Iðjuþjálfinn - 01.11.1994, Page 16

- Aö klæða sig í og úr jakka að
hætti Heiðars (verklegar æfingar
og video)
- Bindishnýtingar - hin ýmsu afbrigði
/ annað hálstau (verklegar æfingar)
- Hlutverk karlmannsins í samfélag-
inu og í samskiptum við konur
(umræður)
- Tómstundir (video og umræður)
- Heimboð (leikin atriði og raun-
veruleg heimboð)
Til að gefa ykkur betri hugmynd um
hvernig við unnum þá settum við
þetta upp sem 7 vikna námskeið. I
fyrstu tímunum fórum við yfir praktísk
mál og báðum þá t.d. að taka með
sér föt að heiman til að strauja, pússa
skó o.þ.h. í sambandi við atriði eins
og að umgangast kvenfólk þá fengum
við aðstoðarmann iðjuþjálfa til að
gera videomyndir ásamt sjúklingum
þar sem kvenfólk var spurt um álit t.d.
um áhrif lyktar o.fl. Þetta gafst mjög
vel, gaf tilefni til líflegra umræðna og
oft kom á óvart hvað þær höfðu mis-
munandi sögu að segja. Einnig tókum
við upp á video hvernig þeir sjálfir
báru sig að við ýmislegt sem þeir voru
óöruggir með. Heimboð æfðum við
fyrst hér á staðnum en í lok nám-
skeiðsins buðu þeir hópnum heim í
kvöldmat eða kaffi og fór þá önnur
okkar með til að aðstoða við undir-
búning. Þetta atriði var mjög áhrifa-
ríkt og þeim sem það reyndu fannst
stórkostlegt að fá að upplifa gestgjafa-
hlutverkið sem þá hafði suma ekki
órað fyrir að þeir ættu eftir.
Að námskeiðinu loknu létum við þá
fá spurningalista sem við báðum þá
að fylla út til að meta hvernig til hefði
✓
tekist og hvað betur mætti fara. I
heildina voru svörin sem við fengum
mjög jákvæð og það sem helst var
gagnrýnt var að það væri of hröð
yfirferð. Það sem við vorum líka mjög
ánægðar með var hvaða áhrif þetta
námskeið hafði hér á staðnum. Nánast
allir sem hér voru fylgdust spenntir
með hvað væri að gerast og skemmti-
legar umræður spunnust í kringum
það. Einnig mynduðust tengsl á milli
þátttakendanna á námskeiðinu sem
hafa haldist og þeir hafa getað stutt
hvern annan í frítímanum og þannig
dregið úr félagslegri einangrun.