Dagblaðið Vísir - DV - 12.09.2008, Blaðsíða 16

FÖSTUDAGUR 12. SEPTEMBER 200816 Helgarblað
„Það er algjört miskunnarleysi af
Lánasjóði íslenskra námsmanna
að sýna ábyrgðarmönnum engan
sveigjanleika og senda skuldina beint
til lögfræðinga þar sem hún hækk-
ar um 30 þúsund krónur án þess að
maður viti einu sinni af því,“ segir
Ragnheiður Kristjánsdóttir. Hún er
ein þeirra fjölmörgu Íslendinga sem
hafa skrifað upp á að vera ábyrgðar-
menn á lánum fyrir fjölskyldumeð-
limi og sitja nú uppi með að greiða
háar skuldir.
Ragnheiður stendur nú frammi
fyrir því að greiða af sex lánum fyrir
son sinn, sem stendur afar illa fjár-
hagslega, meðal annars eftir að hafa
farið illa út úr húsnæðiskaupum fyr-
ir nokkru. „Hann er nánast að fara í
gjaldþrot út af húsnæðiskaupum og
við foreldrarnir höfum þurft að taka
við lánum hans.“ Þau fengu greiðslu-
dreifingu hjá bönkunum, þar sem
þau greiða jafnt af lánum hans.
Engar viðvaranir
Vegna fjárhagserfiðleika gat son-
ur Ragnheiðar ekki greitt af náms-
láni sínu á síðasta ári, en foreldrarnir
sömdu við LÍN um að greiða af láninu
í sumar. Hinn 1. september síðastlið-
inn var gjalddagi þessa árs og er Ragn-
heiður afar ósátt við ósveigjanleika
LÍN um greiðslu af láninu. Tveim-
ur dögum eftir gjalddaga fékk Ragn-
heiður sem er ábyrgðarmaður bréf frá
lögfræðistofu, þar sem tilkynnt var að
höfuðstóll upp á 118 þúsund krónur
hefði hækkað upp í 151 þúsund krón-
ur án þess að þau fengju nokkra við-
vörun frá LÍN um að svona færi. Hún
segir svörin frá LÍN hafa verið þau að
ekki væru sendar út viðvaranir um
SKULDSETT BÖRN FELLA FORELDRA
Jón bJarki magnússon
blaðamaður skrifar: jonbjarki@dv.is
ragnheiður kristjánsdóttir er móðir ungs
manns sem á í miklum fjárhagslegum erf-
iðleikum. Hún greiðir nú af sex lánum sem
fallin eru á hana eftir að hún gerðist ábyrgð-
armaður hans. Tveimur dögum eftir síð-
asta gjalddaga á námslánum sonarins fékk
hún bréf frá lögfræðistofu um að skuldin
hefði hækkað um 30 þúsund krónur. Stein-
grímur Ari Arason, framkvæmdastjóri
LÍN, segir stofnunina alltaf reyna að koma
til móts við fólk.
Fjárhagsörðugleikar Ragnheið-
ur Kristjánsdóttir þarf að greiða af
sex lánum vegna þess að sonur
hennar á í fjárhagsvandræðum.
Myndin er sviðsett.