Jökull - 01.12.1988, Blaðsíða 108

Flutningur skálans á Grímsfjall var ekki síður
ævintýri en smíðin. Þar naut félagið einnig mikils-
verðrar aðstoðar sem skylt er að þakka. Landsvirkj-
un lét í té dráttarbíl með vagni og veghefil sem ruddi
leiðina inn að jökli. Tveir snjóbílar Landsvirkjunar
drógu svo skálann á Grímsfjall. Vegagerð ríkisins lét
einnig í té vörubíl, Gunnar Jensson tvo vörubíla,
Heimir Lárusson krana og Gunnar Guðmundsson
flutningabíl. Flugbjörgunarsveitin í Reykjavík veitti
aðstoð með flutningabíl, vagni og snjóbíl, og Hjálp-
arsveit skáta í Reykjavík vörubfl og snjóbíl.
Jafnhliða byggingu skálans voru rannsóknir
óvenju miklar umfangs í þessum Vorleiðangri eins
og hér var rakið að ofan. Vegagerð ríkisins og
Landsvirkjun studdu þessar rannsóknir sem áður
með margvíslegum hætti, auk Raunvísindastofnunar
og Orkustofnunar.
Eflaust vantar margt í þessa upptalningu og væri
ég þakklátur fyrir ábendingar til betrumbóta. Stjórn
JÖRFI metur mikils þann samhug sem ríkti í öllu
samstarfi við þessa framkvæmd og vonar að skálinn
eigi eftir að nýtast vel sem húsaskjól við rannsóknir
og ferðalög á jöklinum.
Kverkfjallaskáli
Nokkrir félagar fóru til viðgerða í Kverkfjalla-
skála helgina 27. - 28. júlí, 1987. Skipt var um rúður,
settir hlerar fyrir glugga, húsið lakkað innan og bor-
ið á það utan. Ferðin var sérkennileg að því leyti, að
ekið var á jeppum um Nýjadal, Gæsavatnaleið, upp
Dyngjujökul og í Kverkfjöll að skála JÖRFI. Þaðan
var ekið í Sigurðarskála, síðan að Mývatni og um
byggðir suður.
Skálar félagsins
Jöklarannsóknafélagið á nú níu skála. Þeir eru
Kirkjuból við Fjallkirkjuna á austurjaðri Langjökuls,
Kverkfjallaskáli austan við Hveradalina í norður-
jaðri Vatnajökuls, Esjufjallaskáli sunnan Lyng-
brekkutinds, Goðheimar við Goðahnjúka austast á
Vatnajökli, suðvestur af Grendli, Breiðárskáli vestan
Jökulsár á Breiðamerkursandi, Grímsvatnaskálar I
og II á Svíahnjúk eystri á Vatnajökli og tveir skálar í
Jökulheimum við Tungnárbotna. A öllum stöðunum
eru opnir skálar, en nýju skálamir í Jökulheimum og
á Svíahnjúk eru læstir. Hægt er að fá þessa skála til
afnota eins og aðra skála félagsins. Trúnaðarmenn
félagsins geyma lykla, leigja skála og taka við
greiðslum fyrir gistingu. Gistigjöldin eru nú kr. 350
fyrir nótt í læstu skálunum en kr. 250 í hinum.
TÝNDAR GESTABÆKUR
Ýmsar eigur félagsins eru í vörslu einstaklinga og
vilja gleymast þar. Nú er leitað að gömlum gesta-
bókum úr skálum félagsins t.d. bók úr gamla Jökul-
heimaskálanum frá 1973 - 1982 og bók úr nýja skál-
anum frá 1968 - 1978. Seinni bókin var ljósrituð
fyrir nokkrum árum en ekki er vitað hvað varð um
frumritið eftir það. Þeir sem hafa í sinni vörslu ein-
hverjar eigur félagsins svo sem bækur eða myndir
eru vinsamlega beðnir að fræða einhvem úr stjóm-
inni um það.
VATNIÐ OG LANDIÐ - RÁÐSTEFNA 1987
Jöklarannsóknafélagið átti ásamt mörgum öðmm
félögum, stofnunum og fyrirtækjum aðild að ráð-
stefnu um vatnafræði, sem Orkustofnun átti frum-
kvæði að og nefnd var Vatnið og Landið. Tilefni
hennar var 40 ára starfsemi Vatnamælinga og 20 ára
afmæli Orkustofnunar, en ráðstefnan var tileinkuð
Sigurjóni Rist sjötugum. Fjölmörg erindi voru flutt
dagana 22. - 23. október 1987 og er nú unnið að út-
gáfu þeirra.
BRÉFAFÉLAGAR
Fréttabréfið er nú orðið fast í sessi og gagnlegt til
kynningar á starfi JÖRFI. Bréfið hefur til þessa ein-
göngu verið sent félagsmönnum. Stjórnin hefur nú
ákveðið að senda það einnig nokkrum fyrrverandi
félagsmönnum, ferðafélögum, stofnunum og öðrum
velunnurum JÖRFI, sem áhuga hafa á starfi félags-
ins. Nefnast þeir bréfafélagar.
GJÖRFI
Gönguklúbburinn GJÖRFI er nú kominn á átt-
unda ár. Fyrsta ganga er að venju fyrsta laugardag í
janúar, en aðrar göngur á þessu ári 27.2., 12.3., 26.3.
og 9.4. Þeim stjómar Soffia Vernharðsdóttir.
106 JÖKULL, No. 38, 1988