Dagblaðið Vísir - DV - 25.10.2013, Síða 42

42 Lífsstíll 25.–27. október 2013 Helgarblað
G
ott samspil nærumhverfis
og heilsu er nauðsyn­
legt, enda þróast frá upp­
hafi mannkyns. Nærflóran
og gerlar í görn eru til að
mynda tíu sinnum fleiri en frum­
ur líkamans og sem segir sína sögu.
Flóra sem ver líkamann fyrir óvin­
veittum sýklum, þroskar ónæmis­
kerfið og hjálpar að nýta það besta
úr fæðunni og upptöku næringar­
efna. Hárfínt og viðkvæmt samband
þar sem oft ríkir mikil samkeppni
við óhagstæðari örveirur sem vilja
komast að, eða sem haldið hefur
verið í dvala. Sér í lagi á þetta við eft­
ir oft óþarfa inngrip með sýklalyfj­
um. Sambandið er nátengt hugtak­
inu um hagstætt samband hýsils og
sníkjudýra sem flestir þekkja annars
staðar í dýraríkinu og sem gagnast
báðum. En ekki þegar sníklar breyt­
ast í sýkla, vilja ráða öllu og leggja
hýsilinn loks að velli.
Nýju samfélagsgeiturnar
Svokallaðir klasakokkar (Staphylo­
coccus aureus) sem finnast í nefi
okkar flestra, eru algengastir sýk­
ingarvaldar í sárum og kossageitinni
sem við flest þekkjum. Jafnvel öðr­
um geitum í hársverði sem voru al­
gengari til forna og þegar töluvert
vantaði upp á hreinlætið. En sem
nú er aftur farið að bera meira á
hjá íþróttafólki tengt svitablautum
óhreinum íþróttafatnaði, áhöldum,
dýnum og gólfum. Klasakokkarnir
geta einnig valdið hættulegum
spítalasýkingum í skurðsárum,
ekki síst þegar þeir eru orðnir
penisillínónæmir eins og algengt
er víða erlendis, svokallaðir spít­
ala­MÓSAr (Methylycam Ónæmir
Staphylococcus Aureus). Sú þróun
tengist mikilli notkun sýklalyfja á
spítölum sl. áratugi, ekki síst á gjör­
gæsludeildum og sem eru þá stund­
um ónæmir fyrir öllum sýklalyfj­
um (fjölónæmir). Á síðasta áratug
eru svipaðir mósar (ónæmir fyrir
penisillínlyfjum) að verða algengir
í samfélaginu öllu. Þessir stofnar
eru kallaðir samfélagsmósar (CA­
MRSA) og sem valda miklu alvar­
legri húðsýkingum en áður. Nýju
samfélagsgeiturnar okkar.
Húðsár og sýkingar
Samfélag baktería getur líka mynd­
ast í hinum ýmsum vefjum líkam­
ans, þó sér í lagi í alls konar að­
skotahlutum sem mynda óvarinn
grunn til að byggja ofan á sem að
lokum hagar sér sem smáríki í stór­
ríki líkamans. Bú sem lýtur eigin
lögmálum og verkaskiptingu inn­
byrðis. Þessi fyrirbæri hafa verið
kallaðar „fléttur“ (biofilms) baktería
og sveppa. Sumir eru gerðir út af
örkinni til að bera björg í bú, meðan
aðrir eru látnir sjá um árásir og frek­
ari landvinninga úti um allan lík­
amann. Samsvörun sem við getum
svo sem svo séð víða í samfélaginu
öllu í dag. En þar sem varnir okkar
sjálfra og hagstæð nærflóra skiptir
mestu máli.
Húðsár og húðsýkingar hvers
konar eru sennilega algengustu
meinin sem við höfum fengist við
gegnum aldirnar, enda sýnileg með
berum augum. Legusárin eru erfið­
ust viðfangs í seinni tíð, ekki síst hjá
öldruðum og langveikum. Einmitt
í sárameðferðinni er auðvelt að
sjá náttúrulögmálin að verki og
græðingarmátt sjálfs líkamans. Eins
sögunnar, m.a. til notkunar náttúru­
lyfja og grasa í lækningaskyni gegn­
um aldirnar.
Húðkrem úr íslensku hráefni
Sigríður Einarsdóttir heitir öldruð
kona sem í áratugi hefur þróað húð­
krem úr þorskalýsi og repjuolíu með
íslenskum frostþurrkuðum lækn­
ingajurtum. Kremið græðir upp
legusár og exem, hjá mönnum og
hrossum. Sama getur átt við mörg
önnur náttúruefni sem verið er að
rannsaka hér á landi í svokölluðum
sprotafyrirtækjum, úr hvönn, græn­
þörungum og jafnvel með þorskroði
og þorskensímum.
Sýklalyfjaónæmir samfélags­
mósar eru stór ógn við samfélag
okkar í dag, tilkomnir vegna mikill­
ar notkunar sýklalyfja. Ógn sem við
höfum þegar kynnst hér á landi á
annan hátt með faröldrum sýklalyf­
jaónæmra pneumókokka (lungna­
bólgubakteríunnar).Við verðum
að fara að hugsa öðruvísi, eins
og svo reyndar á mörgum öðrum
sviðum þegar við svindlum á lög­
málum móður náttúru. Sagan um
alla „samfélagsmósana“ og krem­
ið hennar Siggu, er aðeins ein lítil
dæmisaga í þessu samhengi, fyrir
okkur öll að læra svolítið af. n
Innrás „samfélags-
mósa“ og kremið
hennar Siggu
Vilhjálmur
Ari Arason
Af sjónarhóli
læknis
„Sigríður Einars-
dóttir heitir
öldruð kona sem í
áratugi hefur þróað
húðkrem úr þorskalýsi
og repjuolíu með
íslenskum frostþurrkuð-
um lækningajurtum.
Heilsulind á
baðinu heima
n Magnesíum og kókosolía styrkja líkamann
þ
ann Nú þegar kuldinn og
myrkrið sækir að Frónbúum
er mikilvægt að hlúa vel að
líkama og sál. Margir gera
það að góðum vana að láta
streituna líða úr sér í heitapottinum
í næstu sundhöll en oft þarf ekki að
leita langt til þess að dekra aðeins við
sjálfan sig.
Kókosolía og
epsom-salt
Með kókosolíu
og epsom­salti
einu saman
má töfra fram
notalega stemn­
ingu sem eykur
slökun og vellíðan heima í baðkar­
inu. Þú einfaldlega skellir desilítra
af epsom­salti í baðvatnið og leyfir
steinefnunum að smjúga inn í húð­
ina. Ekki er verra að hafa kertaljós,
gott tímarit eða tónlist við höndina.
Virknin frá epsom­saltinu er vís­
indalega sönnuð en saltið er auð­
ugt af magnesíum sem hefur styrkj­
andi áhrif á taugakerfið og slakar á
vöðvum.
Húðburstun
Þá er upplagt
að bursta lík­
amann með
góðum bað­
bursta og
nudda þreytt­
ar fætur í leiðinni til
að koma blóðinu af stað og hressa
upp á húðina. Eftir baðið er lífræn
kókosolía borin á allan líkamann frá
toppi til táar til að næra húðina og
veita góðan raka. Kókosolía vinnur
mjög vel á þurrki og útbrotum.
Lífsgæði í
hversdags-
amstrinu
Fyrir fólk sem
er mikið á
ferðinni getur
hugmyndin um
slökun virkað fjar­
verandi og tímafrek. Það er þó leikur
einn að bæta lífsgæðum inn í dags­
rútínuna. Sturtufólk getur hleypt
dekrinu inn í sturtuklefann með ein­
földum hætti. n
Blandaðu lófafylli af lífrænni
kókosolíu og epsom-salti
saman í höndunum
og berðu það á allan
líkamann. Epsom-saltið
nuddar þannig dauðar
húðfrumur í burtu ásamt
því að næra húðina með
magnesíum. Kókosolían
nærir húðina og veitir raka.
Silkimjúk húð
Upplagt er að geyma hárnær-
inguna í hárinu á meðan dekrað
er við húðina til að gefa hárinu
smá kúr. Húðin verður svo
silkimjúk þegar búið er að
þurrka vel með handklæði á
eftir. Gættu þess að bera ekki
olíu á fæturna til að renna ekki á
botninum.
Mósar Klasakokkar geta valdið
hættulegum spítalasýkingum í
skurðsárum, ekki síst þegar þeir eru
orðnir penisillín ónæmir eins og al-
gengt er víða erlendis, svokallaðir
spítala-MÓSAr.
Svala Magnea Georgsdóttir
blaðamaður skrifar svala@dv.is
Dekur í sturtuklefanum
n Gerðu dekrið að góðum vana
Hafðu það gott heima
Epsom-saltið er auðugt
af magnesíum sem hefur
styrkjandi áhrif á taugakerf-
ið og slakar á vöðvum.
Líf án streitu
- lærðu að njóta lífsins
Námskeiðið er fyrir þá sem vilja njóta lífsins, lifa lífinu aðeins
hægar og huga að andlegri og líkamlegri líðan. Dvölin gefur
einnig einstakt tækifæri til að taka upp nýjar og skynsamlegar
leiðir hvað varðar hreyfingu, næringu og svefn.
Innifalið: Gisting, ljúffengur og hollur matur, skipulögð dagskrá,
hugleiðsla og jóga, aðgangur að sundlaugum, baðhúsi og
líkamsrækt. Einnig nudd og val um ýmsar meðferðir.
Verð á mann: 121.900 kr.
7 daga heilsudvöl 5. - 12. nóvember
Nánari upplýsingar í síma 483 0300 og á vefsíðunni www.hnlfi.is
- berum ábyrgð á eigin heilsu
Aukadagur fyrir þá sem vilja lengja dvölina er 9.900 kr. pr. sólarhring.