Fréttablaðið - 05.12.2014, Side 38

FÓLK|HELGIN
Árlegur „pop up“-jólamarkaður verður haldinn í porti Hafnarhússins í Listasafni Reykjavíkur um helgina auk helgarinnar 20.-21. desember. Um er
að ræða farandverslun sem stofnuð var á sínum tíma
sem vettvangur fyrir íslenska hönnuði til að selja og
kynna vörur sínar. Mikil áhersla er lögð á grasrótina í
íslenskri hönnun að sögn Þóreyjar Bjarkar Halldórs-
dóttur, fatahönnuðar og eins skipuleggjenda markað-
arins, og að sýna það besta frá öllum sviðum hennar.
„Þetta er sjötta árið sem við setjum upp slíkan markað
og við búum okkur alltaf til nýtt heimili á nýjum stað
með nýrri samsetningu hönnuða og vörumerkja.
Markaðurinn er því aldrei með sama sniði og lagar sig
að hverjum stað, hverju sinni.“
Um 30 hönnuðir kynna og selja verk sína á jólamark-
aðinum og má þar finna fjölbreyttur vörur. Samsetn-
ing hönnuða verður önnur seinni helgina og því um
að gera að kíkja í heimsókn báðar helgarnar að sögn
Þóreyjar og velja eitthvað fallegt í jólapakkann eða
inn á heimilið. „Þarna mun þverskurður af ferskustu
íslensku grasrótarhönnuðum og vörumerkjum bjóða
upp á nýjar vörur, jólaglaðning, afslætti og alls kyns
tilboð milliliðalaust beint til neytenda. Þetta er því
frábært tækifæri fyrir fagurkera á öllum aldri að kynna
sér fallega íslenska hönnun og kaupa vörur á sér-
kjörum.“
Þórey segir mikla vinnu hafa farið í að byggja upp
góða ímynd af markaðinum undanfarin ár sem hafi
skilað sér í góðu orðspori og um leið stórum hópi
tryggra viðskiptavina. „Þessir markaðir hafa
verið mjög mikil auglýsing fyrir hönn-
uðina og hafa reynst mikill stökk-
pallur fyrir marga þeirra, sérstaklega
smærri og nýrri vörumerki sem vilja
kynna sig á þessum markaði.“
Það verður ekki bara boðið upp
á fallega hönnun því Reykjavík
Roasters kaffihús setur upp útibú
á staðnum þar sem gestir geta tyllt
sér niður í jólaösinni og notið veitinga.
Einnig verður hægt að skoða allar
jólavættirnar á Listasafni Reykjavíkur
og ljúfir tónar munu hljóma um salinn
á meðan markaðurinn stendur yfir.
Jólamarkaðurinn verður opinn frá
kl. 11 til 17 á morgun, laugardag, og
sunnudag og einnig helgina
20.-21. desember.
Nánari upplýsingar má finna
á Facebook undir PopUp.verzlun.
FRÁBÆRT TÆKIFÆRI
FYRIR FAGURKERA
JÓLAMARKAÐUR Um helgina fer fram árlegur „pop up“-jólamarkaður í Hafnarhús-
inu. Margir spennandi hönnuðir kynna þar og selja fjölbreytta og fallega hönnun.
FALLEG HÖNNUN Mikil áhersla er lögð á
grasrótina í íslenskri hönnun að sögn Þóreyjar
Bjarkar Halldórsdóttur, fatahönnuðar og eins
skipuleggjenda markaðarins. MYND/GVA
Fæst í apótekum og heilsubúðum
P
R
E
N
T
U
N
.IS
Virkar lausnir frá OptiBac
Bifidobacteria & Fibre
Fæst í apótekum og heilsubúðum
P
R
E
N
T
U
N
.IS
P
R
E
N
T
U
N
.IS
Virkar lausnir frá OptiBac
One Week Flat
Minnkar þembu og Vindgang
Flottir jólakjólar

Ótrúlegt úrval
af jólakjólum
Verð
12.990 kr.
Verð
9.990 kr.
Sjá fleiri myndir á