Skírnir - 01.09.1999, Side 198

444
LÓA ALDÍSARDÓTTIR
SKÍRNIR
fréttavefir efni á eigin þjóðtungum og eru því ekki að reyna að ná
til síðarnefnda hópsins.
Ekki má misskilja röksemdir þessarar greinar svo að hnattræn
dreifing Vefsins hafi engu breytt. Pólitískar og efnahagslegar að-
stæður geta valdið því að heimamarkaður fréttavefja þarf ekki að
vera staðsettur innan sömu landamæra og sjálf fréttastofan.
Fréttavefurinn Lianhe Zaobao í Singapúr er ágætt dæmi um
þetta. Lesendum blaðsins sem heldur úti áðurnefndum vef hafði
verið að fækka, m.a. vegna þess að blaðið er gefið út á kínversku
en yfirvöld hafa lagt aukna áherslu á enska tungu í samfélaginu. I
febrúar 1998 var sala blaðsins helmingi minni en enska keppi-
nautarins, Straits Times.30 Bæði blöðin höfðu sett upp fréttavefi
og á þessum tíma hafði Zaobao þriðjungi færri heimsóknir en
fréttavefur Straits Times. Fáum mánuðum síðar þaut Lianhe Za-
obao framúr enskumælandi fréttavefjum í Singapúr og varð fljót-
lega einn af þremur vinsælustu kínversku fréttavefjum í heimi.
Píins vegar var aðeins 4,5% lesendahópsins staðsettur í Singapúr.
Hinir 95% lesendanna voru Kínverjar búsettir í Bandaríkjunum,
Kína og Evrópu. Attatíu prósent af innsendum tölvupósti kom
frá lesendum í Kína og raunar er Zaobao vinsælasti erlendi frétta-
vefurinn þar í landi. Skýringin er sú að Zaobao hefur hlotið náð
fyrir augum kínverskra yfirvalda og á miðju síðasta ári var hann
„eini erlendi fréttavefurinn sem kínverskar Internetþjónustur
máttu nefna á sínum vefsíðum“31 en fjölmargir erlendir fréttavefir
eru síaðir út úr kínverskum netþjónustum, m.a. vefir frá Taiwan
og Hong Kong. Því er engin furða að vinsælustu efnisflokkarnir á
Lianhe Zaobao eru frá Kína, Hong Kong og Taiwan. Zaobao
hefur þannig orðið eins konar fjallabaksleið Kínverja að fréttum
um Taiwan og Hong Kong, auk þess sem hann veitir þeim annan
sjónarhól á Kína. Singapúrskum fréttavef tókst þannig að verða
„staðbundinn" kínverskur vefur.
30 Allar upplýsingar um fréttavefina í Singapúr eru úr óprentuðum fyrirlestri
Yuan Zhou, „Chinese Press for a Global Audience: The Case of Singapore’s
Lianhe Zaobao", sem fluttur var á árinu 1998.
31 Samaheimild.