Jökull - 01.12.1988, Síða 109

JOKULL
Jökull, 36. árg., 1986 kom út í maí 1987 og var 96
bls. Skammt er í prentun næsta árgangs, sem verður
jafnstór og kemur út á þessu vori. Undanfarin ár hef-
ur oft verið undan því kvartað, að efni Jökuls væri
nær eingöngu fræðilegt og þar væri næsta fátt sem
vekti forvitni jöklamanna. Stjóm félagsins hefur haft
áhyggjur af þessu en ekki fundið leiðir til úrbóta.
Ýmislegt efni mætti finna en ganga þarf eftir því við
félagsmenn. Nú er um það rætt að einn stjómar-
manna taki þetta verk að sér og verði jafnframt
tengiliður milli ritnefndar og stjómar.
Hins vegar bregður nú svo við að einnig berst lítið
af fræðilegu efni. Höfundar hafa gefið nokkur fyrir-
heit um greinar en hægt gengur með skriftir eða efn-
ið fer í önnur rit. Ritstjóri og ritnefnd hafa vandað
vel til efnis og gert höfundum að endurbæta skrif
sín, ef handrit standast ekki þær kröfur, sem ritstjóm
setur. Vonandi hefur það ekki fælt menn frá. Hins
vegar hefur mörgum þótt langur tími líða frá því að
þeir skila tilbúnu handriti og það birtist. Ritstjóri
hefur lagt til að reynt verði að flýta vinnu við setn-
ingu og umbrot og gera hana í einkatölvum jafnóð-
um og efni berst. Vinna prentsmiðju mundi þá tak-
markast við filmugerð, prentun og bókband. Þessi
vinnubrögð hefðu einnig þann kost, að höfundar
gætu fengið sérprent af greinum sínum skömmu eftir
að þeir skila fullgerðu handriti og þyrftu ekki að
bíða þess að heftið fyllist og sé prentað í heilu lagi.
Stefnt er að viðræðum milli stjórna JÖRFI og Jarð-
fræðafélags um útgáfumál. Jökull 1979 var yfirlits-
hefti um jarðfræði íslands. Þetta hefti hefur verið
mjög eftirsótt af erlendum mönnum og um tíma var
rætt um endurprentun þess. Nú þykir ráðlegra að
skrifa nýtt hefti og munu stjómir félaganna skipa
undirbúningsnefnd til þess á næstunni með Jökul
1989 í huga.
HÚSNÆÐI FÉLAGSINS
Síðan félagið tók á leigu geymsluhúsnæði að
Bakkagerði 9, hefur verið unnið að því að koma eig-
um félagsins á einn stað. Allar birgðir af Jökli eru
nú í þessu húsnæði og þannig frá þeim gengið, að
auðvelt er að afgreiða þau hefti sem til eru. Ýmsar
aðrar eigur félagsins eru enn í vörslu einstaklinga en
væru að líkindum betur komnar í geymslu félagsins.
Reyndar er nú hugsanlegt að félagið verði að víkja á
næstunni úr leiguhúsnæðinu vegna sölu þess. Því
hefur komið til tals í stjóminni að félagið þyrfti að
eignast húsnæði undir eigur sínar og stjórnarfundi
og jafnvel félagsfundi. Væri stjómin þakklát fyrir
ábendingar, ef menn fregna af einhverju húsnæði
sem hentað gæti starfseminni og fáanlegt yrði á við-
ráðanlegum kjörum, þótt ekki væri nema í fokheldu
ástandi.
BÍLAMÁL
I rannsóknarleiðöngrum á Vatnajökul hefur félag-
ið notað snjóbíl sinn, Bombann, og einnig notið
snjóbíla sem Landsvirkjun hefur lagt til. Vonandi
verður unnt að fá þá bíla framvegis með í leiðangra.
Hitt er ljóst að félagið er tæplega sjálfbjarga um
mælileiðangra nema það auki við bílakost sinn. Er
þá helst rætt um lítinn bfl, sem gæti verið lipur til
snúninga og dráttar á mælitækjum um jökul, líkan
gulu eða rauðu hænunum, sem stundum hafa verið
fengnar að láni frá Vamarliðinu.
ÁÆTLUN UM RANNSÓKNIR
Undirbúningur að rannsóknum í næstu vorferð er
nú að hefjast. Hefðbundnar athuganir verða mæling
á vatnshæð í Grímsvötnum og mæling vetrarákomu í
Vötnunum. Rætt er um þykktarmælingar með íssjá
austan og sunnan við Vötnin og við Háubungu. Bor-
un gegnum íshelluna verður væntanlega endurtekin,
sýni tekin í vatni undir henni og hiti mældur. Safnað
verður sýnum af snjó og ís til samsætumælinga á yf-
irborði jökulsins þar sem leið liggur. Líklegt er að
10 tölrænir skjálftamælar fáist að láni og verði settir
upp á Grímsvatnasvæðinu til mælinga meðan á leið-
angrinum stendur. Þeir ættu að gefa mun betri stað-
setningu upptaka skjálfta en fyrri mælar og ná-
kvæmari skráningu á tíðni í bylgjum. Þá er stefnt að
mælingum á óreglum á segulsviði og þyngdarsviði í
Vötnunum, en slík gögn geta komið að gagni í sam-
eiginlegri túlkun með bylgjubrots- og endurvarps-
mælingum sem gerðar voru í fyrra, ásamt þykktar-
mælingum með íssjá. Vonast er til að þessar mæl-
ingar gefi í heild kort af yfirborði og botni vatns-
forðans í Vötnunum og gerð berggrunns hið næsta
JÖKULL, No. 38, 1988 107