Dagblaðið Vísir - DV - 31.03.2010, Side 76

„Á tímabili reyndi ég að klæða mig eins og fólk er
flest, var eiginlega orðin algjör skinka en það var
engan veginn að ganga. í hvert skipti sem ég sá
stelpu með skærlitað hár langaði mig líka,“ seg-
ir Hildur Hermannsdóttir, 28 ára nemi sem mun
útskrifast í vor úr grafískri hönnun við Listahá-
skóla Íslands en Hildur hræðist ekki að fara óhefð-
bundnar leiðir í fatavali og útliti.
Í dag er Hildur með blátt hár en hár hennar
hefur skartað öllum regnbogans litum. „Ég hef líka
verið snoðuð, með hanakamb og eiginlega allan
skalann. Ég lita mig og klippi sjálf og ákveð aldrei
fyrir fram hvaða litur verður næstur fyrir valinu. Ég
fæ mjög fljótt leið og þegar mér dettur eitthvað í
hug verð ég að framkvæma það strax.“
Skoðar aldrei tískublöð
Hildur á erfitt með að útskýra eigin stíl en seg-
ist afar litaglöð. „Ég breyti stundum daglega um
stíl,“ segir hún hlæjandi en bætir við að hún hafi
alltaf verið pönkuð. „Ég elska að vera til dæmis í
öllu bláu eða öllu appelsínugulu og líka að blanda
saman mynstrum. Ég hugsa oft út frá teikni-
myndasögum, ofurhetjum og ævintýrum og upp
á síðkastið hef ég verið með skrímsli á heilanum.
Annars er ég ekkert að spá í hvað er í tísku og ég
skoða aldrei tískublöð,“ segir hún og bætir við að
hún kaupi sín föt frekar í Rauða krossinum, Hjálp-
ræðishernum, Kolaportinu, Spúútnik, Nostalgíu
eða Hókus Pókus. „Í rauninni finnst mér ekki mjög
gaman að kaupa mér föt og geri mér afar sjaldan
ferð til þess. Ég slysast kannski til að finna eitthvað
hjá Rauða krossinum og þá verður sú flík upphafið
á ákveðnu tímabili hjá mér. En annars vel ég oftast
föt út frá hárinu.“
Pönkuð amma
Að hennar sögn fær hún góð viðbrögð frá fólkinu í
kringum sig. Amma hennar hafi þó eitt sinn spurt
hana hvort hún ætlaði ekki að hætta þessari vit-
leysu. „Ég vona að ég hætti þessu aldrei og að ég
verði pönkuð amma. Ég fíla eldri konur sem þora
að vera öðruvísi. Það er alveg hægt að vera virðu-
leg án þess að verða týpísk. Ég kem frá Njarðvík og
þar skilja mig fáir en í 101 fell ég inn í hópinn. Hér
eru alls konar týpur og enginn pælir neitt í hvernig
þú ert. Ég vek samt örugglega athygli þegar ég er
komin í Ikea eða út á land. Annars er ég ekkert að
pæla í því. Mér finnst bara svo leiðinlegt að blása á
mér hárið en ef það er blátt eða bleikt verður það
helmingi skemmtilegra.“
Ekki hrædd við að eldast
Hildur fékk sér fyrsta tattúið þegar hún var 17
ára en hún er með fjölda húðflúra og meðal
annars hálfa ermi á öðrum handleggnum. Að-
spurð óttast hún ekki að myndirnar verði ljót-
ar með tímanum. „Ég óttast ekki að eldast og er
of kærulaus til að pæla í slíku. Ég á aldrei eft-
ir að sjá eftir þessu og ætla líklega að fá mér
aðra ermi hinum megin. Ég reyndi að breytast
og þóknast öðrum en það gekk ekki og í dag
líður mér svo miklu betur,“ segir hún og bætir
aðspurð við að íslensk tíska sé í góðum farvegi.
„Það eru margir íslenskir fatahönnuðir að gera
góða hluti. Ég elska þegar fólk er óhrætt og sjálf
fæ ég hálfgerða sjónræna fullnægingu þegar ég
sé brjálaða liti,“ segir hún að lokum en hægt er
að skoða heimasíðu Hildar á hildurhermanns.
com.
ÓGIFTIR HÆTTA FREKAR SAMAN Pör í sambúð eru tvisv-
ar sinnum líklegri til að hætta saman en gift hjón samkvæmt
breskri rannsókn. Í ljós kom að fjögur af hverjum fimm giftum
hjónum voru enn saman eftir tíu ár en á sama tíma höfðu tvö af
hverjum fjórum pörum í sambúð hætt saman. Í gögnunum kom
í ljós að hjónaband er öruggara en sambúð jafnvel þegar áhrifa-
miklar breytur, líkt og aldur, barneignir, heilsufar, menntun, sam-
félagsstaða og atvinnuleysi, eru teknar inn í reikninginn.
Samkvæmt nýrri bandarískri rann-
sókn er ekki nóg að æfa í hálf-
tíma á dag ef þú ætlar þér að vera í
formi líkt og lengi hefur verið hald-
ið fram. Í rannsókninni, sem var
framkvæmd af sérfræðingum frá
Harvard-háskólanum sem fylgdust
með 34 þúsund konum, kom í ljós
að þær konur sem héldu sér í góðu
formi æfðu allavega í klukkutíma á
dag. Einnig kom í ljós að virkilega
feitar konur verða að passa vel upp
á mataræðið meðfram þjálfuninni
ef þær ætla að ná árangri.
Konurnar svöruðu ítarlegum
spurningalista þar sem farið var
yfir mataræði og líkamlega hreyf-
ingu og voru flokkaðar í þrjá hópa,
þær sem hreyfðu sig minna en tvo
og hálfan tíma á viku, þær sem
hreyfðu sig í tvo og hálfan til sjö
tíma á viku og þær sem hreyfðu sig
í meira en sjö tíma á viku. Meðal-
aldur kvennanna var 54 ár og með-
al þyngdaraukning á 13 ára tíma-
bili var 2,6 kg. Þær sem hreyfðu
sig mest þyngdust miklu minna en
hinar en enginn sjáanlegur mun-
ur var á hinum tveimur hópun-
um. Eini hópurinn sem þyngdist
ekki á tímabilinu voru þær konur
sem voru í réttri líkamsþyngd þeg-
ar rannsóknin byrjaði og æfðu í
klukkutíma á dag eða meira.
Prófessorinn Paul Gateley seg-
ir niðurstöðurnar benda til þess að
einstaklingar sem séu of feitir verði
að leggja mjög mikið á sig ef þeir
ætli að léttast. „Á meðan hálftíma
æfing er góð fyrir heilsuna verður
fólk að æfa mun meira ef það ætlar
sér að léttast.“
Ef þú vilt léttast þarftu að púla í klukkutíma á dag:
HÁLFTÍMI EKKI NÓG
UMSJÓN: INDÍANA ÁSA HREINSDÓTTIR, indiana@dv.is
ÁTTU VIÐ
ÁFENGISVANDAMÁL
AÐ STRÍÐA?
Leitaðu þér hjálpar ef:
n Þú getur aldrei haldið þig við
„aðeins einn“ drykk.
n Þú skammast þín fyrir drykkjuna.
n Þú finnur þig knúna til að ljúga og
fela drykkjuna fyrir öðrum.
n Vinir og ættingjar hafa áhyggjur af
drykkju þinni.
n Þú ferð í „black out“ eða gleymir
heilu köflunum úr kvöldinu.
n Þú drekkur vanalega meira en þú
ætlaðir þér.
Grafíski hönnunarneminn Hildur Hermannsdóttir fer ekki hefðbundnar leiðir þegar
kemur að fatavali. Hildur reyndi einu sinni að klæða sig eðlilega en gafst upp á endan-
um. Hildur, sem hefur litað hárið á sér í öllum regnbogans litum, fær nánast sjónræna
fullnægingu þegar hún sér brjálaða liti.
76 MIÐVIKUDAGUR 31. mars 2010 LÍFSSTÍLL
SKEMMTILEGRA AÐ
BLÁSA BLEIKT HÁR
5 PIRRANDIATRIÐI Í
FARI KARLMANNA
1 Ófrumleg rómantík Flestar konur búast við blómum á konudaginn og gjöf á
afmælisdaginn. Hvernig væri að gera
eitthvað öðruvísi og sérstakt sem
hún mun aldrei gleyma. Þetta þarf
ekki að vera eitthvað dýrt. Þú munt
fá það margfalt til baka!
2 Rakka niður sjónvarps-þættina Og hvað með það þótt við viljum horfa á Bachel-
or í hverri viku? Ef þið getið ekki
setið hjá okkur og horft í þennan
klukkutíma getiði örugglega eytt
tímanum einhvern veginn öðruvísi.
3Panta fyrir okkur Konan þín gæti þráð að heyra ákveðin þrjú orð frá þér en þau eru
sannarlega ekki „Og hún fær...“
þegar þið eruð úti að borða. Við
getum hugsað fyrir okkur sjálfar.
4Bera sig illa Við höfum öll fengið hausverk, hita og magapínu. Konan þín er ekki
mamma þín. Hættu að væla!
5Skortur á frumkvæði Þú þarft ekkert að vera með þétta dagskrá allar helgar og öll
kvöld en fátt er meira „turn off“ en
karlmaður sem muldrar: „Uuu, mér
er alveg sama hvað við gerum. Bara
það sem þú vilt.“
Í ræktinni Samkvæmt sérfræðingum Harvard þurfa feitir að passa upp á mataræðið
meðfram löngum æfingum ef þeir vilja ná árangri.
Bleikfjólublár kjóll fundinn í Hjálpræðishernum,
netasokkabuxur úr Hókus Pókus og skór keyptir í Rauða
krossinum, en þeir voru konudagsgjöf frá kærasta
mínum og eru í einstöku uppáhaldi. MYNDIR BRAGI
Svartur og hvítur röndóttur kjóll úr Kolaportinu, ég
elska allt sem er röndótt og köflótt. Hlébarðamynstrað-
ar sokkabuxur úr Gyllta kettinum, en hlébarðamynstur
finnst mér mjög fallegt. Loðnu legghlífarnar hef ég
átt síðan ég var 16 ára, 90‘s tímabilið var magnað með
Birgittu Haukdal og öllu ruglinu. Gaddaarmbandið
lét ég búa til handa mér í Hókus Pókus, en það hafa
eflaust margir verið í stórhættu þegar ég var með
það á Peaches-tónleikunum um daginn og var þar í
trylltum dansi. Kisan kemur úr Dýrahjálp.