Dagblaðið Vísir - DV - 30.08.2013, Blaðsíða 20

20 Sport mber 2013 Helgarblað
n Knattspyrnuveisla á sunnudag
T
veir sannkallaðir stórleik-
ir fara fram í ensku úrvals-
deildinni um helgina. Á
sunnudag eigast annars
vegar við Liverpool og
Manchester United á Anfield og
hins vegar Arsenal og Tottanham á
Emirates-leikvanginum.
Liverpool og Manchester
Untied hafa bæði farið vel af stað
í deildinni. Liverpool hefur unnið
tvo nauma en öfluga sigra, gegn
Aston Villa á Villa Park og Stoke á
heimavelli. Liðið situr í öðru sæti
deildarinnar og virðist til alls lík-
legt. United vann 4–1 útisigur á
Swansea í frumraun knattspyrnu-
stjórans David Moyes. Liðið gerði
svo jafntefli við Chelsea á heima-
velli um síðustu helgi.
Ljóst er að með sigri næði Liver-
pool fimm stiga forystu á erki fjendur
sína í Manchester-borg. Jafntefli
væri þó líklega ásættanleg úrslit. Á
hinum bænum kemur ekkert nema
sigur til greina ætli United sér að ná
Chelsea að stigum, sem situr á toppi
deildarinnar. Chelsea spilar ekki um
helgina frekar en Aston Villa. Liðin
áttust við þann 21. ágúst og hafa
leikið fleiri leiki en hin liðin.
Nágrannaslagur af bestu gerð
Á Emirates fer fram einn áhuga-
verðasti nágrannaslagur tíma-
bilsins. Tottenham ætlar sér stóra
hluti, eins og venjulega, og hefur
unnið tvo fyrstu leiki sína með
minnsta mun. Óvíst er hvort um-
ræðan endalausa um Gareth Bale
muni trufla leikmenn liðsins en útlit
er fyrir að hann muni ganga í raðir
Real Madrid, fyrir metfé, áður en fé-
lagaskiptaglugganum verður lokað.
Arsenal mun ekkert gefa eftir
í leiknum og ætlar ekki að tapa
tveimur fyrstu heimaleikjum
tímabilsins. Liðið tapaði illa fyrir
Aston Villa í fyrstu umferð en bætti
upp fyrir tapið með öflugum 3–0
útisigri á Fulham í þeirri næstu.
Leikurinn verður vafalítið mikil
skemmtun.
Sex lið án sigra
Í neðri hluta deildarinnar verður
hart barist. Swansea, sem situr
stigalaust á botninum eftir tvær
umferðir, þarf nauðsynlega á sínum
fyrstu stigum að halda. Liðið mætir
West Brom, sem hefur krækt í eitt
stig. Þá á Crystal Palace gullið tæki-
færi til að ná í sín fyrstu stig en liðið
fær Paulo Di Canio og lærisveina í
Sunderland í heimsókn. Norwich
og Southampton eigast líka við en
bæði lið bíða eftir sínum fyrsta sigri
í vetur.
Það verður væntanlega að duga
eða drepast fyrir Newcastle United.
Liðið hefur enn ekki skorað mark á
leiktíðinni og hefur valdið vonbrigð-
um. Heimaleikur gegn sterku liði
Fulham verður ef til vill ágætur fyrir-
boði fyrir það sem koma skal í vetur. n
Laugardagur
Man. City - Hull City 3-1
„Maður verður að reikna með að City taki
þennan leik. Þeir vanmátu Cardiff en rífa
sig upp og vinna þennan leik. Vörnin hjá
City hefur ekki verið góð en það er kominn
tími fyrir nýja leikmenn í hópnum að sanna
sig. Danny Graham skorar fyrir Hull.“
Cardiff - Everton 2-2
„Sigurinn hjá Cardiff á Manchester City um
síðustu helgi hlýtur að gefa þeim einhverja
von um að geta unnið þessi lið. Þeir verða að
vinna heimaleikina sína í vetur. Ef maður ætti
að skjóta á eitthvað þá tippa ég á jafntefli.
Everton hefur byrjað hægt og þar hafa orðið
miklar breytingar. Ég held að Bellamy skori
eitt fyrir Cardiff og Fellaini fyrir Everton.“
Newcastle - Fulham 0-2
„Það er krísa hjá Newcastle og ég sé ekki
fyrir endann á henni. Fulham er með flott
lið sem mun verða að berjast í efri hluta
deildarinnar. Ég held að Fulham eigi eftir að
vinna þennan leik. Berbatov skorar bæði.“
Norwich - Southampton 2-3
„Bæði lið hafa styrkt sig ágætlega í sumar
og gætu alveg verið um miðja deild í vetur.
Southampton er með 20 marka mann
í liðinu og ég held að þessi leikur verði
bráðfjörugur. Southampton vinnur leikinn.
Pablo Osvaldo og Rickie Lambert verða
drjúgir í framlínu liðsins.“
West Ham - Stoke City 3-1
„Þetta verður ekki fallegasti leikurinn í
umferðinni. Þarna mætast tveir reynsl­
umiklir menn í boltanum [knattspyrnu­
stjórarnir Sam Allardyce og Mark Hughes,
innsk. blm.]. Stoke var ekkert sérstakt á
móti Crystal Palace á heimavelli og ég
held að West Ham verði seigt í vetur. Allar­
dyce er kominn með góða menn í sitt lið og
ég held þeir vinni örugglega. Ég þykist vita
að Kevin Nolan komist á blað og ég spái að
Jonathan Walters skori úr víti í restina og
minnki þannig muninn.“
Crystal P. - Sunderland 0-0
„Báðir stjórar verða sáttir við eitt stig úr
þessum leik, svona til að komast á blað.
Ekki veitir af. Sunderland hefur ekki byrjað
vel og Paulo Di Canio þarf tíma til að koma
liðinu sínu í gang.“
Sunnudagur
Liverpool - Man. United 2-2
„United lítur ágætlega út þó fyrstu leikirnir
hafi verið erfiðir. Liverpool er komið með
frábæran markvörð [Simon Mignolet,
innsk. blm.] og það virðist vera stemming
í liðinu. United hefur verið ágætt á Anfield
undanfarin ár en ég held liðið vinni ekki
leikinn. Liverpool kemst yfir snemma leiks
en United jafnar og kemst yfir. Liverpool
jafnar svo í 2–2. Daniel Sturridge skorar í
leiknum.“
West Brom - Swansea 1-2
„Það var áfall fyrir West Brom að missa
Anelka skyndilega. Ég hef hins vegar
mikla trú á Shane Long, framherja West
Brom. Hann er alltaf góður þegar hann
spilar. Þetta eru svona lið sem verða um
miðja deild. Lærisveinar Michael Laudrup
verða hins vegar að fara að gera eitthvað.
Þeir eru stigalausir. Michu skuldar mörk
og ég held að hann opni markareikninginn
sinn á sunnudaginn. Hann, ásamt Shane
Long, verður í aðalhlutverkum í leiknum.“
Arsenal - Tottenham 3-2
„Þetta er leikurinn sem stuðnings­
mennirnir úti eru spenntastir fyrir. Fólk hér
heima áttar sig kannski ekki á rígnum sem
er á milli þessara félaga. Það verður allt
brjálað ef Arsenal vinnur ekki leikinn og
sömu sögu má segja um stuðningsmenn
Tottenham. Tottenham hefur byrjað vel
og unnið báða sína leiki. Arsenal tapaði
illa í fyrstu umferð en vann svo Fulham
3–0. Þetta verður erfiður leikur og mörg
mörk verða skoruð; fimm til sex. Ég verð að
spá mínum mönnum sigri. Soldado kemur
gestunum yfir úr víti snemma í leiknum –
óvænt. Arsenal snýr leiknum við og kemst
í 3–1. Walcott skorar sitt fyrsta í deildinni
í vetur og [Oliver] Giroud skorar tvö fyrir
Arsenal. Gylfi Sigurðsson minnkar muninn
seint í leiknum með fallegu marki.“
Vissir þú …
... að Arsenal hefur komist í riðlakeppni
Meistardeildar Evrópu sextán keppn­
istímabil í röð?
… að Juan Mata hjá
Chelsea hefur lagt upp
fleiri mörk en nokkur
annar leikmaður í ensku
úrvalsdeildinni síðustu
tvö keppnistímabil?
… að Daniel Sturridge
hefur skorað níu mörk
í síðustu átta leikjum
í öllum keppnum með
Liverpool?
… að Chelsea er fyrsta liðið í ensku úr­
valsdeildinni sem í tvígang heldur hreinu
á Old Trafford tvö tímabil í röð (tímabilin
93/94 og 94/95 + 12/13 og 13/14)?
… að þremur leikjum í úrvalsdeildinni
lyktaði með markalausu jafntefli um
síðustu helgi. Það gerðist aðeins á
tvisvar á síðustu leiktíð?
… að Jose Mourinho hef­
ur aðeins tapað tveimur
af átta síðustu leikjum
sínum sem knattspyrnu­
stjóri á Old Trafford?
… að Wayne Rooney
hefur skorað 24 mörk í 27
síðustu leikjunum sem
hann hefur verið í byrjun­
arliðinu á Old Trafford?
… að Manchester City hefur aðeins unnið
einn af síðustu fjórum útileikjum sínum
gegn nýliðum í ensku úrvalsdeildinni?
Baldur Guðmundsson
blaðamaður skrifar baldur@dv.is
„Fólk áttar sig
ekki á rígnum“
D
V fékk markahæsta mann
Pepsi-deildarinnar í
knattspyrnu, Fylkismanninn
Viðar Örn Kjartansson, til að
spá í leiki helgarinnar. Faðir Viðars
er stofnandi Arsenal-klúbbsins á
Íslandi og Viðar Örn segist því hafa
fengið áhugann á liðinu beint í æð.
Hann hafi farið á fjölmarga leiki
liðsins, með föður sínum, og þess
vegna stutt það frá blautu barns-
beini. Hann viðurkennir að það
væri draumur að spila einn daginn
í búningi Arsenal-liðsins og segir
að það sé ágætt og metnaðarfullt
markmið að stefna að.
„Arsenal hefur sýnt batamerki
eftir fyrsta leikinn gegn Villa. Þetta
byrjaði frekar slysalega,“ segir
Viðar Örn spurður hvernir ný hafið
keppnistímabil leggist í hann.
Hann segir að Arsene Wenger
verði að opna veskið. „Hann
hlýtur að kaupa eitthvað en það er
annað mál hversu stór kaup það
verða,“ segir Viðar Hann á ekki
von á því að Arsenal blandi sér
í titilbaráttuna af alvöru í vetur.
Liðið gæti orðið á kunnuglegum
slóðum í vor – í baráttu um sæti í
Meistaradeild Evrópu. Viðar Örn
spáir markasúpu um helgina.
Viðar Örn Kjartansson spáir í leiki helgarinnar
„Xxxxx
Markaskorari Viðar Örn Kjartansson
hefur skorað níu mörk í sumar fyrir Fylki.
Barist á Anfield
Wayne Rooney
og Glen Johnson
verða væntanlega
báðir í eldlínunni á
sunnudag.
Tveir stórleikir