Dagblaðið Vísir - DV - 12.08.2014, Side 38

Vikublað 12.–14. ágúst 201438 Fólk
Lady Gaga
á sjúkrahús
Söngkonan Lady Gaga var flutt
á sjúkrahús þegar hún veiktist
skyndilega eftir tónleika í borginni
Denver síðastliðinn miðvikudag.
Póstaði hún „selfie“ á samskipta-
forritið Instagram frá sjúkrahús-
inu þar sem hún er enn með farða
kvöldsins á andlitinu, gerviaugn-
hár og súrefnisgrímu. „Hæðarveiki
er ekkert grín,“ skrifaði hún við
myndina. Gaga er ekki eina stjarn-
an sem hefur fengið hæðarveiki á
tónleikum en söngkonan Carrie
Underwood setti einnig mynd af
sér með súrefnisgrímu eftir tón-
leika í febrúar á síðasta ári. Ein-
kenni hæðarveiki eru höfuðverkur,
svimi, flökurleiki, slappleiki, svefn-
leysi og önnur flensulík einkenni.
F
jölskylda hinnar 15 ára gömlu
Cassidy Stay lést eftir skotárás
fyrir rúmlega mánuði. Skot-
maðurinn er fyrrverandi eig-
inmaður frænku Cassidy sem réðst
inn á heimili fjölskyldunnar og gekk
berserksgang; skaut á fjölskylduna
með þeim afleiðingum að allir dóu
nema Cassidy sem þóttist vera dauð
og slapp.
Líðan hennar er eftir atvikum.
Fyrir skemmstu fékk hún hins vegar
óvænta sendingu sem gladdi. Skóla-
stjóri Hogwarts, Dumbledore, sendi
henni bréf þar sem hann gerir tilraun
til að hugga hana og gefur henni góð
ráð. Það var að sjálfsögðu höfund-
ur Harry Potter-bókanna sem bréfið
fyrir galdrakarlinn gamla en ásamt
bréfinu fékk Cassidy áritaða Harry
Potter-bók, töfrasprota, samþykkis-
bréf frá Hogwarts og fleira.
Dumbledore hefur alltaf verið í
miklu uppáhaldi hjá stúlkunni ungu
en á blaðamannafundi stuttu eftir
hinn voveiflega atburð vitnaði hún
einmitt í hann og sagði. „Jafnvel á
dimmustu stundum er hamingjan
föl, en aðeins ef þú manst að kveikja
ljósin sjálf.“ n
Dumbledore huggar táning
Cassidy Stay fékk óvæntan glaðning
Franco fær
frumkvöðla-
verðlaun
James Franco er ýmislegt til
lista lagt. Hann er ekki bara
stjörnuleikari heldur einnig leik-
stjóri, framleiðandi, kennari
og rithöfundur. Nýjast verkefni
hans er kvikmyndin The Sound
and the Fury sem byggir á frægri
samnefndri bók eftir Martin Ritt.
Franco leikstýrir myndinni. Hún
verður frumsýnd á Venice Film
Festival, en fyrir sýninguna ætla
forsvarsmenn hátíðarinnar að
heiðra Franco með frumkvöðla-
verðlaunum sem hátíðin veitir ár
hvert. En í tilkynningu sem þeir
sendu frá sér segir að Franco hafi
með hugviti sínu og snilli gert
kvikmyndasamfélagið blómlegra.
Justin vingast
við Malölu
Ímynd Justins Bieber hefur ekki
verið hin jákvæðasta undan-
farin misseri en
ýmislegt hefur
borið á góma
hjá söngvaran-
um unga, tengt
áflogum, áfengi
og ástamálum.
Það mætti því teljast
ákveðinn viðsnúningur að Justin
hafi átt frumkvæðið að því að
vingast við mannréttindafröm-
uðinn Malölu Yousafzai. „Ég
átti FaceTime-spjall við Malölu
Yousafzai. Saga hennar er svo
mögnuð. Ég get ekki beðið eft-
ir því að hitta hana í persónu
og ræða hvernig ég geti stutt
hana og sjóðinn hennar, Malala
Fund,“ sagði Justin stoltur á
Facebook-síðu sinni fyrir stuttu.
Reyndi að hugga
J.K. Rowling sendi
stúlkunni bréf.
Stjörnur sem
eru ófeimnar
við brjóstagjöf
Alþjóðlega brjóstagjafarvikan var haldin fyrstu vikuna í ágúst. Af því tilefni fagnaði
vefsíðan celebritybabyscoop.com nokkrum stjörnum sem talað hafa opinskátt um
brjóstagjöf og eru ófeimnar við að gefa börnum sínum brjóst á opinberum vettvangi.
Hér eru nokkrar stjörnumömmur og þeirra viðhorf til brjóstagjafar.
Kourtney
Kardashian
Vildi verða brjóstmóðir
North West
Athygli vakti þegar raunveruleika-
þáttastjarnan Kourtney Kardashian
sást gefa rúmlega eins árs dóttur sinni
Penelope brjóst við sundlaugarbakka í
Miami á sínum tíma. Kourtney hefur talað
mjög hispurslaust um ást sína á brjóstagjöf
í gegnum tíðina en hún á von á sínu þriðja
barni í desember. Þegar systir hennar, Kim
Kardashian, var ólétt viðraði Kourtney þá
hugmynd við hana að þær yrðu brjóstmæð-
ur barna hvorrar annarrar. Þannig gæti
önnur systirin passað öll börnin í einu ef hin
systirin þyrfti að bregða sér af bæ. Sú systir
sem yrði heima með börnin gæti þá gefið
öllum börnum brjóst. Kourtney sagðist ekki
sjá neitt athugavert við þetta enda gerðu
konur þetta iðulega hér áður fyrr. Kim var
hins vegar ekki eins hrifin af hugmyndinni.
Gwen Stefani
Upplifði höfnun þegar
sonurinn hætti á brjósti
Enginn vafi leikur á því að Gwen Stefani
elskar móðurhlutverkið. Söngkonan
deildi nýlega mynd af sér á samskipta-
forritinu Instagram þar sem hún gaf
fimm mánaða syni sínum Apollo brjóst
í fjölskylduferðalagi í Sviss. Þá náðu
ljósmyndarar í Los Angeles einnig
myndum af henni þar sem hún gaf þá
þriggja mánaða syni sínum brjóst á bekk
í almenningsgarði á sínum tíma.
Gwen hefur talað opinskátt um
hversu erfitt það var henni þegar sonur
hennar Zuma hætti sjálfur á brjósti
þegar hún var á tónleikaferðalagi
með No Doubt. „Ég vildi ekki að hann
hætti,“ sagði hún. „Mér fannst það mikil
höfnun.“
Alicia Silverstone
Sársaukafullt fyrstu vikurnar
Leikkonan Alicia Silverstone sást gefa þá tíu mánaða gömlum
syni sínum, Bear Blu, brjóst þar sem hún hélt á honum í
burðarpoka árið 2012. Vakti myndin töluverða athygli á sínum
tíma. Clueless-stjarnan hefur skrifað opinskátt um brjóstagjöf
á blogginu sínu, The Kind Life, frá því hún átti sitt fyrsta barn
með eiginmanninum Christopher Jarecki. Hún viðurkennir meðal
annars að brjóstagjöf geti verið sársaukafull fyrstu vikurnar en
með tíma verði tilfinningin í líkingu við alsælu.
Maggie
Gyllenhaal
Hvert barn er einstakt
Þegar dóttir leikkonunnar Maggie
Gyllenhaal, Ramona, var sjö mánaða
náðust myndir af þeim mæðgum
þar sem Maggie gaf Ramonu brjóst í
almenningsgarði í New York. Myndirnar
ollu töluverðum deilum á sínum tíma
þar sem sumum þótti ljósmyndarinn
brjóta á friðhelgi mæðgnanna á meðan
öðrum þótti ekkert athyglisvert við jafn
hversdagslegan atburð.
Maggie hefur tjáð sig opinberlega
um móðurhlutverkið. „Ég gæti ekki skilið
barnið mitt eftir í vöggunni og látið það
gráta. Mér fannst það ekki virka. Það
þurfa allir að finna sinn takt í þessu. Þú
getur ekki sagt móður hvenær sé rétt að
hætta brjóstagjöf eða hvernig eigi að
svæfa barnið. Hvert barn er einstakt,“
segir hún.
Pink
Hundrað prósent tengslauppeldi
Söngkonan Pink hefur ekki farið í launkofa með það að hún aðhyllist
tengslauppeldisstefnuna svokölluðu, eða Attachment Parenting
eins og það útleggst á ensku. Hún tísti meðal annars á samskipta-
miðlinum Twitter í kjölfar umdeildrar umfjöllunar tímaritsins Time
um langa brjóstagjöf. Hún sagði greinina í Time um tengslauppeldi
því miður nokkuð öfgakennda. Hún styddi tengslauppeldi hundrað
prósent og ætti mjög hamingjusama og hrausta dóttur vegna
þess. „Það er kominn tími til að við styðjum við það sem er heilbrigt
(brjóstagjöf) í stað þess að dæma það,“ skrifaði Pink meðal annars.