Jökull - 01.12.1970, Blaðsíða 12
Mynd 7. Næturvaktin undirbýr síðari hluta
gryfjugraftarins.
Fig. 7. Making a basket for nse in digging a
deep pit.
Mynd 8. Snjóbíllinn við gryfjubrún gaf trausta
festingu fyrir gálga við djúpu gryfjuna.
Fig. 8. Hauling up ice in the basket from the
deep pit.
ust sýnin mjög mikilvæg fyrir tvívetnisrann-
sóknirnar (Árnason 1970).
Hér mun ekki gerð grein fyrir niðurstöðum
tvívetnis- og þrívetnismælinga á sýnum, sem
tekin voru í þessum leiðangri. Þess skal þó get-
ið, að þær hafa heldur styrkt þá trú okkar, að
jökullinn varðveiti á Bárðarbungu tvívetnis-
styrk úrkomunnar. Þó hefur ekki enn fengizt
fullur skilningur á samsætuskiptum í jöklinum.
Leiðangursmenn nutu hins bezta veðurs allan
þann tíma, sem þeir voru á jökli, og átti það
drjúgan þátt í hinum góða árangri ferðarinn-
ar. Hinn 5. júní var komið í Jökulheima, en
daginn eftir var ekið í bæinn.
Mynd 9. Séð ofan í gryfjuna á Bárðarbungu
í júní 1969. Dýpt hennar var 10 metrar.
Fig. 9. Looking down into the deep pit at
Vatnajökull in June 1969.
Þegar unnið hafði verið að fullu úr niður-
stöðum þessara mælinga, var talið æskilegt að
kanna hitastig jökulsins og þykkt hans. Var
þetta meginverkefni tveggja leiðangra, sem
farnir voru á Bárðarbungu ári síðar.
LEIÐANGUR Á BÁRÐARBUNGU
í MAÍ 1970
Lagt var af stað frá Reykjavík laugardaginn
16. maí. Auk hópsins, sem fór á Bárðarbungu,
var þarna leiðangur Jöklarannsóknafélagsins í
Grímsvötn og ennfremur hópur tir hjálparsveit
skáta, sem ætlaði i þjálfunarleiðangur á Vatna-
jökul í snjóbíl sveitarinnar. Þegar komið var
norður undir Þóristind, tók færðin að þyngjast,
og við Þröskuld varð að skilja bílana eftir.
Þaðan var lagt af stað í Jökli I og snjóbíl hjálp-
arsveitarinnar. Ymsir erfiðleikar urðu á vegin-
um, sem ekki munu raktir hér, og var ekki
haldið á jökul fyrr en síðdegis á mánudag.
Þegar komið var 10 km inn á jökul, skildust
leiðir og Bárðarbungufarar héldu norður á við.
í þessum hópi voru Páll Theodórsson, sem var
leiðangursstjóri, Olafur Pálsson, Eiríkur Gunn-
arsson, Þórður Sigurðsson og Guðlaug Erlends-
dóttir. Mánudaginn var bjart veður, en undir
kvöldið gekk þoka yfir jökulinn og veður tók
að spillast.
Þegar komið var upp undir 1800 metra hæð
um 10 km SA af hábungunni var slegið upp
tjöldum, en klukkan var þá orðin sjö að þriðju-
1 0 JÖKULL 20. ÁR