Úr þjóðarbúskapnum - 01.12.1966, Side 16

ÚR ÞJÓÐARBÚSKAPNUM
1965, varð mikil aukning á þessum fram-
kvæmdum á árinu 1964 frá árinu áður. Varð
aukning á öllum liðum ræktunarframkvæmd-
anna nema túnasléttun. Nemur aukningin í
heild 47.6%. Nýrækt túna jókst um 37.2%, og
vélgrafnir skurðir jukust um 54.1%. Hafa þess-
ar jarðabætur aldrei áður verið meiri. A árinu
1964 voru framlög ríkisins til jarðabóta hækk-
uð mikið, og gilti sú hækkun um framkvæmd-
ir þess árs, en framlög til jarðabóta koma til
greiðslu ári síðar en framkvæmt er.
Á árinu 1965 urðu ræktunarframkvæmdir
14.5% minni en árið áður. Nýrækt túna minnk-
aði um 982 ha, og vélgrafnir skurðir urðu
1.304 þús. m3 minni.
Nýbýlastjórn ríkisins samþykkti árið 1965
stofnun 13 nýbýla, 4 garðyrkjubýla, 7 iðnaðar-
og smábýla og uppbyggingu 4 eyðijarða, eða
stofnun 28 býla (31 árið 1964). Samþykkt voru
119 framlög til íbúðarhúsabygginga á öðrum
býlum en nýbýlum.
Útihúsabijggingar. Tafla 6 gefur yfirlit yfir
útihúsabyggingar árin 1963—1965. Veruleg
aukning varð í byggingu útihúsa 1964, miðað
við árið áður, eða 15.6%. Varð aukning í bygg-
ingu allra tegunda útihúsa nema hlöðubygg-
inga. Mest varð aukningin í byggingu áburð-
argeymslna og uppsetningu súgþurrkunar-
kerfa.
Árið 1965 jukust útihúsabyggingar enn um
14.2% frá árinu áður. Mikil aukning varð í
byggingu þurrheyshlaða, fjárhúsa og súgþurrk-
unarkerfa. Aftur á móti varð samdráttur í
byggingu fjósa, vélgeymslna, grænmetis-
geymslna o. fl.
Vélar og tæki. Fjármunamyndun í vélum
og tækjum landbúnaðarins dróst nokkuð sam-
an árið 1964 miðað við 1963, enda mjög mikil
það ár. Nam samdrátturinn 10.9%. Eins og sjá
má af töflu 7, dregur úr innflutningi hjóla-
dráttarvéla, sláttuvéla, múgavéla, ámoksturs-
tækja, heykvísla o. fl. Aftur á móti eykst inn-
flutningur snúningsvéla, áburðardreifara,
mjaltavéla, heyblásara o. fl.
Mikil aukning varð á fjármunamyndun í bú-
vélum árið 1965, miðað við árið áður, eða
33.4%. Eins og sjá má af töflu 7, eykst innflutn-
ingur langflestra meiri háttar búvéla.
Fiskveiðar.
Fjármunamyndun í fiskveiðum árið 1964
nam 446.5 millj. kr. að frátöldu útflutnings-
verðmæti þriggja togara og tveggja hvalveiði-
báta, sem seldir voru úr landi á árinu. Aukn-
ing fjármunamyndunar frá fyrra ári var 27.3%.
Árið 1965 varð fjármunamyndun í fiskveið-
um miklu minni en árið áður, minnkaði um
63.3%
Togarar. Enginn togari var keyptur til lands-
ins á árinu 1964, en þrír togarar voru seldir
úr landi.
Á árinu 1965 fækkaði enn í togaraflotanum
um tvö :skip, sem seld voru úr landi. í árslok
1965 voru togararnir 38 að tölu, 26.708 rúm-
lestir að stærð.
Bátar. Bátakaup voru mjög mikil á árinu
1964. Inn voru fluttir 34 fiskibátar, 7.932 rúm-
lestir að stærð, en innanlands voru smíðaðir
15 fiskibátar, 593 rúmlestir að stærð. Árið
1964 bættust bátaflotanum þannig 49 skip,
samtals 8.525 rúmlestir að stærð. Hafa báta-
kaup aldrei áður verið meiri á einu ári. Flestir
innfluttu bátanna eru úr stáli, smíðaðir í Nor-
egi.
Árið 1965 voru keyptir til landsins 10 fiski-
bátar og eitt hvalveiðiskip, samtals 3.156 rúm-
lestir að stærð. Innanlands var aðeins lokið
smíði 2ja báta, samtals 108 rúmlestir að stærð,
en hafin var smíði þriggja stórra stálfiskibáta.
Er hluti af byggingarkostnaði þeirra talinn til
fjármunamyndunar á árinu 1965.
Yfirlit yfir breytingar fiskiskipaflotans og
stærð hans í árslok 1964 og 1965 er gefið í 8.
töflu. Tölur um stærð bátaflotans í árslok eru
samkvæmt skipaskrá, en innfluttir bátar eru
stundum skráðir árið eftir að þeir koma til
landsins.
14