Jökull - 01.12.1970, Síða 92

Veizla í Jónsskála. J. F.
Nye er lengst til vinstri
á myndinni.
Ljósm. P. Bellair.
unum, þótt rigning væri mestalla leiðina austur.
Um kvöldið lauk fyrirlestrahöldum. Dvölin í
Skógum var öll hin ánægjulegasta, enda gerði
hótelstýran, Berta Konráðsdóttir, allt til þess
að gestum liði sem bezt.
Meðal þeirra erinda, sem þátttakendur fluttu
í Skógum, má nefna ítarlegt erindi W. Dans-
gaards um rannsóknir hans og Sigfúsar John-
sen á borkjarna úr Grænlandsjökli, erindi R. J.
Price um rannsóknir hans og félaga hans á
Breiðamerkursandi. Minnisstæðast mun þó flest-
um þátttakendum verða erindi J. F. Nye’s um
nokkur undirstöðuatriði til skilnings á eðli
jökla, enda mun hann hafa lagt meira af mörk-
um til skilnings á hreyfingum jökla en nokkur
annar jöklafræðingur. Þeir þremenningarnir
Bragi Árnason, Páll Theodórsson og Þorvaldur
Búason töluðu um rannsóknir sínar á súrefnis-
samsætum (ísótópum) í ískjörnum úr Langjökli
og Vatnajökli. Guttormur Sigbjarnarson talaði
um rýrnun íslenzkra jökla, Guðmundur Guð-
mundsson um samband rennslis jökulvatna og
ýmissa þátta veðurfarsins, en Sigurður Þórarins-
son talaði um Kötluhlaup og Grímsvatnahlaup.
Sýndar voru kvikmyndirnar Surtur fer sunnan
og Sveitin milli sanda. A. m. k. sum þeirra er-
inda, sem Islendingarnir fluttu, verða birt í
tímaritinu Journal of Glaciology.
Hinrt 24. júní var haldið inn í Jökulheima
í blíðskaparveðri. Þar innfrá var fyrir álitlegur
hópur jöklafólks, sem hafði á vegum Jökla-
rannsóknafélagsins og undir forustu Stefaníu
Pétursdóttur, Stefáns Bjarnasonar og Þórðar
Sigurðssonar undirbúið veizlu góða í Jónsskála.
Stóð sú veizla langt fram á nótt. Morguninn
eftir var gengið á jaðar Tungnárjökuls, en
haldið heim á leið eftir hádegið. Komið var
við hjá Oldugígum, og enda þótt jöklar væru
viðfangsefni þessarar ráðstefnu, þótti sumum
erlendum þátttakendum það vera hápunktur
ferðarinnar, er þeir voru leiddir inn í bombu-
regnið úr stærsta Oldugígnum. Munaði ekki
miklu, að bomba lenti á klárasta kollinum
þarna, þ. e. kollinum á J. F. Nye. Kvöldverður
var snæddur að Búrfellsvirkjun, í boði stjórnar
Landsvirkjunar, og komið í bæinn upp úr mið-
nætti.
Þar með lauk þessari ráðstefnu, sem í heild
þótti hafa tekizt vel og vera Jöklarannsókna-
félaginu til sóma. Þetta mun vera fyrsta alþjóð-
lega ráðtefnan, sem haldin er hérlendis utan
höfuðstaðarins. Gæti það orðið til eftirbreytni
og lengt nokkuð nýtnitíma einhverra hótela
utan Reykjavíkur, sem ekki mun af veita.
Sigurður Þóraxinsson.
90 JÖKUL-L 20. ÁR