Dagblaðið Vísir - DV - 12.09.2008, Blaðsíða 24

Helgarblað DVFöstudagur 12. september 200824
HIN HLIÐIN
Semur vísur og ljóð í jólakortin
Nafn og aldur?
„Þröstur Leó Gunnarsson,
fjörutíu og sjö ára.“
Atvinna?
„Leikari.“
Hjúskaparstaða?
„Giftur.“
Fjöldi barna?
„Ég á sjö börn allt í allt.“
Áttu gæludýr?
„Já, ég á hund sem heitir Tjara
af því að hún er svört.“
Hvaða tónleika fórst þú á síð-
ast?
„Ég fór síðast á Ian Anderson úr
Jethro Tull og það var æðislega
gaman.“
Hefur þú komist í kast við lög-
in?
„Nei, ekki nýlega.“
Hver er uppáhaldsflíkin þín og
af hverju?
„Það er leðurjakkinn minn af
því að hann er með svo gott
vasapláss. Ég get troðið öllu
sem ég þarfnast yfir daginn í
vasana. Nema reyndar hand-
ritinu mínu en ég held nú bara
á því.“
Hefur þú farið í megrun?
„Nei, ég á það eftir.“
Hefur þú tekið þátt í skipulögð-
um mótmælum?
„Nei, ekki svo ég muni.“
Trúir þú á framhaldslíf?
„Já. Verður maður ekki að gera
það?“
Hvaða lag skammast þú þín
mest fyrir að hafa haldið upp á?
„Á tímabili hélt ég rosalega
mikið upp á lagið Garún með
Mannakornum. Svo þegar ég
var einhvern tímann að söngla
það og einhver varð voðalega
hissa á því að ég væri að söngla
þetta lag áttaði ég mig á því að
það væri kannski ekkert rosa-
lega töff.“
Til hvers hlakkar þú núna?
„Ég hlakka til að fara að frum-
sýna leikritið Lonesome West
eða Vestrið eina í Borgarleik-
húsinu um miðjan nóvember.
Þetta er alveg æðislegt leikrit
sem er bæði spennandi og
mjög skemmtilegt.“
Afrek vikunnar?
„Að hafa komist í gegnum
fyrstu fjórar sýningarnar á Fló
á skinni. Ég var að hoppa inn
í verkið og við fengum bara tvær
æfingar og það er því afrek að
hafa komist svo vel í gegnum
þessar fyrstu sýningar.“
Hefur þú látið spá fyrir þér?
„Nei.“
Spilar þú á hljóðfæri?
„Ég gutla á trommur, gítar og
munnhörpu.“
Styður þú ríkisstjórnina?
„Nei, ég geri það ekki miðað við
ástandið í dag.“
Hvað er mikilvægast í lífinu?
„Fyrst og fremst fjölskylda og ást-
vinir og það að maður sé sáttur
við það sem maður er að gera í
lífinu.“
Hvaða fræga einstakling myndir
þú helst vilja hitta og af hverju?
„Ég myndi vilja hitta guð og spyrja
hann hvort það væri ekki örugg-
lega líf eftir þetta líf.“
Ert þú með tattú?
„Nei. En þegar ég var sextán ára í
siglingu fórum við allir strákarnir
að fá okkur tattú. Við vorum búnir
að vera að fá okkur bjór og svona
og ég sofnaði áður en röðin kom
að mér. Ég er mjög feginn því í
dag því annars sæti ég kannski
uppi með eitthvað stórt akkeri á
upphandleggnum.“
Hefur þú ort ljóð?
„Já, já, alveg slatta. Ég skrifa
stundum vísur og ljóð inn í jóla-
kortin en ég er hins vegar ekki
góður í því.“
Hverjum líkist þú mest?
„Ég líkist mest mömmu minni,
pabba mínum og börnunum
mínum, þau eru víst öll eins og
ég.“
Ert þú með einhverja leynda
hæfileika?
„Já, sem ég get eiginlega varla
kjaftað frá núna en það verður op-
inberað á næstunni.“
Af hverju stafar mannkyninu
mest hætta?
„Ég held að það segi sig alveg
sjálft, það er nú bara af sjálfu sér.“
Á að leyfa önnur vímuefni en
áfengi?
„Nei, er ekki áfengið alveg nóg?“
Hver er uppáhaldsstaðurinn
þinn?
„Það er Bíldudalur þar sem ég er
fæddur og uppalinn. Foreldrar
mínir búa þar og ég á hús þar og
mér finnst Bíldudalur vera algjör
paradís.“
Þröstur Leó Gunnarsson Leikari hefur nóG að Gera Þessa daGana. hann fer
með eitt af aðahLutverkunum í kvikmyndinni sveitabrúðkaupi, fer á kostum í
farsanum fLó á skinni í borGarLeikhúsinu oG æfir stíft fyrir verkið Lonesome
West sem sett verður upp í nóvember.
Útfararþjónustan ehf.
Stofnað 1990
Símar: 567 9110 & 893 8638
www.utfarir.is • runar@utfarir.is
Alhliða útfararþjónusta
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson
Að eiga og elska heimsins versta hund
-Mjög fyndin ástarjátning
... Í bókinni Marley og ég
er viðfangsefninu lýst af
hlýju ... gamansemi og
ástúð.
New York Times
-Fyndin og hjartnæm saga um
fimmtíu kílóa Labrador sem
var jafn tryggur og elskulegur
og hann var óþekkur.
People
-Hugsanlega hugljúfasta bók
ársins. Sannarlega
hundavinabók ársins.
USA Today
MARLEY OG ÉG er bók sem allir
hundaáhugamenn verða að lesa
- og hinir líka.
Marley og ég
John Grogan
Að eiga og elska
heimsins versta hund
Á metsölulista New York
Times Frum-
útgáfa í
kilju
HÓLAR