Dagblaðið Vísir - DV - 10.10.2014, Page 10

10 Fréttir Helgarblað 10.–13. október 2014
Mótmæla þéttleika á alifuglabúum
Ákvæði um meiri þrengsli í drögum reglugerðar
V
elbú, samtök um velferð
í búskap, gera alvarlegar
athugasemdir við ákvæði í
drögum að reglugerð um að-
búnað alifugla frá maí síðastliðn-
um, sem í vinnslu er hjá atvinnu-
vega- og nýsköpunarráðuneyti.
Ákvæðin snúa að þéttleika alifugla
til kjötframleiðslu. Á Facebook-síðu
samtakanna segir að mat þeirra sé
að bæði sé um að ræða afturför frá
núverandi reglugerð auk þess sem
ný viðmið reglugerðarinnar gangi
þvert á markmið nýrra laga um vel-
ferð dýra sem tóku gildi í byrjun árs.
Í 30. grein draga reglugerðarinn-
ar er snýr að þéttleika kjúklinga er
mælt með að hámarksþéttleiki fugla
sé aukinn úr 32 kílóum á fermetra í
33 kíló. Þar eru einnig ákvæði um
undantekningar upp í 42 kg á fer-
metra. Samtökin Velbú vísa til rann-
sókna sem sýnt hafa að þéttleiki yfir
25 kílóum á fermetra rýri mjög vel-
ferð fugla. „Þessi reglugerð er í ber-
höggi við tilgang laganna sem eiga
að stuðla að bættri velferð dýranna
þar sem þéttleiki er aukinn frá núg-
ildandi reglugerð um aðbúnað ali-
fugla frá árinu 1995 en þar er miðað
við hámark 19 fugla á fermetra eða
32 kg á fermetra. Við leggjum til að
hámarksþéttleiki alifugla verði lækk-
aður niður í 25 kg á fermetra,“ segir
enn fremur á Facebook-síðu samtak-
anna.
Þetta er í annað sinn sem reglu-
gerðin er send út til umsagnaraðila.
Þegar hún var send út í fyrra skiptið í
vor safnaði Velbú yfir þúsund undir-
skriftum þar sem ákvæðum um auk-
inn fjöldi kjúklinga á fermetra var
meðal þess sem mótmælt var. n
dagny@dv.is
Bankinn stefndi félagi
Kjartans vegna skulda
n Deilur Landsbankans og Skipholts n Kjartan seldi félagi sínu eignir Skipholts
L
andsbankinn stefndi
eignarhaldsfélagi Kjartans
Gunnarssonar, athafna-
manns og fyrrverandi fram-
kvæmdastjóra Sjálfstæðis-
flokksins, vegna skulda. Fyrirtækið
heitir Skipholt ehf. og hélt þar til í
lok síðasta árs utan um fasteign-
ir í Skipholti sem lengi hafa verið
í eigu Kjartans og þar áður föður
hans. Fyrirtaka var í skuldamálinu
á miðvikudaginn var. Um er
að ræða deilur um lán sem
eignarhaldsfélag Kjartans var með
í Landsbankanum. Deilur voru um
lánið og uppgjör þess og enduðu
þær með því að bankinn stefndi
eignarhaldsfélagi Kjartans. Heim-
ildir DV herma hins vegar að hugs-
anlegt sé að semja náist um mál-
ið áður en það verður til lykta leitt
fyrir dómstólum. Markmið Lands-
bankans mun hins vegar hafa ver-
ið að ganga að eignum Skipholts
og eftir atvikum setja félagið í þrot.
Seldi eignir Skipholts
Málaferli Landsbankans eru
áhugaverð meðal annars fyrir þær
sakir að Kjartan seldi þrjár af eign-
um Skipholts út úr félaginu í lok
árs í fyrra. Fasteignirnar eru í Skip-
holti 1 og 25. Kaupandinn var ann-
að félag Kjartans, Fjórir GAP ehf.
517 milljónir króna greiddi félag-
ið fyrir eignirnar. Í afsali eignanna
segir: „Skipholt ehf. (…) afsalar
hér með eftirfarandi fasteign til
Fjórir Gap ehf.“ Landsbankinn átti
hins vegar ekki veð í þessum fast-
eignum heldur Íslandsbanki. Mið-
að við málaferlin gegn Skipholti þá
átti Landsbankinn hins vegar ein-
hverjar kröfur á hendur Skipholti
sem ekki koma fram í veðbanda-
yfirliti fyrirtækisins. Íslandsbanki
hlýtur að hafa veitt samþykki sitt
fyrir eigendaskiptunum á fast-
eignunum, þar sem hann átti veð
í þeim, en ekki endilega Lands-
bankinn.
Stór gjalddagi
Í ársreikningi Skipholts ehf. kom
fram að félagið átti að greiða nærri
290 milljónir króna af skuldum sín-
um í ár. Ljóst er að félagið hefði átt
í erfiðleikum með að greiða slíka
upphæð þar sem eiginfjárstaða
þess var neikvæð upp á nærri 600
milljónir króna. Ljóst má vera, út
frá stöðu Skipholts í fyrra, að félag-
ið hefði getað misst fasteignirnar í
veðkalli á þessu ári þar sem félagið
var ekki í þeirri stöðu að geta greitt
skuldina. Málaferli Landsbankans
gegn Skipholti eru líka nokkuð
áhugaverð í því ljósi að Kjartan
var um árabil bankaráðsmaður í
bankaráði Landsbankans. Bæði
þegar bankinn var ríkisbanki og
eins eftir einkavæðingu hans árið
2002 þegar hann varð varaformað-
ur bankaráðsins fram að hruninu
2008.
Engin svör
DV hefur reynt að fá svör um
málaferlin frá lögmanni Skipholts
ehf., Sigurbirni Magnússyni. Blaðið
hefur hins vegar ekki fengið svör frá
honum um málið. Samhengið er
aftur á móti nokkuð sérstakt: Kjart-
an selur allar helstu eignir Skip-
holts út úr félaginu og til annars fé-
lags í sinni eigu. Landsbankinn fer
svo í mál við félagið sem búið er
að selja allar helstu eignirnar út úr
og Kjartan er ósammála kröfugerð
bankans. Ljóst mál telja að ef ekki
næst að semja um málið og Lands-
bankinn hefur betur þá verður ekki
eins mikið fyrir bankann að sækja
inn í Skipholt og til dæmis á sama
tíma í fyrra þegar þrjár fasteign-
ir sem seldar voru á 517 milljónir
króna voru inni í félaginu. n
Ingi Freyr Vilhjálmsson
ingi@dv.is
Bankinn höfðaði mál Landsbankinn höfðaði mál gegn fasteignafélagi Kjartans Gunnarssonar vegna skulda. Kjartan seldi eignir félags-
ins til annars félags í sinni eigu í lok árs í fyrra. „Skipholt ehf. (…)
afsalar hér með
eftirfarandi fasteign til
Fjórir Gap ehf.
Átta þúsund
heimili fengu
fjárhagsaðstoð
Árið 2013 fengu 8.042 heimili
fjárhagsaðstoð sveitarfélaga og
hafði heimilum sem þáðu slík-
ar greiðslur fjölgað um 306, eða
fjögur prósent, frá árinu áður.
Árið 2012 fjölgaði heimilum
hins vegar aðeins um 21 heim-
ili, 0,3 prósent, milli ára en hafði
fjölgað að jafnaði um 860 árin á
undan. Þetta kemur fram í töl-
um sem Hagstofa Íslands birti á
fimmtudag.
Á vef Hagstofunnar kemur
fram að af þeim heimilum sem
fengu fjárhagsaðstoð árið 2013
voru einstæðir barnlausir karlar,
45,5 prósent, og einstæðar kon-
ur með börn, 26 prósent heimila,
fjölmennustu hóparnir. Árið 2013
voru tæplega 45 prósent viðtak-
enda fjárhagsaðstoðar atvinnu-
laus og af þeim tæplega tveir
þriðju án bótaréttar, alls 2.413
einstaklingar.
Á heimilum sem fengu fjár-
hagsaðstoð árið 2013 bjuggu
13.130 einstaklingar eða 4 pró-
sent þjóðarinnar, þar af voru
4.421 barn (17 ára og yngra) eða
5,5 prósent barna á þeim aldri.
Árið 2012 bjuggu 12.586 einstak-
lingar eða 3,9 prósent þjóðarinn-
ar á slíkum heimilum, þar af voru
4.190 börn eða 5,3 prósent barna.
Árið 2013 nutu 8.387 heim-
ili félagslegrar heimaþjónustu.
Rúmlega fjögur af hverjum fimm
þessara heimila voru heimili
aldraðra eða 6.893, 82,2 pró-
sent, og hafði þeim fjölgað um
93, eða 1,4 prósent, frá árinu
2012. Á þessum heimilum aldr-
aðra bjuggu 8.655 einstaklingar
og jafngildir það 20,2 prósentum
landsmanna 65 ára og eldri. Árið
2013 nutu 2.030 börn dagvistar
á einkaheimilum og hafði þeim
fjölgað um 85, eða 4,4 prósent, frá
árinu á undan.
Alifuglar „Þessi reglugerð er í berhöggi
við tilgang laganna sem eiga að stuðla að
bættri velferð dýranna.“
Röng mynd
Í umfjöllun í vikublaði DV hinn
7. október, um mann í vist á
Vernd sem var dæmdur fyrir
kynferðisbrot gegn barni, birt-
ist mynd af Guðjóni Sveins-
syni, starfsmanni á Vernd, í
stað Þráins Farestveit fram-
kvæmdastjóra. Báðir eru beðn-
ir velvirðingar á mistökunum.