson, samkvæmt
heimildum DV, en blaðið
hefur greint frá fyrirhuguðum við-
skiptum með íbúðirnar í nokkrum
fréttum. Félagið sem Haukur ætlaði
að nota til kaupanna heitir Gjóna
ehf. og var stofnað fyrr á árinu. Íbúð-
irnar eru aðallega á Austurlandi og
á Suðurnesjum. Haukur er nokkuð
þekktur meðal þeirra sem
fylgjast með fasteigna-
markaðnum. Hann var
meðal annars um tíma
framkvæmdastjóri Smára-
garðs, sem var fasteigna-
félag Norvik-samstæðu
Jóns Helga Guðmunds-
sonar og hefur komið að
viðskiptum með fasteignir
í Reykjavík. Hugmynd fjár-
festanna var að öllum lík-
indum að kaupa allar íbúð-
irnar á einu bretti og selja
þær svo til einstaklinga
eða fyrirtækja hverja fyrir
sig og innleysa söluhagn-
að. Haukur vill ekki ræða
hin ætluðu viðskipti í sam-
tali við DV og segist hann
vera bundinn trúnaði. Í
hluthafaupplýsingum um
Gjónu kemur fram að Hauk-
ur og Grétar Hannesson séu
stjórnarmenn og er lögfræðistof-
an Advel, stofnandi félagsins, skráð
sem eini hluthafinn. Ljóst er að ein-
hverjir fjárfestar voru á bak við við-
skiptin en nöfn þeirra liggja ekki
fyrir.
Sölunni rift
DV greindi frá því í byrjun ágúst að
Íbúðalánasjóður hefði rift viljayfir-
lýsingu um að selja íbúðirnar til
Hauks og viðskiptafélaga hans sem
DV hefur ekki nafnið á. Nú hefur
DV hins vegar fengið upplýsingar
um nafn Hauks en nöfn hinna fjár-
festanna liggja ekki fyrir. Gengið
var frá viljayfirlýsingu um söluna
í apríl síðastliðnum með fyrirvara
um fjármögnun kaupanna. Haukur
og meðfjárfestar hans reyndu að
ganga frá fjármögnun á íbúðunum
en það gekk ekki eftir og þess vegna
var hinum ætluðu viðskiptum rift.
Íbúðalánasjóður var þá þegar búinn
að veita fjárfestunum frest til að út-
vega fjármuni til kaupanna. Kaup-
verðið átti að vera um 1.800 millj-
ónir.
Afskipti velferðarráðuneytisins?
Svarið frá Íbúðalánasjóði um riftun-
ina var svohljóðandi: „Í lok maí
2014 var skrifað undir samkomulag
um sölu á 107 eignum Íbúðalána-
sjóðs, sem staðsettar eru á nokkrum
stöðum á landinu. Samkomulag-
ið var undirritað með fyrirvara um
fjármögnun kaupanna. Nú liggur
fyrir að kaupendum hefur ekki tek-
ist að fjármagna kaupin og hefur því
samkomulaginu verið rift.“ Sú saga
hefur verið lífseig að velferðarráðu-
neyti Eyglóar Harðardóttur hafi haft
afskipti af viðskiptunum. Sagan er á
þá leið að Haukur og viðskiptafélagi
hans hafi gert Íbúðalánasjóði tilboð
sem hafi verið hafnað en að ráðu-
neytið hafi þá beint þeim tilmælum
til sjóðsins að gengið yrði að tilboð-
inu. Samkvæmt sögunni á tilboðið
þá að hafa verið lagt fram aftur og
samþykkt. DV hefur heimildir fyrir
því að þessi saga sé ekki rétt og að
ráðuneytið hafi ekki haft nein af-
skipti af þessum viðskiptum frekar
en öðrum hjá Íbúðalánasjóði.
Ætlaði að selja sjálfur
Eitt af því sem vakti athygli í málinu
var að Íbúðalánasjóður ætlaði að
selja íbúðirnar sjálfur en ekki gera
það í gegnum fasteignasölu. Íbúða-
lánasjóður er með samning við fé-
lag fasteignasala um að leita til þess
þegar selja þarf íbúðir en getur
jafnframt, í vissum kringumstæð-
um, ákveðið að selja eignir sjálf-
ur. Í þessu tilfelli var um að ræða
einn íbúðapakka þar sem kaup-
verðið hefði verið um 1.800 þús-
und og hefði sjóðurinn getað spar-
að sér söluþóknun upp á 1,5 til 2,5
prósent með því að selja íbúðirnar
sjálfur. Ekkert varð hins vegar af
þessum viðskiptum í þetta skiptið
og Íbúðalánasjóður kominn aftur
á byrjunarreit með þessa eignir. n
Ingi Freyr Vilhjálmsson
ingi@dv.is
„Nú liggur fyrir að
kaupendum hefur
ekki tekist að fjármagna
kaupin og hefur því
samkomulaginu verið rift.
Mistókst Hópur fjárfesta gerði
tilraun til að kaupa 154 íbúðir
af Íbúðalánasjóði. Haukur Guð-
mundsson fór fyrir hópnum.
Á
heimasíðu forseta Íslands,
Ólafs Ragnars Grímssonar, er
talað um afdrif malasísku far-
þegaþotunnar, sem skotin var
niður yfir austurhluta Úkraínu um
miðjan júlí, sem „flugslys“. Í fjölmiðl-
um hefur hins vegar komið fram að
aðskilnaðarsinnar sem vilja að hluti
Úkraínu verði hluti af Rússlandi hafi
skotið þotuna niður með rússnesku
flugskeyti. Tæplega 300 farþegar þot-
unnar létust.
Stjórnvöld í Úkraínu hafa kennt
rússneskum stjórnvöldum að hluta
til um árásina þar sem aðskilnað-
arsinnarnir njóta stuðnings þeirra.
Stjórn Vladimírs Pútín Rússlandsfor-
seta hefur hins vegar kennt stjórn-
völdum í Kíev um árásina. Málið er
því vægast sagt viðkvæmt í diplómat-
ískum skilningi.
Orðið „flugslys“ er notað á vef-
síðu forsetaembættisins í lýsingu á
fundi sem Ólafur Ragnar átti með
sendiherra Rússlands á Íslandi þann
22. júlí síðastliðinn. Orðrétt segir
á vefsíðunni: „Forseti á fund með
Anton Vasiliev sendiherra Rússa á
Íslandi um undirbúning að Hring-
borði Norðurslóða, Arctic Circle
sem haldið verður á Íslandi í haust.
Einnig var fjallað um viðbrögð við
hinu hræðilega flugslysi í Úkraínu,
nauðsyn alþjóðlegrar rannsóknar og
náins samstarfs með hagsmuni fjöl-
skyldna og ættingja þeirra sem létu
lífið að leiðarljósi.“
Með því að nota orðið „flugslys“
virðist forsetaembættið ekki taka af-
stöðu í málinu, það er að segja hvort
úkraínska stjórnin eða rússneskir
aðskilnaðarsinnar skutu vélina nið-
ur og er atburðinum stillt upp sem
„óhappi“ eða „áfalli“ svo vitnað sé til
skilgreiningar á orðinu slys í íslenskri
orðabók. Orðalagið vakti nokkra net-
verja á mánudaginn og var rætt um
notkun þess á samskiptasíðum eins
og Facebook.
Í samtali við DV vildi Örnólfur
Thors, ritari forsetaembættisins, ekki
tjá sig um málið. n ingi@dv.is
„Flugslys“ Árásin á malasísku farþega-
þotuna er kölluð „flugslys“ á vefsíðu for-
setaembættis Ólafs Ragnars Grímssonar.
Leggur til
stuðning við
geitfjárrækt
Starfshópur sem átti að koma
með tillögur um stuðningsað-
gerðir til handa íslenska geitfjár-
stofninum hefur nú skilað þeim
af sér til landbúnaðarráðherrans
Sigurðar Inga Jóhannssonar. Til-
lögurnar eru í fimm liðum. Með-
al annars er lagt til að auknu
fé verði veitt til stofnverndar
geitastofnsins, um tveimur millj-
ónum á ári. Einnig að innleitt
verði sérstakt stuðningsform fyr-
ir geitfjárrækt, svipað og þekk-
ist í sauðfjárrækt. Þá er það talið
mikilvægt að byggður verði upp
sæðisbanki með frystu hafrasæði
sem myndi styðja við markvissa
ræktun og þjóna sem öryggisnet.
Mikilvægt sé að komið verði á fót
rafrænni ættbók þar sem allar
tiltækar upplýsingar um stofn-
inn verða skráðar, en sambærileg
ættbók er til fyrir sauðfé. Að lok-
um leggur hópurinn til að stuðlað
verði að rannsóknum á íslenska
geitastofninum og afurðum hans.
Lúsaplága
Umsvif veggjalúsar hafa verið að
aukast hér á landi með auknum
ferðamannastraumi. Frá þessu er
greint í Morgunblaðinu en lús-
in getur verið þrálátt vandamál á
gistiheimilum þar sem erfitt get-
ur reynst að útrýma henni. Lúsin
er vel þekkt vandamál erlendis en
samkvæmt frétt Morgunblaðsins
hafa sum gistiheimili þurft að
kalla til meindýraeyði til að ráða
niðurlögum þessa hvimleiða
gests. Meindýraeyðir sem rætt
var við segir lúsina dvelja í rúm-
um og berast þannig með skjót-
um hætti á milli með fólki.