Dagblaðið Vísir - DV - 30.08.2013, Blaðsíða 16

16 Fréttir 30. ágúst–1. september 2013 Helgarblað
Vinsælasti bíll heims á enn betra verði
Ford Focus trend edition
Ford Focus, söluhæsti bíll í heimi árið 2012, er nú fáanlegur í nýrri útfærslu.
16“ álfelgur eru undir bílnum og sérstakt Trend Edition áklæði á sætum.
Loftkæling, öflug aksturstölva, regnskynjari í framrúðu og blátannarbúnaður
eru einnig til staðar. Til viðbótar hefur verið hugað að fjölmörgum
praktískum atriðum, svo sem sjálfvirkri dimmingu á baksýnisspegli
og sniðugri hurðavörn. Komdu og reynsluaktu vinsælasta bíl heims.
Ford Focus Trend Edition 5 dyra, 1,0 EcoBoost bensín 125 hö. 6 gíra beinskiptur. Eldsneytisnotkun í blönduðum akstri 5,0 l/100 km. Losun koltvísýrings CO2 114 g/km., fær frítt í stæði í Reykjavík
í 90 mín. í senn. Tökum allar tegundir bíla upp í nýja. Brimborg og Ford áskilja sér rétt til að breyta verði og búnaði án fyrirvara. Útbúnaður og gerð getur verið frábrugðin mynd í auglýsingu.
ford.is
5 dyra FrÁ
sTaTion FrÁ
Ford Focus
3.390.000 KR.
3.540.000 KR.
trend edition
Ford_Focus_180x255_08.07.2013_1.indd 1 08.07.2013 14:17:01
L
úðvík Örn Steinarsson lögmað­
ur var fyrr á árinu ákærður fyrir
stórfelld skattsvik ásamt fjórum
öðrum mönnum. Þetta kemur
fram í ákærunni í málinu sem
DV hefur undir höndum. Ákæran er
undirrituð 10. apríl síðastliðinn. Aðrir
sem eru ákærðir í málinu eru þeir Þor­
geir Jósefsson, Magnús Jónsson, Sig­
urður Hjalti Kristjánsson og Jóhann
Guðni Hlöðversson.
Fimmenningarnir eru ákærðir fyrir
„meiriháttar skattalagabrot“ vegna
starfa sinna fyrir einkahlutafélagið
S12 byggingar ehf. og fyrir að hafa
ekki greitt virðisaukaskatt og stað­
greiðsluskatta til hins opinbera á ár­
unum 2009 og 2010. Þeir voru allir
annaðhvort stjórnarmenn eða voru í
framkvæmdastjórn félagsins á þess­
um tíma. Skattarnir sem sagðir eru
vangoldnir í ákæru nema meira en
80 milljónum króna og skiptast skatt­
greiðslurnar með mismunandi hætti
á þessa forsvarsmenn félagsins. Orð­
rétt segir í ákærunni að málið sé höfð­
að fyrir „meiri háttar brot gegn skatta­
lögum“.
Hét áður Ris
S12 byggingar ehf. hét áður Ris ehf. og
var þá meðal annars í eigu athafna­
mannsins Engilberts Runólfsson­
ar sem sat í stjórn þess árið 2007. Ris
var verktakafyrirtæki sem var í eigu
Kristins Jörundssonar sem félög á
vegum Engilberts keyptu árið 2007.
Ris átti meðal annars heilsugæslu­
stöðina í Kópavogi sem var seld út úr
félaginu árið 2005. Fyrir kaup Engil­
berts á Risi var verktakinn einn þeirra
sem nefndur var sem einn af þeim að­
ilum sem styrkti Sjálfstæðisflokkinn í
Kópavogi. S12 ehf. er gjaldþrota í dag.
Í eigu Engilberts
Endanlegur hluthafi S12 bygginga var
eignarhaldsfélagið Innova sem var
móðurfélag verktakafyrirtækja sem
voru í eigu Engilberts á árunum fyrir
hrun. Samkvæmt síðasta birta árs­
reikningi Innova námu skuldir félags­
ins tæpum sextán milljörðum. Það
félag er gjaldþrota í dag. Sá ársreikn­
ingur er frá árinu 2007 þannig að ætla
má að skuldirnar hafi aukist mikið síð­
an.
Tekið skal fram að þrátt fyrir
eignarhald Engilberts á félaginu þá
tengdst hann ekki umræddu skatta­
máli sem er fyrir dómi. Hins vegar er
um að ræða framkvæmdastjóra og
fyrrverandi stjórnarmenn í fyrirtæki
sem hann átti. Þegar Engilbert keypti
Ris árið 2007 sagði hann um starf­
semi félagsins í fréttatilkynningu: „Ris
hefur vaxið ört undanfarin ár og telj­
um við framtíðarmöguleika félagsins
mikla og að þeir samræmist vel okkar
framtíðarsýn. Verkefnastaða félagsins
er góð og hefur það yfir að ráða öflugu
starfsfólki sem er nauðsynlegt í okkar
fagi. Við hyggjumst styrkja og efla
rekstur félagsins án þess þó að gera á
honum stórvægilegar breytingar og
lítum björtum augum fram á veginn.“
Krafist refsingar
Í ákærunni krefst saksóknarinn
Björn Þorvaldsson þess að hinir
ákærðu verði dæmdir til refsingar og
til greiðslu alls sakarkostn­
aðar í málinu auk þess sem
slík málaferli fela alltaf í sér
endurgreiðslu á skattinum
verði hinir ákærðu fundn­
ir sekir um þess sem þeim
er borið á brýn. Því er um að
ræða umtalsverða fjármuni.
Málið er nú fyrir dómi. n
Lögmaður ákærður
fyrir stórfelld skattsvik
n Fimm aðstandendur verktakafyrirtækis ákærðir í rúmlega 80 milljóna skattsvikamáli
Ingi Freyr Vilhjálmsson
fréttastjóri skrifar ingi@dv.is
„… meiri háttar brot
gegn skattalögum.
Ákært fyrir skattsvik
Embætti Ólafs Haukssonar hefur
ákært fimm menn fyrir skattsvik
í rekstri verktakafyrirtækis.
Eigandinn Engilbert
var eigandi Ris ehf. en
hann tengist dómsmál-
inu ekkert.