Dagblaðið Vísir - DV - 10.10.2014, Side 37

Helgarblað 10.–13. október 2014 Skrýtið Sakamál 37
Dýrkeypt
fyrsta ást
Á
rla einn septembermorgun
2005, í Lititz í Pennsylvaníu
í Bandaríkjunum, settist 14
ára stúlka, Kara Borden, við
tölvuna sína og loggaði sig
inn á MySpace, sem þá var vinsæl
samskiptasíða, og bjó til sinn eig-
in aðgang. Síðuna sína gerði Kara
litríka, með bleiku mynstri, og út-
listaði áhugamál sín. Prófílmyndin
sem hún valdi sýndi hana í bleikum
toppi, brosandi með lokaðan munn
– til að fela spangirnar. Kara hafði
áhuga á listum, tónlist, patríum
og strandferðum … og strákum, að
sjálfsögðu. Kara sagðist vera 17 ára.
Hávaxinn, myndarlegur
strandvörður
Lítið vissi Kara að draumaprinsinn
myndi innan skamms guða á glugg-
ann – 18 ára, hávaxinn og myndar-
legur strandvörður og sundkennari,
David Ludwig. David hnaut um
MySpace-síðu Köru og þau ákváðu
að hittast. Hvað Köru varðaði var
það ást við fyrstu sýn, en David var
ekki allur þar sem hann var séður.
MySpace-síða Köru var dæmigerð
fyrir stúlku á hennar aldri en á síðu
Davids, sem lýsti sjálfum sér sem
sannkristnum manni, gaf að líta
myndir af honum á veiðum og mið-
ur geðslegar myndir af honum að
rista upp dádýr. Einnig sagði hann
að hann væri „sérfræðingur í að
koma sér í vandræði“.
Ósáttir foreldrar
David var vinsæll í hópi vina hans
og Köru en foreldrar Köru voru
ekki sátt við samband þeirra. For-
eldrar Köru, Michael og Cathryn,
voru kristið fólk og fóru reglulega í
kirkju. Það var ekki endilega aldurs-
munurinn á Köru og David sem
fór fyrir brjóstið á þeim heldur fé-
lagsskapurinn sem dóttir þeirra
var komin í og þegar þau komust
að því að David hafði veitt Köru
áfengi var þeim nóg boðið. Michael
og Cathryn bönnuðu Köru að hitta
David, en gátu ekki komið í veg fyrir
samskipti ungmennanna í gegnum
símann.
Þveröfug áhrif
Því meira sem Borden-hjónin lögðu
sig í líma við að halda dóttur sinni
frá David því staðráðnari var hún í
að viðhalda sambandinu – í reynd
gerði andstaða foreldranna sam-
bandið meira spennandi. Þann 12.
nóvember, 2005, sagði Kara for-
eldrum sínum að hún hygðist gista
hjá vinkonu sinni þegar hún í raun
ætlaði að gista hjá David. Klukk-
an fimm morguninn keyrði David
Köru heim og sagðist hún myndu
senda smáskilaboð þegar hún væri
kominn í herbergið sitt. David fékk
engin skilaboð og um klukkustund
síðar hringdi David í Köru og tíð-
indin voru ekki góð; Kara hafði
verið gripin glóðvolg, foreldrar
hennar voru öskureiðir og faðir
hennar krafðist þess að David kæmi
og stæði fyrir máli sínu.
Með vopn í farteskinu
Um klukkan sjö þennan morgun
kom David að heimili Borden-fjöl-
skyldunnar, tveggja hæða húsi í
botnlanga ríkmannslegs hverfis.
Hann steig út úr rauðri VW Jetta-
bifreið sinni, með eins konar sjó-
poka á herðunum. David kom ekki
tómhentur því pokinn hafði að
geyma tvær byssur og veiðihníf.
Michael Borden las David pistilinn
og eftir klukkutíma voru þeir báðir
orðnir æði örir og að lokum sagði
Michael David að yfirgefa heimilið
og láta Köru í friði þaðan í frá.
Síðar sagði David lögreglunni að
hann hefði á því andartaki ákveðið
að bana foreldrum Köru.
„Giftast og hefja nýtt líf“
Þegar faðir Köru sneri við David
baki tók hann skammbyssu upp úr
pússi sínu og skaut hann í hnakk-
ann. Síðan hraðaði hann sér inn
í stofu og skaut Cathryn þar sem
hún sat í sófa. Eldri systir Köru,
Katelyn, heyrði skothvellina og
læsti sig inni á baðherbergi. David
leitaði að Köru en fann hvergi og
rauk því út í bíl og var að keyra á
brott er hann sá hana koma hlaup-
andi og grátandi niður götuna.
„Hún sagði mér að hún vildi bara
komast á brott, giftast og hefja
nýtt líf,“ sagði David síðar. Meðan
á þessu stóð hafði níu ára bróð-
ir Köru hlaupið til nágranna sem
höfðu samband við lögregluna.
Gripin í Indíana
Lýst var eftir ungmennunum og
vissi lögregla ekki betur en David
hefði ekki aðeins banað foreldrum
Köru heldur einnig numið hana á
brott. Næsta dag barst lögreglu-
yfirvöldum ábending um að sést
hefði til Köru í gary í Indíana-fylki.
Afgreiðslumaður í matvöruverlsun
hafði borið kennsl á hana er hún
keypti mat fyrir um tíu dali. „Augu
hennar voru rauð og þrútin. Það
var auðséð að hún hafði verið að
gráta,“ sagði afgreiðslumaðurinn.
Lögreglan brá skjótt við og fyrr en
varði voru nokkrir lögreglubílar á
hælunum á David og skammt frá
Indíanapolis missti hann stjórn á
bílnum og hafnaði á tré.
Meðsek eða fórnarlamb
Enn lá ekki fyrir í huga lögreglunn-
ar hvort Kara væri meðsek eða
fórnarlamb mannræningja og
voru turtildúfurnar því báðar
handjárnaðar og færðar í varð-
hald. David upplýsti þó fljótlega
að Kara hefði ekki haft hugmynd
um þau áform hans að fyrirkoma
foreldrum hennar. Var Köru því
sleppt úr haldi og send til afa síns
og ömmu sem höfðu tekið systkini
hennar undir sinn verndarvæng.
Viku síðar stóð Kara yfir gröf for-
eldra sinna.
Dýrkeypt fyrsta ást
David fór ekki í launkofa með
ásetning sinn þennan afdrifaríka
morgun: „Þetta var morð af ásetn-
ingi. Ég ætlaði að skjóta þau og
gerði það.“ David var reynslumikill
veiðimaður og sagði við lög-
regluna að hann hefði ekki þurft
að miða byssunni: „Ég hitti alla
jafna það sem ég skýt að.“ David
fékk tvöfaldan lífstíðardóm og 60
ár að auki. Refsing Köru er hins
vegar sú að þurfa að lifa með af-
leiðingar fyrstu ástarinnar það
sem eftir er ævinnar. n
n Kara féll gjörsamlega fyrir David n Málalyktir urðu blóðugar
„Þetta var
morð af
ásetningi. Ég ætl-
aði að skjóta þau
og gerði það.
Yfir sig ástfangin Kara Borden gat ekki
vitað hverjar yrðu afleiðingar fyrsta ástar-
ævintýris hennar.
David Ludwig
Var veiðigarpur mikill
og þaulvanur meðferð
skotvopna.
„Hann er að
berja mig“
Kelly Ecker og George Samson
giftu sig síðastliðinn laugardag.
Þau voru bæði á sextusgaldri og
átti Kelly barn af fyrra hjónabandi.
Á brúðkaupsnóttina hringdi Kelly
skelfingu lostin í neyðarlínuna og
greindi neyðarvörðum frá því að
eiginmaður hennar væri að beita
hana miklu ofbeldi. Rifrildi mun
hafa byrjað milli þeirra undir lok
brúðkaupsveislunnar. „Hann er að
berja mig,“ sagði Kelly við neyðar-
verði. Þegar lögreglu bar að garði
fundu þeir Kelly látna, en eigin-
maður hennar hafði skotið hana
í höfuðið. Hann hafði svo beint
byssunni að sjálfum sér. Tíu ára
sonur Kelly var á heimilinu sem
og eldri hjón sem tengjast fjöl-
skyldunni.
Vildi láta
drepa tengda-
dóttur sína
Sjötíu og eins árs kona í Banda-
ríkjunum, Diana Costarakis, hef-
ur verið dæmd í sjö ára fangelsi
fyrir að ráða leigumorðingja til
að koma tengdadóttur sinni fyrir
kattarnef.
Costarakis áttaði sig ekki á því,
þegar hún réð leigumorðingjann
til verksins, að um var að ræða
óeinkennisklæddan lögreglu-
mann, en lögregla hafði fengið
veður af fyrirætlunum Costarakis.
Að því er Huffington Post grein-
ir frá bauð Costarakis lögreglu-
manninum fimm þúsund dali til
að klára verkið og var hún þegar
búin að greiða tvö þúsund dali
þegar hún var handtekin.
Hún gaf óeinkennisklædda lög-
reglumanninum þá skýringu að
hún vildi koma tengdadóttur sinni
í gröfina vegna þess að hún væri
drykkfelld og afar slæm móðir.
Var níu ár á
dauðadeild
Þroskaskertur bandarískur karl-
maður, Manuel Velez, er laus úr
fangelsi í Texas eftir að hafa setið
á bak við lás og slá undanfarin
níu ár. Velez var dæmdur til
dauða fyrir að verða ársgömlum
syni þáverandi unnustu sinnar
að bana. Velez neitaði ávallt sök
í málinu og kom síðar í ljós að
hann var við vinnu í Louisiana,
langt frá heimili unnustu sinnar í
Texas, þegar drengurinn lést. Höf-
uðhögg dró drenginn til dauða
og var móðir hans einnig ákærð.
Hún hlaut tíu ára fangelsisdóm
gegn því að vitna gegn Velez.