Dagblaðið Vísir - DV - 12.08.2014, Síða 30
Vikublað 12.–14. ágúst 201430 Sport
Ný dögun
hjá Didier
Drogba
n Kveður landsliðið og snýr aftur í enska boltann n Byggði spítala fyrir Pepsi-peninga
Kveður landsliðið
Didier Drogba tók þá
ákvörðun að hætta
að leika með landsliði
Fílabeinsstrandarinnar
eftir 12 ára glæstan feril.
Hann er markahæsti
leikmaður í sögu liðsins
og var fyrirliði í átta ár.
F
ramherjinn Didier Drogba (36
ára) stendur nú á tímamótum
á ferli sínum sem margir héldu
að væri að renna sitt skeið. Fyr-
ir helgi tilkynnti Drogba að
hann væri hættur að gefa kost á sér í
landslið Fílabeinsstrandarinnar eft-
ir 12 ára glæstan feril þar sem hann
var fyrirliði síðastliðin átta ár. Hann
kveður sem markahæsti leikmaður
í sögu landsliðsins með 64 mörk í
104 landsleikjum. Fyrr í sumar gekk
hann óvænt til liðs við sitt gamla fé-
lag, Chelsea, eftir tvö tímabil í Tyrk-
landi og stutt stopp í Kína. Þessi stóri
og sterki framherji mun vafalaust
veita kollegum sínum Diego Costa
og Fernando Torres nauðsynlegt að-
hald á komandi tímabili undir stjórn
Joses Mourinho og reynsla hans og
hæfileikar gætu reynst dýrmæt viðbót
fyrir átökin framundan. Chelsea ætlar
sér titilinn og Drogba sýndi það á ný-
liðnu Heimsmeistaramóti í Brasilíu að
hann getur enn breytt leikjum. Hann
á nóg eftir og það veit Mourinho sem
lét það verða eitt af sínum fyrstu verk-
um að kaupa hann til Chelsea árið
2004. En leikmaðurinn sem oft og tíð-
um hefur ært andstæðinga sína og
stuðningsmenn þeirra á sér aðra hlið
sem sjaldnar kemst í fréttirnar. Hann
er kyndilberi friðar og mannúðar í
heimalandinu þar sem hann hefur
gefið mikið af sér.
Erfið æska
Didier Drogba fæddist í borginni
Abidjan á Fílabeinsströndinni þann
11. mars 1978. Þegar hann var fimm
ára var hann sendur í fóstur til frænda
síns Michel Goba í Frakklandi en hann
var atvinnumaður í knattspyrnu. Þar
dvaldist hinn ungi Drogba í þrjú ár þar
til hann fékk heimþrá og flutti heim aft-
ur. Dvöl hans í Abidjan reyndist stutt.
Hann spilaði fótbolta allan daginn á
bílastæði í borginni en þegar foreldr-
ar hans misstu báðir vinnuna neyddist
hinn til að flytja aftur til frænda síns í
Frakklandi. Árið 1991 ákváðu foreldrar
hans að flytja sjálfir með fjölskylduna
til Frakklands en það var ekki fyrr en
árið 1993 sem Drogba var sameinaður
fjölskyldu sinni á ný í Antony í úthverf-
um Parísar. Það var þá sem hinn 15
ára Drogba hóf að spila fótbolta skipu-
lega með staðarliðinu. Hann gekk síð-
an til liðs við liðið Levallois þar sem
hann skoraði mikið í varaliðinu. Hann
náði hins vegar ekki að heilla þjálfara
aðalliðsins þrátt fyrir að hafa fengið
tækifæri þar aðeins 18 ára
Lengi að springa út
Það hefur verið sagt um Drogba að
hann hafi verið lengi að springa út sem
knattspyrnumaður. Þegar hann lauk
skóla flutti hann til að læra bókhald
í háskóla og þurfti því að skipta um
lið. Hann gerðist lærlingur hjá Ligue
2 liðinu Le Mans en fyrstu tvö árin
þar glímdi hann við þrálát meiðsli.
Fyrrverandi þjálfari Le Mans, Marc
Westerloppe, sagði síðar að það hafi
tekið Drogba fjögur ár að geta æft á
hverjum degi og spila í hverri viku. Eft-
ir nokkur mögur ár með Le Mans þar
sem hann skrifaði ekki undir atvinnu-
mannssamning fyrr en hann var 21 árs,
sló hann í gegn tímabilið 2002/2003.
Þegar tímabilið 2001/2002 var hálfnað
hafði Ligue 1 liðið Guingamp ákveðið
að kaupa Drogba fyrir 80 þúsund
pund. Á næsta tímabili skoraði hann
17 mörk í 34 leikjum og var keypt-
ur til franska stórliðsins Olympique
de Marseille fyrir næsta tímabil á 3,3
milljónir punda. Þar hélt hann áfram
að skora og lauk tímabilinu sem þriðji
markahæsti maður deildarinnar með
19 mörk auk þess sem hann hjálpaði
liðinu að komast í úrslit UEFA Evrópu-
keppninnar 2004.
Drogba varð gríðarvinsæll hjá
stuðningsmönnum Marseille þrátt
fyrir að hafa aðeins leikið eitt tímabil
með liðinu en frammistaða hans hafði
vakið athygli hins nýríka enska stór-
veldis Chelsea. Eigandinn Roman
Abramovich var stórtækur á leik-
mannamarkaðnum og peningar voru
engin fyrirstaða. Marseille stóð fast
á sínu og svo fór að Chelsea greiddi
24 milljónir punda fyrir Fílabeins-
strendinginn sterka fyrir tímabilið
2004/2005. Flestir þekkja afrek hans
síðan.
Útborgunardagur í Kína
Drogba lék með Chelsea í átta ár, skor-
aði 100 mörk í 226 leikjum og varð
með tíð og tíma einn skæðasti og
besti framherji Evrópu. Hans besta
tímabil er án nokkurs vafa tímabilið
2009/2010 þar sem hann skoraði 29
mörk í 32 leikjum fyrir Chelsea í ensku
úrvalsdeildinni. Hann varð sannköll-
uð goðsögn hjá Chelsea eftir að hafa
hjálpað liðinu að vinna 12 bikara en
árið 2012 skildi leiðir. Héldu margir
að hinn 34 ára gamli Drogba væri að
undirbúa það að setjast í helgan stein
þegar hann samdi við kínverska liðið
Shanghai Shenhua. Drogba skrifaði
undir tveggja og hálfs árs samning við
félagið og er sagt að hann hafi hljóð-
að upp á 200 þúsund pund á viku.
Drogba hafði tryggt eftirlaunasjóð
sinn með þessu. En hann stoppaði
stutt í Kína og lenti í launadeilum við
forráðamenn í Shanghai sem Drogba
sakaði um að hafa ekki staðið við sitt.
Skyndilega bárust fréttir af því í janúar
2013 að framherjinn hefði skrifað
undir 18 mánaða samning við tyrk-
neska stórliðið Galatasaray. Hann var
hins vegar enn tæknilega samnings-
bundinn Shanghai og fór málið fyrir
úrskurðarnefnd Alþjóðaknattspyrnu-
sambandsins, FIFA, sem veitti Drogba
heimild til að semja við Galatasaray
meðan leyst væri úr samningamálum
hans. Hann skrifaði undir risasamning
við tyrkneska liðið sem tryggði honum
4 milljónir evra fyrir það eitt að skrifa
undir og síðan 4 milljónir evra á ári eft-
ir það. Drogba stóð sig með prýði hjá
Galatasary og hjálpaði liðinu að vinna
þrjá bikara og skoraði 15 mörk í 37
leikjum með félaginu.
Enn bestur í Evrópu
Þann 25. júlí síðastliðinn ráku margir
upp stór augu þegar Chelsea tilkynnti
að félagið hefði samið við Drogba á ný
til eins árs eftir að samningur hans við
Galatasaray rann út. „Þetta var auð-
veld ákvörðun, ég gat ekki staðist það
að vinna með Jose Mourinho aftur.
Allir vita hversu sérstakt samband mitt
við þetta félag er og hér finnst mér ég
vera kominn heim,“ sagði Drogba eft-
ir að allt var undirritað. Mourinho hef-
ur enn tröllatrú á Drogba þrátt fyrir
að margir hafa sett spurningarmerki
við ákvörðunina. „Hann er að koma
hingað vegna þess að hann er einn
besti framherji Evrópu. Ég þekki hans
persónu vel og ég veit að hann er að
koma hingað til að láta til sín taka og
skrifa nýjan kafla í sögubækurnar, ekki
bara lifa í gamalli dýrð hjá félaginu.“
Mannvinurinn Drogba
Þótt Drogba sé dýrkaður og dáður
af stuðningsmönnum liðanna sem
hann hefur leikið með þá hefur hann
alla tíð mátt glíma við slæmt almenn-
ingsálit vegna þess hvernig hann spil-
ar. Hann er stór og sterkur leikmaður
sem gagnrýndur hefur verið harðlega
Sigurður Mikael Jónsson
mikael@dv.is
Einstaklingsverðlaun
Leikmaður ársins á Fílabeins-
ströndinni: 2006, 2007, 2012.
Knattspyrnumaður Afríku:
2006, 2009.
Markahæstur í ensku úrvals-
deildinni: 2007, 2010.
Markahæstur í Evrópudeildinni: 03/04.
Markahæstur í Afríkukeppninni: 2012.
Heimsúrval Fifa/Fifpro: 2007
Lið ársins í ensku úrvalsdeildinni:
06/07, 09/10.
Leikmaður ársins hjá Chelsea: 2010.
Leikmaður ársins í Tyrklandi: 2013.
Leikmaður ársins í Frakklandi: 03/04.
Titlar með félagsliðum
Chelsea
Enska úrvalsdeildin:
2004/05, 2005/06, 2009/10.
Enska bikarkeppnin (FA Cup):
2006/07, 2008/09, 2009/10, 2011/12.
Enski deildarbikarinn:
2004/05, 2006/07.
Meistardeild Evrópu: 2011/12.
Samfélagsskjöldurinn: 2005, 2009.
Galatasaray
Super Lig: 2012/13.
TFF Super Kupa: 2013.
Tÿrkiye Kupasi: 2013/14.
Guingamp 2002–2003 Chelsea 2004–2012
Leikir: 45 Leikir: 226
Mörk: 20 Mörk: 100
Marseille 2003–2004 Fílabeinsströndin
Leikir: 35 Leikir: 104
Mörk: 19 Mörk: 65
Tölfræði og verðlaun
Goðsögn hjá Chelsea Drogba og Eiður Smári Guðjohnsen léku saman hjá Chelsea í um
tvö tímabil. Báðir voru þeir og eru í miklum metum hjá Jose Mourinho og stuðningsmönnum
Chelsea.
Sló í gegn í Frakklandi Drogba var
keyptur til Marseille í Frakklandi fyrir 3,3
milljónir punda. Eftir eitt tímabil og 19 mörk
var hann seldur til Chelsea á 24 milljónir
punda.