Valsblaðið - 01.05.2011, Qupperneq 17

2 Valsblaðið2011
Tvenn jólin Hugvekja á aðventu 2011
Tími ljóss og skugga
Jólin snúast um ljósið sem færir heiminum birtu og yl í svartasta
skammdeginu. Við sjáum í guðspjöllunum hvernig Betlehems-
stjarnan lýsti upp nóttina og vísaði vitringunum veginn til Jesú-
barnsins í jötunni.
Í sænsku verðlaunakvikmyndinni Verka manna bústaðirnir –
Svinalängorna, eftir Pernillu August, erum við minnt á hvernig
ljósið og skuggarnir geta fylgst að. Myndin hefst á aðventu, á
Lúsíudeginum, þegar dæturnar tvær koma ljósum prýddar í
svefnherbergi foreldranna sem þykjast vera sofandi. Lúsíuhátíð-
in minnir á að aðventan og jólin eru tími ljóssins.
Ljósið skín líka á það ljóta í heiminum og varpar skugga. Við
erum minnt á það í Svinalängorna. Aðalsöguhetjan Leena rifjar
upp bernskujólin sín. Það er ekki falleg mynd. Ekkert jólabað
og engir jólapakkar því pabbi eyddi öllum peningunum í vín.
Jólatréð sem féll hálfskreytt um koll þegar foreldrarnir slógust í
stað þess að skreyta það. Villt partý, drykkja og hávaði. Yfir-
gangur og ofbeldi. Pabbi sem öskrar á mömmu og slær hana
svo. Á meðan fela börnin sig. Þannig eru bernskujólin hennar
Leenu og þeim vill hún helst gleyma.
Tími sannleika og nærveru
Ástin í raun – Love Actually er ein vinsælasta jólamynd síðari
ára. Sambönd fólks eru viðfangsefni myndarinnar og bakgrunn-
ur hennar eru jólin. Eftir því sem sögunum vindur fram kemur
grunnafstaða persónanna til jólanna í ljós – og það er augljóst að
jólin sjálf hafa áhrif á gang mála.
Jólin í Love Actually snúast um tvennt: að segja það sem
manni býr í brjósti – segja sannleikann – og að vera hjá þeim
sem maður elskar. Þetta tvennt knýr myndina áfram, vegna þess
að það eru jól. Þegar við förum að segja það sem okkur í brjósti
býr, horfumst í augu við tilfinningar, brotna erfið og gömul sam-
skiptamynstur upp og nýir hlutir fá rými í lífinu. Að viðurkenna
hvernig manni líður og segja frá því getur valdið manni sjálfum
og öðrum erfiðleikum, eins og sumar persónurnar reyna. En jól-
in eru tími sannleikans og það er þess virði að mæta hindrunum
til að uppfylla köllun jólastundarinnar.
Tími öryggis og hlýju
Í jólaguðspjallinu mætum við þrá okkar fyrir öryggi, skjól og
hlýju. Í fjárhúsinu sem Jesúbarnið kom í heiminn brýst ljósið
fram úr myrkviðum næturinnar. Jatan er tákn um næringu og
umhyggju sem við þurfum til að lifa af og síðast en ekki síst er
nýfædda barnið tákn um líf og upphaf, hreinleika og ást.
Þessar frummyndir af ljósinu og jötunni hitta okkur í hjarta-
stað og taka form í minningum okkar og reynslu. Það hvernig
við höldum jólin tjáir þetta að einhverju leyti. Þörfin fyrir ör-
yggi og næringu kemur fram í áherslunni á þægindi og góðgerð-
ir sem einkennir hátíðahaldið. Köllunin til að sýna kærleika og
veita umhyggju sýnir sig í því að við viljum gefa gjafir og gera
öðrum gott.
Verum ljósfólk
Kristin trú er trú lífsins alls, trú heildarinnar. Hún nær bæði til
dimmunnar í lífinu og til birtunnar. Áskorunin okkar er að
dvelja aldrei í myrkrinu eða við það, heldur stíga þaðan yfir í
ljósið. Kveikja ljós þar sem myrkur er. Á þann minna jólin okk-
ur. Þau minna okkur á að horfast í augu við myrkrið og kveikja
ljós. Þau minna á ljósþörfina í okkar lífi og annarra. Þau kalla
okkur til að vera ljósfólk, sem kveikir ljós í eigin lífi og annarra.
Guð gefi þér gleðileg jól
Höfundar eru prestar. Árni Svanur er vefprestur og
verkefnisstjóri á Biskupsstofu og Kristín Þórunn
er héraðsprestur í Kjalarnessprófastsdæmi.
Árni Svanur
Daníelsson
og Kristín
Þórunn
Tómasdóttir
Valsmenn – bestu óskir um gleðileg jól og farsælt nýtt ár
HENSON
Valsblaðið2011 15
Starfiðermargt
Gott starfsfólk hjá Val
Að lokum vil ég þakka starfsfólki Knatt-
spyrnufélagsins Vals undir stjórn fram-
kvæmdastjóra fyrir vel unnin störf og
gott samstarf á árinu. Sérstakar þakkir fá
allir þeir fjölmörgu Valsmenn sem lagt
hafa félaginu lið á 100 ára afmæli þess
sem og allur sá fjöldi Valsmanna sem
heimsótti Hlíðarenda og tók þátt í fjöl-
breyttu starfi og þeim uppákomum sem
verið hafa á allt árið. Ég vil fyrir hönd
stjórnar Vals óska öllum iðkendum,
félagsmönnum, starfsmönnum félagsins
og fjölskyldum þeirra gleðilegra jóla og
farsæls komandi árs með von um gott og
farsælt samstarf á nýju ári.
Valskveðja,
Hörður Gunnarsson formaður.
stækkandi hóps eldri borgara sem kallar
eftir aukinni hreyfingu, félagslegu sam-
neyti og vill gjarnan nýta krafta sína og
reynslu með því að leggja félagsstarfinu
lið.
Blómlegt félagsstarf
Félagsstarf innan Vals er með miklum
blóma þó að mikil orka hafi farið í að
gera afmælisárið sem glæsilegast úr
garði. Haldið var árlegt golfmót og eins
og svo margt annað á afmælisárinu var
það hið fjölmennasta og glæsilegasta sem
haldið hefur verið hingað til. Brids- og
skákmót voru einnig haldin og með veg-
legri hætti en oft áður og voru fjölsótt.
Valskórinn hélt úti þróttmiklu starfi á
árinu, hélt glæsilega afmælistónleika
ásamt því að koma fram við ýmis tæki-
færi tengd afmælisárinu auk annarra upp-
ákoma. Fjölmennasta herrakvöld í sögu
félagsins var haldið á haustmánuðum og
tókst með miklum ágætum. Vil ég þakka
skipuleggjendum þessara viðburða fyrir
þeirra aðstoð. Fulltrúaráðið stafar nú af
miklum þrótti og heldur reglulega fundi
ásamt því að koma að stuðningi við ýmis
verkefni innan félagsins.
Hverfadagur að Hlíðarenda og aukin
tengsl við nágrennið
Í ár var Hverfadagurinn haldinn hér að
Hlíðarenda og ég vona að sá dagur hafi
aðeins verið upphafið að enn öflugra
samstarfi íbúa og félagasamtaka á félags-
svæði Vals. Knattspyrnufélagið Valur á
ætíð að vera opið fyrir nýrri nálgun og
nýjum leiðum þegar kemur að starfi með
fólki á öllum aldri. Við eigum að vera
óhrædd við að víkka sjóndeildarhringinn
og tilbúin til samstarfs við fagfólk á sviði
lýðheilsu og þjálfunarfræða. Fjölmargar
kannanir hafa sýnt að það á að vera
keppikefli að bjóða börnum og ungling-
um upp á fjölbreytilegt starf sem heldur
þeim virkum í leik og starfi. En með
virkni er átt við allt skipulagt starf eða
þátttöku í íþrótta- og æskulýðsstarfi sem
börn og unglingar stunda með námi.
Margar kannanir sýna að börn og ungt
fólk sem eru virkir þátttakendur í leik og
starfi hafa jákvæðari sjálfsmynd en jafn-
aldrar þeirra sem ekki taka þátt. Þá má
segja að ávinningurinn sé endalaus; já-
kvæðari andleg og líkamleg líðan, auk
heilbrigðari lífsvenja sem tengjast svefni,
hreyfingu og mataræði. Þessir krakkar
standast betur álag, þeir tileinka sér oftar
gott skipulag, aukna félagsfærni og
mynda jákvæðari félagstengsl. Meðal
barna og unglinga sem eru virk í skipu-
lögðu íþrótta- og tómstundastarfi er
minni hætta á sjálfskaðandi hegðun, ein-
angrun og neikvæðum félagsskap. Af
þessum upplýsingum má ráða að Valur á
að leggja hér eftir sem hingað til mikla
áherslu á að sinna vel skyldum sínum
þegar kemur að börnum og unglingum
og er það mitt mat að okkur hafi miðað
vel fram á veginn undir stjórn Ragnhild-
ar Skúladóttur íþróttafulltrúa Vals. Þjálf-
arar og foreldrar verða að taka höndum
saman og halda vel utan um hópinn og
fylgja þeim vel eftir. Við verðum á öllum
tímum að vera vakandi fyrir áhugaverð-
um þróunarverkefnum, sjá starfið
blómstra og vera alltaf tilbúin til að sjá
nýjar leiðir og sóknarfæri. Í því sambandi
er rétt að horfa til breyttra áherslna í
þjálfun yngstu barnanna, horfa til fjöl-
greinaþjálfunar sem hefur sýnt sig að
eykur áhuga og fjölbreytta færni hjá
börnum sem skilar sér margfalt í ánægju,
vellíðan og árangri. Ekki má gleyma því
að afreks- og meistaraflokkar hafa einnig
mjög gott af fjölbreyttri þjálfun sem
reynir á ólíka þætti. Jafnframt langar mig
til þess að við á Hlíðarenda horfum til ört
Elísabet Gunnarsdóttir þjálfari var mætt á gamlársdag á
Hlíðaranda til að vera viðstödd val á íþróttamanni Vals 2010
ásamt Brynjólfi Lárentínusarsyni og fjölda annarra gesta. Elísabet
var meðal þeirra 44 sem á árinu var sæmd gullmerki Vals.
Guðmundur Sigurgeirsson er einn ótal
margra sjálfboðaliða sem standa vaktina
ár eftir ár á Hlíðarenda til að halda fjöl-
breyttu starfi gangandi og var í hópi 44
einstaklinga sem voru sæmdir gullmerki
Vals á afmælisárinu.
1B
B
la
ck
Y
el
lo
w
M
ag
en
ta
C
ya
n
11
12
27
6
V
al
ur