Dagblaðið Vísir - DV - 31.03.2010, Blaðsíða 18

18 MIÐVIKUDAGUR 31. mars 2010 FRÉTTIR
Háir styrkir til stjórnmálaflokkanna
árin fyrir bankahrun hafa vakið
grunsemdir. Ýmsir hafa gengið svo
langt að kalla hæstu styrkina mút-
ur. Þekktastir eru styrkir FL Group
og Landsbankans síðla árs 2006
til Sjálfstæðisflokksins, samtals 55
milljónir króna.
Ekki er vitað til þess að þær
styrkveitingar eða nokkrar aðrar
hafi verið rannsakaðar sem mögu-
leg mútubrot, en afar sjaldgæft er
að slík brot fari fyrir dómstóla hér
á landi. GRECO, nefnd á vegum
Evrópuráðsins sem vinnur gegn
spillingu í aðildarríkjunum, hefur
bent á í skýrslu um Ísland að aðeins
einn maður hafi verið dæmdur fyr-
ir mútuþægni á undanförnum 10 til
15 árum. Til þess er tekið að sá hafi
verið kjörinn þingmaður eftir að
hann hafði afplánað dóm sinn.
Skriður komst fyrst á aðgerð-
ir í fjármálum íslensku stjórnmála-
flokkanna eftir að stjórnvöldum
höfðu borist tilmæli frá GRECO
um að brýnt væri að herða reglur
um gagnsæi og framlög til íslenskra
stjórnmálaflokka.
44 milljónir frá Landsbanka
Þann 22. nóvember 2006 var kynnt
samkomulag um fjármál stjórn-
málaflokkanna og ný lög um fjármál
þeirra og frambjóðenda tóku gildi 1.
janúar árið 2007.
„Við höfum ekki neitt að fela í
þessu og höfum aldrei haft,“ sagði
Geir H. Haarde, þáverandi forsæt-
isráðherra, er hann kynnti blaða-
mönnum framangreint samkomu-
lag um fjármál stjórnmálaflokkanna
í nóvember 2006.
Fyrir þingkosningarnar í apríl í
fyrra var upplýst um risaframlög FL
Group og Landsbankans til Sjálf-
stæðisflokksins. Þau þóttu hneyksl-
anleg og varð uppljóstrunin til þess
að nýkjörinn formaður flokksins,
Bjarni Benediktsson, hét því að
skila peningunum til réttra aðila.
Þær upplýsingar, sem Sjálfstæð-
isflokkurinn hefur látið Ríkisend-
urskoðun í té, sýna að 44 milljónir
króna runnu alls úr sjóðum Lands-
bankans til Sjálfstæðisflokksins á
árunum 2002 til 2006. Á þessu tíma-
bili var Kjartan Gunnarsson banka-
ráðsmaður í Landsbankanum og
jafnframt framkvæmdastjóri Sjálf-
stæðisflokksins. Hann hafði einn-
ig unnið að hlutafélagavæðingu
Landsbankans í lok tíunda áratug-
arins.
Geir H. Haarde tók opinber-
lega ábyrgð á framlögunum frá FL
Group og Landsbankanum eftir að
upplýst var um þau í fjölmiðlum.
Styrkirnir kunna að hafa verið
fleiri. Nefna má að Sjálfstæðisflokk-
urinn gerði engin tæmandi skil á
framlögum til einstakra frambjóð-
enda eða einstakra flokksdeilda eða
aðildarfélaga til Ríkisendurskoð-
unar. Þá hvílir enn leynd yfir því frá
hverjum mikill hlut framlaganna
barst.
Götótt upplýsingagjöf
DV spurði Svein Arason ríkisend-
urskoðanda um framlög til tuga
aðildarfélaga Sjálfstæðisflokks-
ins sem engar upplýsingar var að
finna um. Í skriflegu svari sínu segir
Sveinn meðal annars að heildstæð-
ar upplýsingar hafi aðeins borist frá
Framsóknarflokknum, Reykjavíkur-
listanum og Samfylkingunni. „Rík-
isendurskoðun fékk á hinn bóginn
engar upplýsingar um fjárframlög til
einstakra aðildarfélaga eða flokks-
eininga Sjálfstæðisflokksins. Rétt
er að taka fram í þessu sambandi
að lögin fólu ekki í sér að flokkun-
um bæri að upplýsa sérstaklega um
framlög frá einingum sínum og að-
dildarfélögum enda teljast þær hluti
af flokkunum þegar kemur að reikn-
ingsskilum... Þar sem upplýsinga-
öflun og upplýsingagjöf samkvæmt
framangreindu bráðabirgðaákvæði
lauk um síðustu áramót bendum
við þér á að beina fyrirspurnum
um fjárframlög til Sjálfstæðisflokks-
ins á nefndu tímabili til flokksins
sjálfs,“ segir í svari Sveins.
DV hefur ekki enn leitað svara
hjá aðalskrifstofu Sjálfstæðisflokks-
ins.
Leikendur oftast þeir sömu
Ekkert af því sem að framan grein-
ir sannar að 25 milljóna króna
framlag frá Landsbankanum og
30 milljóna króna framlag frá
FL Group hafi átt neitt skylt við
mútur. Framlögin hafa ekki ver-
ið rannsökuð sem slík frekar en
framlög til einstakra frambjóð-
enda. Hæstu framlög til einstakra
frambjóðenda sem um getur í
gögnum, sem opinberuð hafa ver-
ið, eru til Guðlaugs Þórs Þórðar-
sonar, um 25 milljónir króna út
árið 2006, og um 11,5 milljónir
króna til Gísla Marteins Baldurs-
sonar. Prófkjör Sjálfstæðisflokks-
ins vegna borgarstjórnarkosning-
anna vorið 2006 var síðla árs 2005
en prófkjör fyrir alþingiskosning-
arnar 2007 var haldið í nóvember
2006, en þá hafði Guðlaugur Þór
Björn Bjarnason undir í barátt-
unni um efsta sætið.
Þegar FL Group ákvað að styrkja
Sjálfstæðisflokkinn um 30 milljón-
ir króna í lok ársins 2006 fór Hann-
es Smárason fyrir félaginu. Sá sem
hafði milligöngu um styrkinn var
Þorsteinn M. Jónsson hjá Vífilfelli.
Hann sat á þessum tíma í stjórn FL
Group. Eftir aðalfund FL Group í júlí
2006 sátu í stjórn félagsins Skarp-
héðinn Berg Steinarsson stjórnar-
formaður, Þorsteinn M. Jónsson
Vífilfelli, Jón Ásgeir Jóhannesson
Baugi, Magnús Ármann, Smári S.
Sigurðsson og Kristinn Björnsson
sem komið hafði nýr inn í stjórnina
þá um sumarið. Flestir hafa þess-
ir menn haft náin tengsl við Sjálf-
stæðisflokkinn.
Grunsamleg tengsl?
Guðlaugur Þór Þórðarson og Hauk-
ur Leósson voru stuðningsmenn
Vilhjálms Þ. Vilhjálmssonar, þáver-
andi borgarstjóra. Báðir tóku þeir
sæti í stjórn Orkuveitu Reykjavík-
ur. Þekkt er að Haukur hefur verið
stórvirkur fjáraflamaður fyrir Sjálf-
stæðisflokkinn.
Meðfylgjandi tímalína dreg-
ur upp samhengi sem ekki hefur
verið rannsakað með hliðsjón af
hugsanlegum mútubrotum. Hún
hefst í árslok 2006 með styrkjum FL
Group og Landsbankans til Sjálf-
stæðisflokksins en líkur á fundi
nokkurra styrkveitenda með Geir
H. Haarde, þáverandi forsætisráð-
herra, nær ári síðar.
HUGSANLEG
MÚTUBROT EKKI
RANNSÖKUÐ
Þótt samband virðist geta verið milli ríkulegra fjárframlaga til Sjálfstæðisflokksins í árslok 2006 og
áforma flokksins um einkavæðingu orkufyrirtækja hafa framlögin ekki verið rannsökuð eða reynt að
ganga úr skugga um hvort þau eigi eitthvað skylt við mútur. Þó blasir við að framlögin komu frá tveimur
fyrirtækjum sem sóttust eftir tækifærum í orkuvinnslu og orkuútrás.
Við höfum ekki neitt að
fela í þessu og höfum
aldrei haft.
JÓHANN HAUKSSON
blaðamaður skrifar: johannh@dv.is
Tækifærin í orkunni Björn Ársæll
Pétursson var í senn starfsmaður
Landsbankans og stjórnarformaður
REI um tíma.
Hrakfarir Vilhjálmur Þ. Vilhjálmsson
missti borgarstjórastólinn vegna
REI-málsins. Hafði hann samið við
ranga menn?
Tækifærin í orkunni Björn Ársæll
Pétursson var í senn starfsmaður
Landsbankans og stjórnarformaður
REI um tíma.
Tækifærin í orkunni Björn Ársæll
Pétursson var í senn starfsmaður
Landsbankans og stjórnarformaður
REI um tíma.
ÁRSLOK 2006
n Risastyrkir frá
FL Group og
Landsbankanum
til Sjálfstæðis-
flokksins.
D E S E M B E R 2 0 0 6 N Ó V E M B E R 2 0 0 7
2006 2007 D
V
G
R
A
FÍ
K
JÓ
N
IN
G
I
UPPHAF ÁRS 2007
n Sjálfstæðisflokk-
urinn beitir sér fyrir
sölu á hlut ríkisins í
Hitaveitu Suðurnesja.
Flokkurinn gengst
fyrir viðræðum við
Landsbankann um
stofnun útrásararms
Landsvirkjunar og
Orkuveitu Reykja-
víkur.
MARS 2007
n Reykjavík Energy
Invest - REI - stofnað.
APRÍL 2007
n Geir H. Haarde segir
á landsfundi Sjálfstæð-
isflokksins að stefna
beri að einkavæðingu
Landsvirkjunar og
orkufyrirtækja.
MAÍ 2007
n Guðlaugur Þór Þórð-
arson verður ráðherra
og lætur af stjórnarfor-
mennsku í OR. Haukur
Leósson tekur við.
JÚNÍ 2007
n Björn Ársæll Péturs-
son, þá starfsmaður
Landsbankans, verður
stjórnarformaður REI.
ÁGÚST 2007
n Glitnir og Baugur bjóða
forystu borgarstjórnarflokks
Sjálfstæðisflokksins og oddvita
Framsóknar í laxveiði.
SÍÐAR SAMA SUMAR
n Haukur Leósson og
Guðmundur Þóroddsson leggja
til að OR verði hlutafélagavætt.
Bjarni Ármannsson verður
stjórnarformaður REI, rætt við
FL Group og GGE um samruna.
OKTÓBER 2007
n Mikil óánægja gýs upp í
borgarstjórnarflokki Sjálfstæð-
isflokksins vegna REI-málsins.
Meirihlutinn springur.
OKTÓBER 2007
n Sjálfstæðismenn vilja láta
samruna REI og GGE halda og
selja hlut Reykjavíkur. Þá hefðu
Hannes Smárason, Jón Ásgeir
og aðrir eigendur GGE haft
forkaupsrétt.
16. NÓVEMBER 2007
n Jón Ásgeir Jóhannes-
son, Hannes Smárason
og Þorsteinn M. Jónsson
ræða við Geir H. Haarde
um stöðuna í orkumál-
unum.