Jökull - 01.12.1988, Qupperneq 91

í fjórða lagi verður áfram haldið saman mæling-
um á jökulsporðum og þeim komið á framfæri í
Jökli. Islendingar byrjuðu snemma að mæla jökul-
sporða reglulega og eru til samfelldar mælingar á
mörgum jöklum í 60 ár. Auk þess má með ýmsum
gögnum lengja þessar raðir aftur í tímann og fá
þannig nothæft yfirlit jöklasögunnar jafnvel í ein-
hverjar aldir. Þessum gögnum er komið á framfæri
við World Glacier Monitoring Service í Sviss og
þeir sjá svo um að birta þau á 5 ára fresti ásamt upp-
lýsingum um aðra jökla heims.
í fimmta lagi verður reynt að komast fyrir um
skyldleika jökla á mismunandi stöðum á landinu,
þ.e. hvort hægt sé að nota mælingar á einum jökli til
að geta sér til um ástand annarra jökla. Koma þar til
áhrif breytilegra þátta svo sem loftslags og lands-
lags. Æskilegt er að afkoma verði mæld á nokkrum
jöklum á mismunandi stöðum á landinu. Má þar til
nefna Hofsjökul sem nú þegar er byrjað að mæla,
Þrándarjökul á Austurlandi, Tindfjallajökul á Suður-
landi, Þórisjökul á Vesturlandi, Drangajökul (í
Kaldalóni) á Vestfjörðum og Bægisárjökul á Norð-
urlandi. Þessir jöklar eru nefndir til dæmis en ekki
sem eini eða besti kosturinn.
í sjötta lagi verður haldið saman snjómælingum
Orkustofnunar og Landsvirkjunar. Snjómælingar,
bæði á jökli og annars staðar, má nota til að spá um
rennsli áa að vori og sumri og er það víða notað er
áætla skal rekstur virkjana.
Æskilegt er að starfað verði sem nánast með öðr-
um þeim sem stunda rannsóknir tengdar jöklum svo
sem Landsvirkjun, Raunvísindastofnun Háskólans,
Vegagerðinni og Jöklarannsóknafélaginu. Islend-
ingar eru einfaldlega svo fáir og jöklar hér svo stóri
og margir að þess eru engin tök að deila vinnuafli í
marga staði ef nokkur árangur á að nást. Einnig
verður starfað með erlendum aðilum sem áhuga hafa
á rannsóknum íslenskra jökla.
Þótt hér sé lögð fram starfsáætlun er ekki svo að
skilja að henni verði framfylgt út í hörgul á næst-
unni. Heldur ber að skilja hana sem skrá yfir æski-
leg verkefni, sem tengjast vatnsorkurannsóknum, og
munu bæta mjög við almenna þekkingu á íslenskum
jöklum. Fyrst í stað verður lögð sérstök rækt við af-
komumælingar.
Gryfja tekin í
1400 m y.s. á
Hofsjökli til
að vega snjó.
í upphafi afkomu-
mælinga á Hofs-
jökli í apríl 1988.
Ljósm. Oddur
Sigurðsson.
Mass balance
measurements
on Hofsjökull
1988.
Photo Oddur
Sigurðsson.
JÖKULL, No. 38, 1988 89