Dagblaðið Vísir - DV - 26.09.2014, Side 36

36 Skrýtið Sakamál Helgarblað 26.–29. september 2014
A
ð morgni laugardagsins
10. apríl, 2004, rak maður
sem bjó í grennd við Reg­
ents Canal í London aug­
un í bláa ferðatösku sem
rak undan straumi í síkinu. Maður­
inn var á leið til vinnu og gaf sér því
ekki tíma til að kanna þetta nánar.
Það gerðu aftur á móti nokkrir
unglingar mörgum klukkutímum
síðar, klukkan þrjú um eftirmið­
daginn nánar tiltekið, þar sem
þeir gengu eftir síkisbakkanum
í Islington. Taskan vakti forvitni
þeirra og með langri grein tókst
þeim að draga töskuna að bakkan­
um. Þegar þeir opnuðu töskuna brá
þeim heldur betur í brún og höfðu
samband við lögregluna. Inni­
haldið var höfuðlaus búkur blökku­
konu.
Minnti á annað mál
Aldur konunnar var talinn vera á bil­
inu 18 til 30 ár og við fyrstu sýn virt­
ist sem hún hafði dáið að minnsta
kosti tveimur dögum fyrr. Lögreglan
hófst þegar handa við að finna það
sem vantaði af líkama konunnar og
bað fólk að gefa sig fram ef það teldi
sig búa yfir upplýsingum sem varp­
að gætu ljósi á málið.
Ekki reyndist unnt að úrskurða
um banamein konunnar en fund­
urinn minnti óneitanlega á mál
Paulu Fields, 31 árs vændiskonu, en
sundurlimaðar líkamsleifar hennar
höfðu fundist á sömu slóðum í sík­
inu fjórum árum áður. Höfuð Paulu
hafði aldrei fundist og sömu sögu
var að segja af morðingja hennar.
Eðlilega velti lögreglan fyrir sér
þeim möguleika að morðingi Paulu
hefði látið á sér kræla á ný.
Augljós vísbending
Lögreglan fann, 14. apríl, höfuð
fórnarlambsins og útlimi og gat bor­
ið kennsl á það. Um var að ræða 27
ára sómalíska vændiskonu, Nasra
Ismail.
En það sem kom lögreglunni á
sporið var að bláa ferðataskan var
merkt eigandanum og lögreglunni
því í lófa lagið að hafa upp á hon­
um. Innan skamms var í haldi lög­
reglunnar bróðir eigandans, Dani­
el Archer, 53 ára bótaþegi sem bjó
í íbúð bróður síns í Poole í Dorset.
Daniel var færður á lögreglu­
stöðina og yfirheyrður og tveimur
dögum síðar var hann ákærður fyrir
morðið á Nasra Ismail.
Íbúð bróður Daniels var rann­
sökuð hátt og lágt enda talið að lík
Nasra hefði verið sundurlimað þar.
Bar við sjálfsvörn
Þegar réttarhöldin yfir Daniel hófust
8. nóvember, 2005, lýsti hann sig
saklausan af morði og bar við sjálfs­
vörn. Hann viðurkenndi að hafa
tekið Nasra á löpp við King's Cross
í London 17. mars og farið með
henni í íbúð bróður síns. Þar greiddi
hann henni 20 sterlingspund fyrir
kynmök, þá nýbúinn að fá örorku­
bæturnar í hendur.
Daniel sagði að þá hefði Nasra
heimtað meira fé – afganginn af
bótunum. Hann hefði neitað og
Nasra hefði þá sótt hníf inn í eld­
hús. „Hún otaði hnífnum að mér til
að hræða mig. Ég fór þá inn í eldhús
og náði í kúbein,“ sagði Daniel.
Tók strætó
Daniel sagðist hafa látið höggin dynja
á Nasra þangað til hún hneig niður og
hann heyrði í henni dauðahrygluna.
Síðan sundurlimaði hann líkama
Nasra, tróð líkamshlutunum í ferða­
tösku og tók strætó niður að Regents
Canal þar sem hann losaði sig við allt
heila klabbið.
Hinn 23. nóvember, 2005, komst
kviðdómur að niðurstöðu á innan við
klukkutíma – Daniel Archer var sekur
um morð.
Málalyktir urðu þær að Daniel yrði
að dúsa á bak við lás og slá í að minnsta
kosti 30 ár áður en hann gæti svo mikið
sem íhugað að sækja um reynslulausn.
Þegar þar að kemur verður hann farinn
að nálgast nírætt. n
Fór með líkið í
strætisvagni
n Daniel Archer borgaði vændiskonu fyrir kynlíf n Viðskiptunum lauk með morði
Fannst sundurlimuð Síðasti viðskiptavinur Nasra Ismail gekk af henni dauðri.
Daniel Archer Greip
til kúbeins í viðskiptum
við vændiskonu.
„Ég fór þá inn í eldhús
og náði í kúbein
Leitin að Alice
skilar engu
Umfangsmikil leit hefur verið
gerð undanfarnar vikur að
breskri skólastúlku, Alice Gross.
Fjölskylda hennar hefur sent frá
sér yfirlýsingu þar sem hún biðl­
ar til stúlkunnar að koma heim.
„Ef þú ert þarna einhvers stað­
ar, komdu til okkar, þar sem þú
átt heima,“ segja þau og biðja al­
menning að gefa upp allar upp­
lýsingar sem hann kann að hafa
um hvarf hennar. Lögregluna
í London grunar að maður að
nafni Arnis Zalkalns beri ábyrgð
á hvarfi Alice. Arnis er dæmdur
morðingi og hefur verið búsettur
í Bretlandi. Hann finnst ekki og
telur lögregla hann vera farinn úr
landi. Hann var dæmdur fyrir að
myrða eiginkonu sína árið 1998
í Lettlandi. Bakpoki Alice Gross
fannst 2. september við ána
Brent, en stúlkan hvarf 28. ágúst.
Ekki farið fram á
dauðarefsingu
Ekki verður farið fram á dauðar­
efsingu yfir Bandaríkjamannin­
um Justin Ross Harris sem hefur
verið ákærður vegna dauða sonar
síns, Cooper.
Málið vakti mikla athygli
þegar það kom upp í sumar en
sonur hans, sem var 22 mánaða,
lést eftir að hafa verið skilinn
eftir í bíl í um sjö klukkustundir
í steikjandi hita. Saksóknarar
telja að Justin hafi skilið son sinn
eftir í bílnum að yfirlögðu ráði en
sjálfur heldur hann fram sakleysi
sínu. Dánarorsök Coopers var of­
þornun.
Verði Justin fundinn sekur
gæti hann átt yfir höfði sér lífs­
tíðarfangelsi.
Misnotaði
sjúkling
Bandarískur hjúkrunarfræðing­
ur, Paul Bugarcic, hefur verið
dæmdur í 15 ára fangelsi fyrir
kynferðis brot gegn sjúklingi sem
hann annaðist.
Umræddur sjúklingur, ung
kona, varð fyrir heilaskaða eftir
að hafa lent í vinnuslysi árið 2011
og er hún ófær um að ganga eða
tala – hvað þá verjast kynferðis­
glæpamönnum. Fjölskylda kon­
unnar hafði komið fyrir mynda­
vél í herbergi hennar með það
fyrir augum að fylgjast með fram­
förum konunnar. Brotin áttu sér
stað í janúar og var Bugarcic loks
dæmdur í vikunni. Niðurstaðan
var 15 ára fangelsi sem fyrr segir.