Skírnir - 01.09.1999, Blaðsíða 194

440
LÓA ALDÍSARDÓTTIR
SKÍRNIR
heldur en hina erlendu - jafnvel þótt flestir svarenda noti fremur
erlenda fréttavefi en t.d. tímarit eða gervihnattasjónvarp til að
leita sér viðbótarupplýsinga um erlendar fréttir. Þá les rúmlega
þriðjungur svarenda (34%) erlenda fréttavefi sjaldnar en einu
sinni í mánuði eða aldrei, miðað við 1% svarenda sem lesa ís-
lenska fréttavefi sjaldnar en einu sinni í mánuði.
Athyglisvert var að þessi hlutföll breyttust lítið meðal þeirra
sem búsettir eru utan Islands. Aðeins hærra hlutfall þeirra lesa er-
lenda fréttavefi reglulega (47% nánast daglega/tvisvar-þrisvar í
viku) en að öðru leyti virtist búsetuland ekki hafa mikil áhrif. Það
sem kom jafnvel enn frekar á óvart var að 38% þeirra lesa nánast
aldrei erlenda fréttavefi (aldrei/sjaldnar en einu sinni í mánuði).
Hvaba efni er lesið og hvab stýrir vali á vefjum?
Þegar kannað var hvaða efni fólk les einkum á fréttavefjum kom í
ljós að fleiri nota íslensku fréttavefina til að lesa alþjóðlegar fréttir
heldur en erlendu fréttavefina (1334 á móti 1024). Með öðrum
orðum nota flestir innlendu vefmiðlana til að fylgjast með bæði
íslenskum og erlendum fréttum, rétt eins og þeir hafa notað inn-
lend dagblöð, þrátt fyrir það hve auðvelt er að smella sig inn á er-
lenda fréttavefi. Innlendar fréttir voru mest lesna efnið bæði í ís-
lenskum dagblöðum og á íslenskum fréttavefjum en erlendar
fréttir voru í öðru sæti. Hins vegar lásu menn helst alþjóðlegar
fréttir á erlendu fréttavefjunum en næsthelst lásu menn innlendar
fréttir viðkomandi fréttavefjar. Það gæti bent til þess að fólk sé
ekki að nota Vefinn sem tæki til að leita uppi framandi sjónar-
horn ólíkra menningarsvæða - fólk leitar uppi fréttasíður frá hin-
um „þekkta" heimi til að fá ítarlegri upplýsingar um „alþjóðleg-
ar“ fréttir.26
Sú ályktun að fólk æddi ekki inní villtan frumskóginn á Vefn-
um var staðfest þegar í ljós kom að ímynd og orðspor fjölmiðla
hefur langmest áhrif á hvaða veffjölmiðla fólk velur til lestrar.
26 Það getur tæpast talist undarlegt í ljósi þess að í flutningi á erlendum fréttum
hér á landi er ekki óalgengt að rýrð sé kastað á aðrar heimildir en þær sem
berast frá þekktum vestrænum fjölmiðlum.