Hagskýrslur um landbúnað - 01.01.1959, Qupperneq 16

14*
Búnaðarskýrslur 1957
um tveggja mánaða skeið eða fram til loka nóvembermánaðar. Með desember kólnaði
nokkuð, og var til jóla vetrarveðrátta, en heldur mild. Um jólin og fram til áramóta
voru umhleypingar með miklum veðrum, ýmist af suðri, vestri eða norðri. Meðal-
hiti í september var 0,6° yfir meðallagi á öllu landinu og einna hlýjast á Norðaustur-
landi, 1—2° lilýrra en í meðallagi. í október var hitinn að jafnaði 0,7° undir meðal-
lagi, og var þá 1—2° minni en í meðallagi á Norðausturlandi. En úrkoma var lítil,
60—-70% af meðalúrkomu og veður stillt. í nóvember var hitinn að meðaltali 2,6°
meiri en í meðalári og úrkoma um 90% af meðalúrkomu. í desember var hiti 2°
minni en í meðallagi, en úrkoma 60% af meðalúrkomu.
Veðurfar árið 1956. Árið hófst með umhleypingasamri veðráttu og kaldri.
Kom allmikill snjór um mestan hluta Norðurlands, en snjólétt var á Suðurlandi.
Meðalbiti í janúar var 2,1° lægri en í meðallagi og var tiltölulega kaldast á Suð-
vesturlandi, en hlýjast um mitt Norðurland. tJrkoma á Norður- og Norðaustur-
landi var meiri en í meðalári, en annars staðar minni en í meðallagi. Febrúarmán-
uður hófst með ofsaveðri af suðri, en 3. dag mánaðarins var veðrið gengið niður,
og eftir það voru veður mild til vetrarloka. í febrúar var hiti 3,4° yfir meðallagi,
og var þetta annar hlýjasti febrúarmánuður aldarinnar. Einkum voru hlýindi mikil
á Norðurlandi. í marzmánuði var lntinn 3,7° yfir meðallagi og nokkuð jafn um allt
land. í apríl var meðalhitinn 0,9° yfir meðallagi, og var síðasti hluti mánaðarins
tiltölulega kaldastur. Úrkoma í febrúar var um 130 miðað við 100 sem meðalúrkomu
mánaðarins, í marz um 110, en í apríl í tæpu meðallagi. Snjólítið var í byggðum
frá byrjun febrúarinánaðar vegna hlýindanna.
Vorið byrjaði vel, einkum á Suðurlandi. Norðanlands kólnaði í lok aprílmán-
aðar og fyrri hluta maímánaðar var norðanátt, en oftast hæg. Um miðjan mánuð-
inn snjóaði nokkuð nyrðra, en á Suðurlandi voru veður björt og fögur allan fyrri
hluta mánaðarins fram til hins 23. Síðari hluta mánaðarins voru veður oftast betri
nyrðra, einkum eftir hinn 20. Hinn 27. maí gerði mikið vestanrok og spillti særok
gróðri um allt vestanvert landið langt upp í sveitir. Var mikið lauffall á trjágróðri,
þar sem hann var laufgaður orðinn, en svo var í flestum veðursælli sveitum. Særok
þetta mun ekki hafa náð til Norðurlands. Eftir veður þetta var fremur kalt til loka
júnímánaðar, en þó sæmileg veður um miðjan júní. — Hitinn í maí var 0,8° yfir
meðallagi og hlýjast að tiltölu á Austfjörðum og Suðausturlandi, en kaldast á
Suðvesturlandi. Úrkoma í maí var meiri en í meðallagi, og mjög mikil á Norðaustur-
landi, t. d. á Húsavík fjórfalt meiri en í meðalári. í júní var hiti 0,9° minni en í
meðallagi, en úrkoma um meðallag.
Sumarmánuðina júlí og ágúst var fremur kalt um allt laud, meðalhiti í júlí
0,6° minni en í meðallagi og í ágúst 0,7° minni. Á Norðurlandi voru oftast dumb-
ungsveður, úrkomulítið, en svo kalt, að öðru hvoru hrímuðu fjöll. Hlýjast var um
miðjan júlímánuð og var þá hæg sunnanátt. Á Suðurlandi voru veður oftast björt
og þurr, nema um miðjan júlímánuð í sunnanáttinni. Heyskapartíð var fremur
óhagstæð á Norðurlandi, einkum á annesjum. Þó voru þar þurrkar um miðjan
júlímánuð, og náðu bændur þá víða mikilli töðu í hlöður, einkum þeir, er fyrst
byrjuðu slátt. Eftir það var þurrklítið í flestum sveitum norðanlands fram til loka
ágústmánaðar, en þó náðist víða nokkuð af heyjum, en hitt, sem úti var, skemmd-
ist lítið vegna kuldanna. Á Suðurlandi var lieyskapartíð sérstaklega bagstæð, og
hirtust hey eftir hendinni, nema nokkurn tíma um miðjan júlímánuð.
Aðfaranótt 28. ágúst var mikið frost um allt land og gjörféll kartöflugras
víðast, þar sem það hafði ekki fallið áður. Eftir þetta brá til ágætra þurrka á Norður-