Dagblaðið Vísir - DV - 14.10.2014, Síða 27

Vikublað 14.–16. október 2014 Lífsstíll 27
S
íðasta föstudag hófst for­
ritunarvika, samstarfsverk­
efni milli Evrópustofu og
Skema til þess að auka áhuga
fólks á tölvuforritun. Í ár er
lögð sérstök áhersla á forritunar­
þekkingu kvenna. Konur hafa átt á
brattann að sækja síðustu ár í tölvu­
geiranum en hafa samt sem áður ver­
ið að sækja í sig veðrið. DV hitti tvær
ungar forritunarkonur sem þó eru
hvor á sínum staðnum í lífinu. Ingi­
björg Ósk Jónsdóttir er formaður /
sys/tra félags kvenna í tölvunarfræði
við Háskólann í Reykjavík. Berglind
Ósk Bergsdóttir er í dag Android­for­
ritari hjá Plain Vanilla og lærði hún
tölvunarfræði í Háskóla Íslands.
Fóru í forritun fyrir tilviljun
Ingibjörg Ósk er að læra hugbúnaðar­
verkfræði í HR eftir að hafa byrjað í
heilbrigðisverkfræði. „Ég þurfti að
taka áfanga í forritun í því námi. Til­
hugsunin um að þurfa að taka þann
áfanga var hræðileg því ég ímynd­
aði mér að það yrði alveg svakalega
leiðinlegt. En svo kom í ljós að þetta
var langskemmtilegasti áfanginn,“
segir Ingibjörg og skellihlær. „Ég
hafði aldrei forritað áður en þegar ég
lærði forritun þá skipti ég yfir í hug­
búnaðarverkfræði.“ Berglind Ósk
hins vegar byrjaði á gagnvirknis­
línu í sálfræði í Háskóla Íslands, þar
sem sálfræði og tölvunarfræði voru
tengdar saman. „Ég hafði ekki kjark
í að henda mér beint út í tölvunar­
fræðina og fór þessa leið. Hins vegar
eftir fyrstu önnina fannst mér svo
gaman að ég færði mig alfarið yfir í
tölvunarfræði. Ég tók aldrei neina
áfanga í sálfræði.“
Vantar fleiri stelpur
Þegar Ingibjörg var nýnemi voru
stelpur rétt tæplega 20% tölvunar­
fræðinema en í ár voru 25% þeirra
sem hófu nám stelpur. „Þetta er fjölg­
un en við viljum samt sjá fleiri stelp­
ur. Ég held að stór ástæða fyrir því
af hverju svo fáar stelpur fara í tölv­
unarfræði sé að þær vita ekki hvað
þetta er, í bland við staðalímyndir. Ég
til dæmis hélt að það væru bara stór­
ir strákar sem kunnu að forrita áður
en þeir komu í skólann sem væru
í náminu. En auðvitað er það ekk­
ert þannig. Það er ekki ætlast til að
maður kunni forritun áður en mað­
ur byrjar ekki frekar en að maður eigi
að vera reiprennandi í kínversku ef
maður fer í kínverskunám.“ En stelp­
ur eru feimnar við að fara í tölv­
unarfræði og var það ein af ástæð­
um þess að Ingibjörg og vinkonur
hennar stofnuðu /sys/tur. „Okkur
fannst vanta fleiri stelpur í forritun­
arkeppnir. Það er fjöldi stúlkna sem
forritar, en þær voru einhverra hluta
vegna ekki að sýna sig. En með því að
mynda tengslanet þá getum við hvatt
þær áfram til að taka þátt. Við viljum
samt ekki vera lið á móti strákunum,
við höfum ekkert á móti þeim. Stund­
um viljum við bara fá að vera stelpur
og gera eitthvað nördalegt saman.
Við verðum einmitt með opið kvöld
í HR á fimmtudaginn milli 18 og 22,
þar sem við bjóðum framhaldsskóla­
stelpur sérstaklega velkomnar. Þetta
er gert í tengslum við forritunarvik­
una og við munum fara yfir grunn­
hugtök í Java­forritun.“
Fáir sýnilegir kvenforritarar
Berglind er eini kvenforritarinn í
fullu starfi hjá Plain Vanilla og hún
segist sakna þess stundum að hafa
kynsystur sínar með. „Konur eru
sennilega um 40% starfsmanna fyr­
irtækisins. En af rúmlega 20 for­
riturum er ég eina konan. Það eru
tvær konur í gagnavísindadeildinni
en þær forrita lítið. Ég held að að­
alástæðan fyrir fáum kvenforritur­
um sé hvað það eru fáar fyrirmynd­
ir.“ Ingibjörg tekur í sama streng.
„Þegar ég byrjaði í náminu vissi ég
ekki um neina stelpu sem var tölv­
unarfræðingur eða hafði farið í tölv­
unarfræði. Við viljum þess vegna
vera sýnilegri í samfélaginu svo fólk
átti sig á því að það er allt í lagi að
vera forritari,“ segir Ingibjörg. „Ég
tel bestu leiðina til þess að fá fleiri
stelpur í þennan geira vera að kenna
krökkum forritun á grunnskólastigi,“
bætir Berglind við. „Ég veit að Skema
er í samstarfi við nokkra skóla um
að setja upp tölvunarfræðinámskeið
hjá þeim, en best væri auðvitað að
hún færi bara inn í aðalnámskrána.“
TIl að auka ásókn kvenna í tölvunar­
fræði hefur Háskólinn í Reykjavík
ákveðið að breyta markaðsstefnu
sinni í auglýsingum á deildinni.
„Núna er kona framan á bæklingn­
um og fleiri konur inni í honum,“
segir Ingibjörg. „Í kynningarmynd­
bandi fyrir deildina eru reyndar enn
bara strákar en það er verið að vinna
í því.“
Strákar vilja fleiri stelpur
Aðspurð hvort karlkyns nemend­
ur í tölvunarfræði séu fúlir yfir
því að það sé sérstelpufélag, seg­
ir Ingibjörg aðeins hafa borið á því.
„Strákar eru samt velkomnir á flest
kvöldin okkar. Þetta er alls ekki póli­
tískt félag. En svo hefur það komið á
daginn að þegar maður býður þeim
á fyrirlestra þá mæta þeir ekki,“ seg­
ir Ingibjörg kímin á svip. „Ætli þeir
þori nokkuð?“ Berglind segir stráka
samt yfirleitt bara ánægða að fá
fleiri stelpur í hópinn. „Þeim finnst
örugglega alveg jafnleiðinlegt að
vera bara innan um stráka eins og
stelpum finnst leiðinlegt að vera ein­
ar eða ein af fáum í hópnum. Yfirleitt
taka þeir okkur opnum örmum, en
ég hef samt einstaka sinnum fundið
fyrir fordómum, en ekkert á við hitt.“
Tengslanet mikilvægt
Fyrir stuttu stóð Plain Vanilla fyrir
kvennahittingi þar sem fjallað var
um störf innan fyrirtækisins. „ Öllum
var velkomið að koma en þetta sner­
ist aðallega um að segja frá því hvað
konur væru að gera hjá fyriræk­
inu og virkja tengslanet kvenna. Að­
sóknin var gífurleg,“ segir Berglind.
„Við ætluðum að hafa það í matsal
Plain Vanilla en á endanum þurftum
við að færa okkur um set og fengum
stóra salinn í Bíó Paradís, sem troð­
fylltist. Það sýnir bara að áhuginn
hefur aukist mikið.“ Ingibjörg segir
tengslanetið einmitt eitt það mikil­
vægasta sem þurfi að virkja hér á
landi. „Tengslanetið er mjög mikil­
vægt og nafnið /sys/tur er vísun í
póstlistafélag sem Anita Borg stofn­
aði og heitir Systers. Það var stofnað
sem tengslanet fyrir konur í tækni­
geiranum og byrjaði með tólf konum.
Í dag er það orðið eitt stærsta póst­
listasamfélag í geiranum í dag. Við
hjá /sys/tru­m reynum að vera eins
sýnilegar og við getum, bæði til þess
að fá fleiri stelpur í námið og líka til
þess að virkja tengslanetið betur og
ég held að okkur muni takast það,“
segir Ingibjörg glöð að lokum. n
Vantar fleiri kvenforritara
n Forritunarvika Skema og Evrópustofu í hámarki n Þarf að eyða staðalímyndum
Helga Dís Björgúlfsdóttir
helgadis@dv.is
Ingibjörg Ósk Jónsdóttir Formaður /sys/tra, félags kvenna innan tölvunarfræðideildar Háskólans í Reykjavík. Félagið heldur fyrirlestra
og vinnustofur. Yfirleitt eru strákar meira en velkomnir en stundum vilja þær fá að nördast í friði, þar sem stelpur eiga það til að verða
feimnar innan um strákana. MynD SIgTryggur ArI
Berglind Ósk Bergsdóttir Berglind hefur unnið hjá Plain Vanilla síðustu tvö árin en þess
utan vann hún fyrir Gogoyoko og gerði Android-smáforrit fyrir Smáralind. Um tíma virtist
hún vera aðal-Android-forritari landsins en hún var í fyrsta árgangi tölvunarfræðideildar HÍ
sem lærði Android-forritun. MynD SIgTryggur ArI
Gæði fara aldrei úr tísku