Glóðafeykir - 01.11.1977, Qupperneq 65

GLOÐAFEYKIR
63
lagi til stofnunar sjóðs (1963), er ber nafnið Fræðasjóður Skagfirðinga og
er ætlað að styrkja rannsóknir á skagfirzkri sögu og fróðleik hvers konar
svo og ættvísi.
Jón var að skapferli meiri sérhyggjumaður en samhyggju, félagshyggju.
Því urðu störf hans og áhrif til framdráttar skagfirzkum félagsmálum og
menningarmálum öðrum en þeim, er að fræðistörfum lutu og öðrum þeim
skyldum, ýmist minni eða mjög á annan veg en margur hefði kosið og
aðstaða hans mátti endast til.
Árið 1913 kvæntist Jón Sigrúnu Pálmadóttúr prests í Hofsós Þórodds-
sonar bónda í Garði suður, Magnússonar bónda á Eyvindarstöðum á
Alftanesi, Gestsonasr, og konu hans Onnu Jónsdóttur próf. Hallsonar í
Glaumbæ. Anna var ekki hjónabandsbarn. Móðir hennar var Valgerður,
síðar húsfr. á Vöglum í Blönduhlíð, Sveinsdóttir Guðmundssonar og Onnu
Magnúsdóttur frá Gilsbakka í Austurdal. Voru þau Jón og Sigrún hálf-
systkinabörn. Þau eignuðust þrjú börn, tvö dó í bernsku en upp komst
Sigurður, bóndi og hreppstj á Reynistað. Frú Sigrún Pálmadóttir er mikil
atorkukona, gædd höfðingslund og mikilli reisn.
Jón á Reynistað var meðalmaður á velli og liðlega vaxinn, holdskarpur,
andlitsfríður, svipurinn markaður festu og alvöru. Hann var greindur vel,
minnugur og mannfróður, sá lengra aftur en fram. Hann var skapsmuna-
maður og kappsfullur, en fór vel með. Greiðvikinn var hann og hjálpsamur
og frábærlega gestrisinn. Hann var með nokkrum hætti einstefnumaður
og eigi með öllu laus við þrályndi á stundum, var þó gott með honum að
vinna að öllum jafnaði, enda prúðmenni mesta og drengur góður.
Jón á Stað unni héraði sínu og óðali um annað fram. Og hann bar
gæfu til að marka spor í menningarsögu héraðsins með miklu og óeigin-
gjörnu starfi í þágu skagfirzkra fræða.
GUÐLEIF GUÐMUNDSDÓTTIR, húsfr. á Sauðárkr., lézt 8. ágúst
1972.
Hún var fædd að Egg í Hegranesi 22. júlí 1892, dóttir Guðmundar
lausamanns þar Eldjárnssonar bónda á Miklahóli í Viðvíkursveit, Eld-
iárnssonar bónda í Asgeirsbrekku, Hallsteinssonar, og unnusm hans Hólm-
fríðar Jónsdóttur frá Efra-Hóli í Óslandshlíð (húsmannsbýli við Undhól).
Guðleif missti föður sinn 6 ára gömul, fór barn að aldri til þeirra
Hellulandshjóna, Sigurðar hreppstj. Ólafssonar og Önnu Jónsdóttur og
var hjá þeim fram um fermingaraldur. Fór eftir það að vinna fyrir sér
og var langvistum á Ríp, fyrst hjá Markúsi bónda Arasyni og seinni
konu hans Ragnheiði Eggertsdóttur og síðan hjá fósmrsyni þeirra hjóna,