Dagblaðið Vísir - DV - 10.10.2014, Page 52

52 Fólk Helgarblað 10.–13. október 2014
 Jane Fonda
leikkona
Ég er mun meira í takt við tilfinningar mínar
en þegar ég var yngri. Ég geri mér of vel grein
fyrir hversu hratt tíminn líður og hversu lítið
ég á eftir. Ég er búin að lifa meirihluta af
lífi mínu og þá verður allt mjög verðmætt.
Ég hef lært að kunna að meta það smáa í
lífinu betur en þegar ég var yngri en það er
sennilega vegna þess að ég veiti því meiri
athygli en ég gerði.
Betra að eldast
heldur en ekki
n 10 tilvitnanir frá frægum konum um það hvernig er að eldast
M
argir kvíða því að eldast.
Kvíða fyrir gráu hárunum
og lafandi skinni. En þeir
sem ná að eldast eru yfir-
leitt þakklátir því þeir vita
betur og geta notið lífsins betur en
þegar þeir voru yngri. Hér segja tíu
nafntogaðar konur frá sinni upplif-
un. n
 Oprah, sjónvarps- og athafnakona
Við búum í samfélagi sem dýrkar æskuna. Það er endalaust
verið að segja okkur að ef við erum ekki ung, ef við geislum
ekki af fegurð, ef við erum ekki æsandi, þá skiptum við
engu máli. Ég neita að leyfa samfélaginu að segja mér að
ég skipti ekki máli. Ég veit að aðeins með því að sættast
við sjálfa þig og hvernig þú ert, getur þú farið að lifa lífinu
til fulls. Við ættum að læra eitthvað mikilvægt á hverju ári.
Það er svo upp á þig komið hvort þú lærir af því eða ekki.
 Dolly Parton söngkona
Ég mun ekki draga mig í hlé nema ég þurfi þess. Svo lengi
sem ég get farið fram úr rúminu á morgnana, málað mig í
framan og farið í háhæluðu skóna þá held ég áfram. Jafnvel
þótt ég muni ekki geta staðið í skónum þá held ég samt
áfram, ég ætla að vera eins og Mae West. Ég verð í háum
hælum í hjólastólnum.
 Susan Sarandon leikkona
Ég væri ekki til í að verða 20 ára aftur. Ég veit svo
miklu meira og mér líður einstaklega vel í eigin skinni,
þótt það sé farið að lafa aðeins. Ungar stúlkur ættu
ekki að kvarta yfir útlitinu, þær eru á hátindi líkam-
legrar fegurðar. Þær ættu að hætta að hafa áhyggjur
af því hvort lærin eru of stór og njóta lífsins. Ef þær
eru ósáttar við hvernig þær líta út 25 ára, þá á lífið
eftir að vera þeim mjög erfitt.
 Meryl
Streep
leikkona
Ég er fáránlega
þakklát fyrir að vera
á lífi. Ég á svo marga
vini sem eru veikir eða
fallnir frá en ég er hér
enn. Ertu að djóka?
Ég kvarta ekki yfir
neinu.
 Betty White leikkona
Það besta við að vera á tíræðisaldri er að það
er dekrað við þig. Allir dekra við þig og koma vel
fram við þig því þú ert gamall. En þeir vita ekki
að þú hefur ekkert breyst. Heilinn hefur ekkert
breyst. Þú ert bara 90 ára alls staðar annars
staðar. Nú þegar ég er orðin 91 árs finnst mér ég
orðin mun vitrari en þegar ég var níræð. Ég er
meðvitaðri og mun kynþokkafyllri.
 Tina Turner
söngkona
Ef þú hugsar vel um þig þá er
60 ára enginn aldur fyrir konur
í dag. Í heiminum í dag geturðu
verið sú kona sem þig langar
til að vera ... Auðvitað hef ég
elst aðeins í andlitinu, en ekki
nóg að ég hafi áhyggjur af því.
Ég er nógu vitur til að vita að
eitthvað mun gefa eftir þegar
maður er að verða 70 ára.
 Whoopi Goldberg,
leik- og sjónvarpskona
Besta ráðið við því að eldast er þetta: Hvert er
valið? Þú getur valið um að deyja frekar en það
er of erfitt að spá í. Ég vel frekar að komast á
breytingarskeiðin. Ég er mjög glöð með það.
 Sally Field leikkona
Ég sé sjálfa mig í sjónvarpinu og segi: O, ég vildi að hálsinn
á mér liti ekki svona út eða andlitið væri ekki svona lafandi
eða augun svona bólgin … Ég vil ekki vera gömul og útkeyrð,
en hvað er hægt að gera í því? Ég einbeiti mér að því að vera
leikari. Það skiptir mig meira máli að fá tækifæri til að leika
hlutverk sem ég hef ekki leikið áður en að hálsinn á mér líti
ekki út eins og svefnherbergisgluggatjöld.
 Maya Angelou rithöfundur
Ég er sannfærð um að flestir fullorðnast
ekki ... Við giftum okkur og þorum að eign-
ast börn og segjum það að fullorðnast. Ég
held að það eina sem við gerum er að verða
gömul. Við berum með okkur samansafn
af árum í líkama okkar og andlitum en við
sjálf erum yfirleitt börn að innan, við erum
saklaus og feimin líkt og lítil blóm.
Helga Dís Björgúlfsdóttir
helgadis@dv.is
Amanda
Bynes trúlofuð
Leikkonan Amanda Bynes hefur
staðfest að hún sé trúlofuð og eigi
von á barni með 19 ára kærasta
sínum Caleb. Amanda er 28 ára
og býr í New York en kærastinn
vinnur í fatabúð í Costa Mesa
í Kaliforníu. Hún vonast til að
hann geti flutt til hennar sem
fyrst. Amanda virðist ekki binda
bagga sína sömu hnútum og
samferðamenn hennar en hún
hefur hagað sér mjög undarlega
að margra mati. Telja sumir að
hún eigi við andlega erfiðleika að
stríða en hún segir að ekkert sé
að og hún vilji aðeins fá frið.
Kim réð
stílista fyrir
dóttur sína
Sögur herma að Kim Kardashian
hafi ráðið stílista handa rúmlega
ársgamalli dóttur sinni, North.
Er ástæðan sögð vera sú að
Kim vill að hún og dóttir henn-
ar verði alltaf í stíl. Klæðnaður
Kim er planaður marga daga
fram í tímann og mun barnið nú
vera klætt í stíl við móður sína.
Barnið mun líka fá skó og töskur
sem passa við það sem Kim er
með. Kim lætur gagnrýnisraddir
eins og vind um eyru þjóta og
finnst krúttlegt að North sé
klædd eins og hún.
Borðsiðir
Angelu Merkel
til skammar
Helmut Kohl, fyrrverandi kansl-
ari Þýskalands, sagði árið 2001 að
borðsiðir Angelu Merkel væru til
skammar. Sagði hann hana „konu
sem gæti ekki borðað almennilega
með hnífi og gaffli“. Þetta kemur
fram í bók sem skuggaskrifari hans
er að gefa út. Í bókinni Legacy:
The Kohl Protocols fer Heribert
Schwan yfir árásir Helmuts á aðra
heimsleiðtoga, en kanslarinn fyrr-
verandi reyndi eins og hann gat
að koma í veg fyrir útgáfu bókar-
innar. Maðurinn er alkunnur fyr-
ir sterkar skoðanir og sagði hann
til dæmis að Sovétríkin hafi fallið
vegna lélegrar fjárhagsstöðu en
ekki vegna upprisu fólksins.