Fréttablaðið - 05.12.2014, Síða 92

5. desember 2014 FÖSTUDAGUR| LÍFIÐ | 68
S p or t k a fa ra fél a g Í s l a nd s
stend ur fyrir óvenjulegu jóla-
balli fyrir félagsmenn í Silfru
á Þingvöllum 20. desember.
Jólaballið, sem er árlegur viðburð-
ur, er að mörgu leyti með hefð-
bundnu sniði en þykir óvenjulegt
fyrir þær sakir að það er haldið á
bólakafi.
„Við höldum í rauninni svona
hefðbundið jólaball, nema ofan í
vatni,“ segir Þór Ásgeirsson, for-
maður Sportkafarafélags Íslands.
„Við sökkvum jólatré með ljósum
og hátölurum ofan í gjána.“
Jólatréð er skreytt seríu og jóla-
skrauti. „Svo er kveikt á trénu og
tónlistinni og kafararnir koma og
leika sér í takt við tónlistina,“ segir
Þór en jólaballið er fjölmennasta
köfunin á vegum félagsins. „Þetta
er svolítið sérstakt, ég veit ekki til
þess að þetta sé gert annars staðar
í heiminum. Jólasveinninn kemur á
svæðið og svona.“
Að sögn Þórs eru Helga Möller,
Svanhildur Jakobs og Ólafur Gauk-
ur vinsæl á ballinu. „Það heyrist
mjög vel í tónlistinni. Sumir tak-
ast í hendur og reyna að dansa eða
synda í kringum jólatréð,“ segir
Þór og bætir við að það megi því
segja að dansað sé í kringum jóla-
tréð á þessu óvenjulega jólaballi.
Þór segir að alltaf sé jafn gaman
á ballinu. „Þarna hittast gamlir og
nýir félagar. Við vonum að veðrið
verði gott, þá er hægt að fá smá-
kökur og kakó á bakkanum.“ - gló
➜ Helga Möller, Svanhildur
Jakobs og Ólafur Gaukur eru
vinsæl á ballinu.
FÖSTUDAGSLAGIÐ
„Ég komst að því að það er bara
bölvað púl að sitja svona fyrir,“
segir Gunnlaugur Jónasson, Gulli,
fyrrverandi bóksali á Ísafirði, sem
á dögunum landaði sínu fyrsta
fyrir sætuverkefni 85 ára gamall
og sat óvænt fyrir í nýja Geysis-
tímaritinu.
„Þetta var nú í gegnum klíku-
skap. Barnabarnið mitt þekkti ein-
hvern þarna í hópnum og vissi að
það vantaði kall svo hún bað mig
um að koma,“ segir Gulli. „Þetta
var heilmikið umstang. Ég er nú
svo sem enginn fagmaður, ég var
bara settur í úlpu og svo var smellt
af, ætli þetta hafi ekki verið um
fimmtíu myndir,“ segir hann.
Myndatökur fyrir Geysisbækl-
inginn áttu að fara fram fimmtudag
einn í nóvember og voru allir mætt-
ir vestur nema sminkan og fyrir-
sæturnar, sem áttu að koma með
flugi. Vegna veðurs komust þau ekki
og voru þá góð ráð dýr. Gulli, sem
áður starfaði sem bóksali á Ísafirði,
hafði gaman af þessu óvænta og
nýja verkefni svo það liggur beint
við að spyrja hvort hann ætlaði að
taka að sér fleiri fyrirsætuverkefni.
„Ja, ég hef nógan tíma núna svo
það er aldrei að vita nema maður
nái einhverjum frama sem fyrir-
sæta. Ég hef nú bara landað þess-
um eina samningi, en ef menn hafa
áhuga þá bara hafa þeir samband
við mig,“ segir hann.
Hulda Halldóra Tryggvadóttir
stílisti sá um stíliseringu í mynda-
tökunni og endaði hún sjálf á for-
síðu tímaritsins. „Það var smá
panikk, engar fyrirsætur og góð
ráð dýr. Sænski ljósmyndarinn
Elisabeth Toll kom til landsins
til að sjá um myndaþáttinn þrátt
fyrir annríki svo það var ekkert
svigrúm fyrir aukadaga,“ segir
Hulda Halldóra, en hún ásamt hár-
greiðslukonunni og aðstoðarljós-
myndaranum tók að sér nýtt hlut-
verk fyrir framan myndavélina.
Að auki fengu þau nokkra vel-
viljaða Vestfirðinga til þess að
vera fyrirsætur í einn dag. „Það
er ótrúlegt hvað allir voru hjálp-
legir. Ísfirðingar og Flateyringar
eiga þakkir skilið fyrir einstaka
gestrisni,“ segir hún.
adda@frettabladid.is
Hóf fyrirsætuferilinn
óvænt 85 ára gamall
Gunnlaugur Jónasson, gamall bóksali á Ísafi rði, sat fyrir á myndum fyrir Geysi.
Ég hef nú bara
landað þessum eina
samningi, en ef menn
hafa áhuga þá bara hafa
þeir samband við mig.
„Ég fékk þessa hugmynd fyrir
mörgum árum, þegar ég fékk ljós-
myndabókina The Earth from
The Air eftir Yann Arthus-Bertr-
and. Ég heillaðist af myndunum
og hefur síðan þá alltaf langað að
prenta svona loftmyndir á efni,“
segir Ágústa Hera Harðardóttir
fatahönnuður.
Hún, ásamt vini sínum Sigurjóni
Sigurgeirssyni, hannar leggings-
buxurnar Föðurland.
„Pabbi Sigurjóns, Sigurgeir Sig-
urjónsson ljósmyndari, var að taka
svona myndir og úr því varð þetta
samstarf til,“ segir Hera, en mynd-
irnar eru allar teknar yfir Land-
eyjasandi. „Við erum með fjórar
mismunandi týpur núna og það
eru margir litir í buxunum, sand-
litaður, blár, fjólublár og myntu-
grænn. Það var smá mál að finna
nógu gott efni og við fórum út um
allan heim að leita,“ segir Hera, en
hún endaði í Kína þar sem efnið er
prentað.
Nafnið á buxunum, Föðurland,
segir Hera hafa tvíþætta merk-
ingu. „Þetta eru myndir af land-
inu okkar, föðurlandinu, og svo eru
buxurnar bómullarföðurland eða
nokkurs konar innanbæjarföður-
land,“ segir hún. - asi
Myndir af föðurland-
inu á leggingsbuxum
Fatahönnuðurinn Ágústa Hera Harðardóttir hannar
leggingsbuxur með loft myndum af Íslandi.
FÖÐURLAND Ágústa Hera Harðardóttir fatahönnuður ásamt Sigurjóni Sigurgeirssyni.
FRÉTTABLAÐIÐ/ERNIR
Halda óvenjulegt jólaball á bólakafi í Silfru
Árlegt jólaball Sportkafarafélags Íslands verður haldið í Silfru á Þingvöllum 20. desember næstkomandi.
SPORTKAFARI Þór Ásgeirsson segir að
það sé alltaf jafn gaman á ballinu.
FRÉTTABLAÐIÐ/VILHELM
Ég fékk þessa
hugmynd fyrir mörgum
árum, þegar ég fékk
ljósmynda bókina The
Earth from The Air.
PIPA
R
\
TBW
A
• SÍA
• 14
4136
„Smash Into You með Beyoncé
Knowles, ég er bara í rólegheitunum
með kertaljós á leið í jólasaumó.“
Karen Lind Tómasdóttir, bloggari á Trendnet.