Jökull - 01.12.1977, Page 29
verið úr Kverkfjöllum, því þau féllu á sama
tíma og hlaup urðu í Jökulsá á Fjöllum. Fimm
lög má tengja eldgosum liingað og þangað i
Vatnajökli, í vestanverðum jöklinum, í Þórðar-
hyrnu, o. s. frv. Þá eru í kjarnanum 2 Kötlulög,
frá 1918 og 1755, og e. t. v. hið þriðja, frá 1660
—61. Loks eru tvö eða þrjú lög úr Öskju (Dyngj-
fjöllum), en um sex laganna verður ekkert sagt
annað en það, að þau urðu til í óþekktum gos-
um.
Af sniðinu má ráða, að mikil sprungugosa-
virkni hafi orðið á svæðinu, e. t. v. á Dyngju-
hálsi, fyrri hluta 18. aldar, eða á undan og um
sama bil og Mývatnseldar. Má líta svo á, að þá
hafi orðið tímabil gliðnunar um allt norður-
gosbeltið, frá Vatnajökli og norður í Axarfjörð,
líkt og nú er að hefjast kringum Kröflu.
Lýst er ýmsum útreikningum, sem gera mátti
eftir að kjarninn ltafði verið aldursgreindur. Af
ljarlægðinni milli þekktra laga má áætla meðal-
afkomu tímabilsins, nl. hversu mikið bættist
ofan á jökulinn að meðaltali á ári hverju. Af-
koman hefur verið talsvert breytileg þessi 322 ár,
eða allt frá 3 m (af snjó) á ári tímabilið 1889—
1892, til 7 m á ári tímabilið 1883—1889. Meðal-
afkoman allan tímann er hins vegar tæpir 5 m
á ári. Og loks má áætla þykkt jökulsins með
Jtessum útreikningum, um 580 m. Þannig vant-
aði um 165 m á Jjað, að holan næði botni í
jöklinum.
JÖKULL27. ÁR 27