Morgunblaðið - Sunnudagur - 12.07.2015, Blaðsíða 17

-Viðhaldsfríir
gluggar
Hentar mjög vel
íslenskri veðráttu
Viðhaldsfríir sólskálar og svalalokanir
Yfir 40 litir í boði!
Smiðsbúð 10 • 210 Garðabær • Sími: 554 4300 • Fax: 564 1187
Við höfum framleitt viðhaldsfría
glugga og hurðir í 30 ár
Nánari upplýsingar á www.solskalar.is
12.7. 2015 MORGUNBLAÐIÐ SUNNUDAGUR 17
Kristín Fjóla Reynisdóttir æfir körfubolta með Stjörn-
unni. Hún er fædd og uppalin í Hafnarfirði, er að hefja
þriðja ár í læknisfræði við HÍ í haust og vinnur sem að-
stoðarmaður á bráðamóttöku Landspítalans í sumar.
Kristín æfði með Haukum til ársins 2012 og hefur átt
mikilli velgengni að fagna á ferli sínum, varð þrisvar
sinnum Íslandsmeistari með Haukum og þrisvar sinnum
bikarmeistari með þeim sömuleiðis, hefur þrisvar sinn-
um unnið Norðurlandamót yngri landsliða og tvisvar
sinnum Evrópumót yngri landsliða. Enn fremur var hún
valin mikilvægasti leikmaður Stjörnunnar árið 2013.
Þú ert að þjálfa körfuboltalið barna – hvernig hefur
þér fundist sú reynsla?
Ég hef verið að þjálfa körfubolta með hléum alveg frá
því ég var 16 ára. Mér finnst rosalega skemmtilegt og
gefandi að þjálfa krakka. Þau eru svo fljót að
læra og hafa svo gaman af þessu. Ég hef sjálf
lært mjög mikið á að þjálfa, bæði um körfu-
bolta og um samskipti við börn. Það er svo
ótrúlega gaman að sjá þau taka framförum,
þá veit maður að maður er að gera eitthvað
rétt.
Hvað varstu gömul þegar þú byrjaðir að
æfa körfubolta og hvernig kviknaði áhug-
inn?
Pabbi minn var að þjálfa körfubolta og
ég eyddi dágóðum tíma með hon-
um í íþróttahúsinu þegar ég var
lítil. Það var svo ekki fyrr en
ég var að 10 ára að ég byrj-
aði sjálf að æfa. Það var
reyndar enginn flokkur í
mínum árgangi þannig að
ég æfði með eldri stelpum
en síðan fóru fljótlega
margar af mínum vinkon-
um að æfa körfubolta og
þá gat ég loksins farið að
æfa með jafnöldrum.
Stundaðirðu íþróttir áð-
ur en körfuboltinn kom
til?
Já, ég æfði handbolta, fót-
bolta og fimleika þegar ég
var yngri. Ég þurfti síðan
að velja á milli fótboltans
og körfuboltans og valdi
körfuboltann, sem ég sé
alls ekki eftir í dag þótt ég
sakni stundum fótboltans.
Hversu oft æfirðu?
Á veturna eru fimm körfu-
boltaæfingar í viku og ein
styrktaræfing. Í sumar eru
þrjár körfuboltaæfingar í viku og
tvær styrktaræfingar, við erum að
leggja áherslu á styrk og þol núna
á undirbúningstímabilinu.
Áttu einhver áhugamál, fyrir ut-
an körfuboltann?
Ég hef mikinn áhuga á nánast öllum íþróttum og mikið
af mínum frítíma fer í að æfa, keppa og horfa á íþróttir.
Mér finnst líka rosa gaman að ferðast og ég reyni að
fara eins oft og ég get til útlanda eða upp í sum-
arbústað.
Leggurðu mikið upp úr heilbrigðu líferni?
Já, ég geri það eins og ég get. Ég finn það sjálf að það
gengur miklu betur inni á vellinum þegar maður er í
góðu líkamlegu og andlegu jafnvægi. Það skiptir miklu
máli að borða rétt, fá nægan svefn og svo skiptir líka
miklu máli að taka góða slökun inni á milli, sérstaklega
þegar álag er mikið.
Hverjar eru helstu fyrirmyndir þínar og hvers vegna?
Ég hef aldrei átt neina sérstaka fyrirmynd, ég reyni
bara að vera besta útgáfan af sjálfri mér. Ef ég þyrfti að
nefna eitthvert nafn væri fyrirmyndin mín í körfu-
bolta líklega Michael Jordan, hann er svo mikill
sigurvegari og með rétta hugarfarið í þetta.
Hvaða áfanga fagnaðir þú síðast í íþrótt-
unum?
Ég komst upp í úrvalsdeild með Stjörnunni í
fyrsta skipti í sögu kvennakörfuboltans. Það
var einstaklega ljúft því að það var búið að
vera markmiðið alveg frá því ég kom í
Stjörnuna og nokkur ár þar á undan.
Hvaða ráðleggingar hefurðu handa þeim
sem eru að byrja að æfa körfu-
bolta?
Þolinmæði. Körfubolti getur
virkað flókin íþrótt í byrjun,
mikið af reglum og mikil tækni,
en þetta er fljótt að koma ef þú
sýnir því áhuga. Ég hvet alla
sem hafa einhvern áhuga á
körfubolta til að prófa. Fyrir
þá sem eru að æfa mæli ég
með því að taka aukaæfingar.
Það þarf ekki að vera mikið,
mæta 10 mínútum fyrr og
taka skotæfingar eða taka
styrktaræfingu á frídegi.
Það eru litlu hlutirnir sem
skipta máli og gera það að
verkum að fólk nær ár-
angri.
Hvað er á döfinni hjá þér
næstu vikur í íþrótt-
unum?
Við tökum okkur smá
sumarfrí frá körfuboltaæf-
ingunum núna í júlí en
höldum áfram í styrkt-
aræfingum. Síðan byrja æf-
ingar aftur á fullu strax eftir
verslunarmannahelgi og þá
hefst undirbúningur fyrir kom-
andi tímabil. Ég er mjög spennt
fyrir vetrinum og það verður
gaman að sjá hvernig Stjörnunni
mun ganga í Úrvalsdeild.
KEMPA VIKUNNAR KRISTÍN FJÓLA REYNISDÓTTIR
Litlu hlutirnir skipta máli
Morgunblaðið/Árni Sæberg
Svefn og slökun
skipta máli fyrir
körfuboltakonuna
Kristínu Fjólu.
Kirsuber eru hvað ferskust og næringarríkust um þessar
mundir en uppskerutími þeirra er oftast í júní og júlí. Kirsuber
innihalda lítið salt, kólesteról eða fitu, en hins vegar mikið af
C-vítamíni og trefjum. Þau eru því hollt og gott sumarsnakk.
Holl kirsuber* Við val á milli smjörs ogsmjörlíkis, þá treysti égkúm betur en efnafræðingum.
Joan Gussows
Ótrúlegustu hlutir eru slæmir fyrir
heilsuna og listinn yfir það sem
vissara er að forðast lengist sífellt.
Bresk rannsókn sem birt var í The
European Heart Journal í lok júní á
þessu ári bætti enn við listann en
vísindamennirnir komust að þeirri
niðurstöðu að hávaði hefði slæm
áhrif á hjartað. Notaðar voru upp-
lýsingar annars vegar um hávaða í
umferð og hins vegar um sjúkra-
húsinnlagnir vegna hjarta- og æða-
kerfasjúkdóma í London frá 2003
til 2010. Meðalhávaði var undir 55
dB en ef hávaði fór yfir 60 dB, jókst
hætta á hjartaáfalli um 5% meðal
fólks milli 25 og 74 ára en um 9%
hjá þeim sem komnir voru yfir 74
ára aldur. Þess má geta að 60 dB
eru ekki mikill hávaði. Oft er t.d.
talað um að venjulegt tal milli
manna sé í kringum 60 dB. Hávær
umferð mælist um 80 dB en mal í
ísskápum er u.þ.b. 50 dB. Að auki
reyndist dánartíðni fólks sem býr í
hávaðasömum hverfum 4% hærri
en hjá öðrum, óháð dánarorsök.
Leiðrétt var fyrir aldri, kyni,
félagslegri stöðu, loftmengun og
reykingum í rannsókninni.
Hávaði og hjartaheilsa
Í nýrri breskri rannsókn fundust tengsl á milli umferðarhávaða og hjartaáfalla.
Morgunblaðið/Styrmir Kári
Margir kvarta undan því að eiga erfitt með svefn þegar
nætur eru bjartar. Ýmislegt er til ráða og augljósasta
ráðið oft það áhrifamesta, þ.e. að fjárfesta í góðum gard-
ínum sem hleypa engri birtu inn. Það dugar þó ekki alltaf
til og þá er rétt að skoða venjur sínar yfir daginn og fyrir
háttinn.
Kaffidrykkja seinni part dags getur haft skaðleg áhrif á
svefn sumra einstaklinga. Sumum dugar að hnika svefni
sínum til, þ.e. að sofna og vakna aðeins fyrr en vanalega.
Hvers kyns snjalltækjanotkun og skjágláp rétt fyrir svefn,
að ekki sé talað um uppi í rúmi, gerir mörgum erfitt fyrir
að sofna enda bláa skjábirtan ónáttúruleg að kvöldi til.
Þung máltíð seint að kvöldi getur gert svefninn erf-
iðari en ella og reykingar sömuleiðis. Að síðustu má ekki
vanmeta lestur góðrar bókar fyrir háttinn – slíkt er ein-
staklega róandi.
Margir eiga erfitt með að sofna á kvöldin, sérstaklega á
sumrin. Mikilvægt er að hafa í huga að svefntruflanir geta
komið til vegna kvilla á borð við kæfisvefn og því rétt að úti-
loka slíkt með læknisheimsókn ef vandamálið er viðvarandi.
Morgunblaðið/Ásdís
Sofið um bjartar nætur