Jökull - 01.12.1999, Page 120

sóknum og hvort við getum fengið meira út úr aðild
okkar að alþjóðlegum verkefnum eins og ODP (Ocean
Drilling Program). Alls mættu 27 félagar á fundinn
og spunnust fjörugar umræður um þátttöku okkar í
ODP, fyrstu ODP-umsókn íslendinga um borun í Tjör-
nestrogið fyrir norðan land og almennt um jarðfræði-
legar landgrunnsrannsóknir umhverfis Island.
Fyrsta fræðsluerindi vetrarins var haldið föstudag-
inn 25. október. Þar talaði Magnús Tumi Guðmunds-
son um eldgosið í Vatnajökli 1996. Að erindi loknu
spunnust áhugaverðar umræður um gerð móbergs-
fjalla, mat á þykkt ísaldarjökulsins út frá hæð mó-
bergsstapa og rennsli bræðsluvatns í jöklinum. Mjög
fjölmennt var á fundinum, alls 127 manns og mun
þetta vera með fjölmennustu fundum félagsins, ef ekki
sá fjölmennasti.
Annar fræðslufundurinn var haldinn 19. nóvem-
ber 1996. Þar fjölluðu þeir Árni Snorrason, forstöðu-
maður Vatnamælinga Orkustofnunar og Magnús Tumi
Guðmundsson, dósent við H.I. um nýafstaðið hlaup
úr Grímsvötnum. Á fundinum kom fram að frumnið-
urstöður mælinga sýna að rennslisferill Grímsvatna-
hlaupsins nú er ólíkur venjulegum Skeiðarárhlaupum,
en líkist meira hlaupferli Skaftár. Krydduðu þeir fé-
lagar frásagnir sínar með fjölda stórkostlegra lit-
skyggna og sérstaka athygli vöktu einstakar myndir
Odds Sigurðssonar af upphafi hlaupsins.
Á jólafundi Jarðfræðafélagsins sem haldinn var
þann 17. desember, 1996, var fjallað um snjóflóð
og snjóflóðavarnir. Kristján Jónasson, stærðfræðingur
og yfirmaður snjóflóðavarna Veðurstofu Islands sagði
frá nýjum aðferðum við hættumat á snjóflóðum og
Þorsteinn Sæmundsson, jarðfræðingur hjá snjóflóða-
vörnum Veðurstofunnar fjallaði um jarðfræðileg um-
merki snjóflóða og hvernig megi greina þau frá öðrum
landformum. í máli Þorsteins kom fram að erlendur
sérfræðingur á þessu sviði sem væntanlegur er hingað
til lands í sumar er e.t.v. reiðubúinn til að halda fyr-
irlestur eða námskeið fyrir félagsmenn Jarðfræðafé-
lagsins um ofangreinda þætti.
Fimmta fræðsluerindið flutti Christian Lacasse
þann 7. janúar 1997. Erindið nefndi hann Volcano-
genic sedimentation in the Iceiandic basin: Influence
of subaerial and subglacial eruptions on the Eastern
Volcanic Zone. Christian Lacasse hefur undanfarið
unnið að doktorsritgerð undir handleiðslu prófessors
Haraldar Sigurðssonar við háskólann í Rhode Island.
í erindinu sýndi Christian Lacasse gögn úr setkjörnum
suður af landinu og rakti gjósku til ákveðinna eld-
stöðvakerfa á eystra gosbeltinu. Einnig sýndi hann
gögn og líkanreikninga yfir gjóskuflutninga í lofti og
sýndi m.a. að á sumrin ríkja austlægir vindar í háloft-
unum og flytja því gjósku í átt til Grænlands en á
vetrum ríkja þar vestlægir vindar sem flytja gjósku í
átt til Skandinavíu.
Sjötti fræðslufundurinn var haldinn 18. mars 1997.
Þar flutti Freysteinn Sigmundsson jarðeðlisfræðingur
á Norrænu Eldfjallastöðinni erindi sem hann nefndi
Ný tækni til mælinga á jarðskorpuhreyfingum: SAR
bylgjuvíxlmælingar úr radar-gervitunglum. I erindinu
útskýrði Freysteinn SAR-tæknina, sýndi niðurstöður
erlendis frá, og jafnframt kynnti hann niðurstöður um
jarðskorpuhreyfingar á Reykjanesskaganum.
JÖKULL
Áslaug Geirsdóttir, lektor við jarðfræðaskor H.I, er
ritstjóri Jökuls fyrir hönd Jarðfræðafélagsins, en aðrir
ritstjórar eru Bryndís Brandsdóttir, jarðeðlisfræðingur
á RH og Helgi Björnsson, jöklafræðingur á RH. í rit-
nefnd sitja Leó Kristjánsson, Helgi Torfason, Kristján
Sæmundsson, Haukur Jóhannesson og Karl Grönvold.
Nú eru tvö þemahefti af Jökli í vinnslu, annað um
Kötlu undir ritstjórn Áslaugar og Bryndísar en hitt um
Jöklarannsóknir. Gestaritstjóri þess heftis er Tómas
Jóhannesson. Þriðja þemaheftið er að fara af stað
undir ritstjórn Helga Torfasonar, en það er helgað gos-
inu í Vatnajökli 1996 og hlaupinu í kjölfar þess.
STJÓRN JFÍ
Stjórn félagsins er þannig skipuð: Árný E. Svein-
björnsdóttir, formaður, Guðrún Þ. Larsen, ritari, Skúli
Víkingsson, gjaldkeri, Georg Douglas, Helgi Torfa-
son, Hreinn Haraldsson og Magnús Tumi Guðmunds-
son, meðstjórnendur. Nú ganga úr stjórn þau Guðrún
Þ. Larsen, Skúli Víkingsson og Hreinn Haraldsson.
Það er mikil eftirsjá að þessu fólki úr stjórninni, en
þeim er hér með þökkuð góð störf í þágu félagsins.
Endurskoðendur félagsins voru á síðasta ári þeir
Hjalti Franzson og Ásgrímur Guðmundsson. Hjalti
hættir nú sem endurskoðandi og er honum þökkuð góð
störf.
118 JÖKULL, No. 47