Dagblaðið Vísir - DV - 31.03.2010, Blaðsíða 72

LG MEÐ NÝTT 3D-SJÓNVARP LG kynnti á dögunum eitt
af mörgum 3D sjónvörpum sem það hyggst koma á mark-
að á þessu ári. LX9500 er baklýst LED-sjónvarp, nær allt að
10000000:1 skerpu og er aðeins 22,3 millimetrar á þykkt. Sjón-
varpið er einnig búið þráðlausu AV-tengi, USB og hægt er að
tengja vefmyndavél fyrir myndspjall eins og Skype. Sjónvarpið
ræður við afspilun á HD DivX, MP3, JPEG og MPO-skrám þegar
útvær diskur eða minniskubbur er tengdur við USB.
Talið er að á bilinu 10 til 20 pró-
sent manna þjáist af einhvers kon-
ar fælni eða „fóbíu“. Flestir kannast
við algengustu tegundir fælni eins
og flughræðslu eða ótta við köng-
ulær og önnur skordýr. Viðbrögð
þeirra sem þjást af slíkri fælni eru þó
mjög mismunandi, allt frá vægum
kvíða eða ótta uppí hálfgert tauga-
áfall þar sem viðkomandi hefur litla
sem enga sjálfsstjórn. Japanskir vís-
indamenn við háskólann í Hirosh-
ima í Japan hafa nú komist að því,
með tilraunum á fiskum, að með
því að nota smáskammt af algengu
deyfingarlyfi (lidocaine) er hægt
að koma í veg fyrir ofsahræðslu.
Tilraunin gefur vonir um að hægt
sé að þróa lyf í framtíðinni fyrir þá
einstaklinga sem ráða illa við hinar
ýmsu tegundir af fælni.
Japanskir vísindamenn nota fiska við rannsóknir á fælni:
LYF GEGN ÁHRIFUM FÆLNI
UPPFÆRSLA
HJÁ APPLE
Þriðja uppfærsla Snow Leopard-
stýrikerfis Apple var fór í loftið á
mánudag. Uppfærslan, 10.6.3, lýtur
meðal annars að prentun, þráðlaus-
um kerfum, QuickTime X, USB og
öryggisþáttum. Búist er við að
næsta uppfærsla iTunes forritsins
(9.1) nú í byrjun apríl snúist að
mestu um samhæfni við iPad og
breytingar á iTunes-versluninni eftir
innreið fyrirtækisins á stafræna
bókamarkaðinn.
ÁNÆGJA MEÐ
WINDOWS 7
Samkvæmt nýrri bandarískri könnun
hefur ánægja notenda með
Windows 7, nýjasta stýrikerfi
Microsoft, verið mjög mikil. Um 60
milljón eintök af hina nýja stýrikerfi
höfðu verið seld um áramótin og
sérstaka athygli vakti að um 43
prósent þeirra voru til uppfærslu á
eldra kerfi en hefðin hefur verið sú
að fyrirtækið selji flest stýrikerfi sín
með nýjum tölvum.
4 MILLJÓNIR Á
RÚLLETTUNNI
Kannski er það öll sú fjölmiðlaathygli
sem Spjallrúllettan (chatroulette.
com) hefur hlotið undanfarnar vikur
eða bara einfaldlega möguleikinn að
geta rætt um hvað sem er við
algjörlega ókunnugt fólk! Vefsíðan
fékk 944 þúsund heimsóknir í janúar
síðastliðnum sem jókst síðan í tæpar
fjórar milljónir heimsókna í
marsmánuði. Tölulegar upplýsingar
sýna að karlmenn eru í miklum
meirihluta þeirra sem heimsækja
síðuna eða 89 prósent.
UMSJÓN: PÁLL SVANSSON, palli@dv.is
Fistölvur eða netbækur (netbooks),
eins og þær eru gjarnan kallaðar í
enskumælandi löndum, hafa orðið
æ vinsælli síðustu ár. Eins og nafn-
ið gefur til kynna eru þetta tölvur
sem eru smærri í sniðum en hefð-
bundnar fartölvur og helst ætlað-
ar til að vafra á netinu en þykja ekki
henta í vinnslu sem krefst aflmikils
örgjörva. Með tilkomu nýrra gerða
tölva eins og iPad frá Apple er orðið
erfitt að greina á milli hvað er hag-
stæðast í tölvukaupum ef leitað er að
ódýrri tölvu sem hægt er að vafra á,
spjalla, lesa, sinna ritvinnslu, pósti
og öðru slíku.
Nógu mikið afl?
Fistölvur eru að jafnaði búnar mun
aflminni örgjörva en hefðbundn-
ar fartölvur, Intel Atom-örgjörvarn-
ir eru hvað algengastir en þeir hafa
einnig verið notaðir í snjallsíma.
Atom-örgjörvar hafa þróast hratt
og eru nú orðnir færir um að sinna
stærri og meira krefjandi verkum,
jafnvel myndvinnslu. DV skoðaði
nýja fistölvu frá MSI sem kallast
Wind U160 en miðað við verð er hún
mun hagstæðari kostur en iPad.
Wind U160
U160 er búin 10,1 tommu baklýst-
um LED-skjá, 1 GB minni, vegur
1100 grömm og skartar 1.66GHz
Intel N450 Atom-örgjörva sem er
nógu öflugur til að vinna jafnvel
með myndvinnsluforrit. Orkunýt-
ing örgjörvans er líka til fyrirmynd-
ar sem kemur fram í endingu raf-
hlöðunnar. MSI heldur því fram að
rafhlöðuending tölvunnar sé allt
að 15 klukkutímar en miðað við
raunnotkun má búast við að það sé
nær 7–8 klukkutímum sem reyndar
er stórgott.
Kreppuverð
Í prófunum hefur U160 komið
ótrúlega vel út í keyrslu á Wind-
ows 7 en mælt er með því að auka
minnið ef viðkomandi er í stöðugri
fjölvinnslu, það er að segja hef-
ur að jafnaði nokkuð mörg forrit
opin á sama tíma. 1 GB virðist þó
nóg til að vera með 6–7 forrit opin
án þess að það hægi að einhverju
marki á tölvunni. Tölvan er tilvalin
til að horfa á kvikmyndir í, vafra á
netinu eða lesa rafbækur. Hægt er
að fá U160 fyrir 380 Bandaríkjadali
ef vel er leitað í vefverslunum vest-
anhafs en það verður að teljast al-
gjört kreppuverð.
palli@dv.is
72 MIÐVIKUDAGUR 31. mars 2010 HELGARBLAÐ
iPad-æðið er nánast í hámarki vestanhafs en vert er að líta á aðra valkosti fyrir þá sem vilja
ódýra tölvu sem getur sinnt öllum helstu verkum auk þess að vera meðfærileg og ódýr.
ER FISTÖLVAN
BETRI KOSTUR?
Fistölva eða
iPad? Það getur
reynst erfitt að
ákveða sig þegar
markaðurinn er
yfirfullur af alls
konar tölvum