Tímarit hjúkrunarfræðinga - 01.06.2009, Síða 21

Tímarit hjúkrunarfræ›inga – 3. tbl. 85. árg. 2009 17
Dæmi um öryggisblað. Birt með leyfi Mjallar Friggar.
Vinnueftirlitsins. Vinnuskipulag og líðan
fólks fæst hjá Vinnueftirlitinu.
Kulnun
Þekkt er að umönnunarstéttir og aðrir,
sem eiga í miklum samskiptum við fólk,
eru meðal þeirra hópa sem hvað mest
hættir til kulnunar í starfi. Kulnun getur
lýst sér sem þreyta, vanmáttarkennd
og uppgjöf. Þeir sem annast dauðvona
sjúklinga og sjúklinga með ólæknandi
sjúkdóma eru í sérstakri hættu. Ýmsar
rannsóknir hafa verið gerðar hérlendis á
streitu og kulnun meðal hjúkrunarfræðinga
þ. á m. hafa nemendur í hjúkrunarfræði
skrifað lokaverkefni um þetta efni.
Mikið hefur verið skrifað um kulnun í
starfi. Á doktor.is er t.d. pistill eftir Kristin
Tómasson, yfirlækni Vinnueftirlitsins.
Vaktavinna – vinnutími
Vaktavinna getur haft neikvæð áhrif
á heilsu fólks. Hún truflar lífsmynstur
og fjölskyldulíf. Þetta getur leitt til
svefntruflana, þreytu, minni afkasta og
aðgæslu í vinnu. Að tilhlutan starfs-
hóps með fulltrúum frá Bandalagi
háskólamanna, Bandalagi starfsmanna
ríkis og bæja, ríkis, Reykjavíkurborgar
og Launanefndar sveitarfélaga var gerð
könnun hérlendis á viðhorfi vakta vinnu-
fólks til vaktavinnu á árunum 2005–2006.
Könnunin var gerð til að athuga hvort
breyta mætti vinnufyrirkomulaginu þannig
að vaktavinna yrði eftirsóknarverðari. Í
framhaldinu voru skrifaðar tvær skýrslur
um málið sem eru aðgengilegar á vef
Vinnueftirlitsins og Rannsóknastofu í
vinnuvernd. Þar er ýmis fróðleikur um
áhrif vaktavinnu á líðan og heilsu fólks.
Í erlendum rannsóknum hefur komið fram
að það henti vaktavinnufólki yfirleitt betur
að vaktatímabil séu stutt, að vaktir fylgi
eðlilegum sólargangi þannig að kvöldvaktir
taki við af morgunvöktum og að fólk hafi
sjálft hönd í bagga við gerð vaktaskýrslu.
Til viðbótar má geta þess að Alþjóðlega
krabbameinsrannsóknarstofnunin hefur
kveðið upp úr um það að vaktavinna,
sem truflar dægursveifluna, kunni að
valda brjóstakrabbameini hjá konum
(flokkur 2A). Í Danmörku hafa nokkrar
konur fengið það viðurkennt sem
atvinnusjúkdóm – eftir langvarandi
vaktavinnu.
Félag íslenskra hjúkrunarfræðinga hefur
hvatt til þess að hjúkrunarfræðingar virði
hvíldartímaákvæði vinnutímatilskipunar
Evrópuþingsins og -ráðsins um ákveðna
þætti er varða skipulag vinnutíma.
Óhóflega langur vinnutími er óæskilegur
og heilsuspillandi. Eins og áður segir
kom í ljós marktæk fylgni á milli
lengdar vinnutíma og streitu í starfi í
rannsókninni á líðan og heilsu starfsfólks í
öldrunarþjónustu. Langur vinnutími skilar
ekki endilega meiri afköstum. Kannanir
hafa sýnt að Íslendingar vinna að jafnaði
lengur en aðrar þjóðir sem þeir bera sig
saman við en framleiðin er ekki meiri.
Frítími – atvinnuleysi
Jafnvægi milli vinnu og frítíma er hollast
og best. Frítíminn þarf að bjóða upp
á endurnæringu/sköpun (e. recreation),
vera tími þegar fólk safnar kröftum. En
til þess að svo megi takast þarf vinnan
að hæfa einstaklingnum. Þeim sem
Mjöll Frigg hf. 1313

Mjöll Frigg hf. Bls. 1/3 1313

ÖRYGGISLEIÐBEININGAR

Útgáfudagur/ útgáfa : 05.02.2087 / 5 Kemur í stað: 04.03.2004 / 4 Útskriftardagur: 15.9.2008

1. VÖRUHEITI OG FRAMLEIÐANDI

Vöruheiti: 1313 Sótthreinsandi handsápa

Framleiðandi: Mjöll Frigg hf.
Austursíða 3 Vesturvör 29
603 Akureyri 200 Kópavogur
Sími: 512 3000 Sími: 512 3000
Fax: 512 3059 Fax: 568 0160
Netfang: akureyri@mjollfrigg.is Heimasíða: www.mjollfrigg.is

Slys: Hafið samband við lækni eða Eitrunarmiðstöð Landspítala-háskólasjúkrahúss í síma 543 2222.
Hafið meðferðis merkimiða eða þessar öryggisleiðbeiningar ef leita þarf læknis. Sími
Neyðarlínunnar er 112.

2. SAMSETNING / UPPLÝSINGAR UM INNIHALD

Innihald (m.a.):
Efni CAS-nr. EINECS-nr. Varnaðarmerki H-setn. Styrkur

Natríumlauryletersúlfat 68585-34-2- 500-223-8 Xi 38-41 <5%

Kókosfitusýruamíðprópýlbetanín 61789-40-0 263-058-8 Xi 36 <5%

Varnaðarmerki, hættu- og varnaðarsetningar, sjá lið 15.

3. VARÚÐARUPPLÝSINGAR

Veldur ertingi í augum og slettur í þau ber að skola strax úr.

4. SKYNDIHJÁLP

Snerting við augu: Skolið strax með miklu vatni í a.m.k. 25 mínútur.

Inntaka: Skolið strax munn og gefið nokkur glös af mjólk.

5. BRUNI/AÐFERÐIR VIÐ AÐ SLÖKKVA ELD

Almennt: Kælið nálægar birgðir af efninu með vatnsúða sé ekki unnt að fjarlægja þær hættulaust.

Brennanleiki: Brennur ekki.

Slökkviefni: Duft, froða, kolsýra, vatnsúði.

Hættuleg niðurbrots-
efni við bruna: Kolmónoxíð og koldíoxíð geta myndast.

6. EFNALEKI

Til verndar fólki: Sýna aðgát, þar sem gólffletir verða mjög sleipir. Þvoið vandlega upp allar sápuleyfar.

Til verndar umhverfi: Við mikinn leka ber að binda efnið með sandi, sagi eða kísilgúr til að hindra að það berist út í
umhverfið. Setja í lokað ílát og merkja með innihaldi.

Við lítinn leka er best að skola efninu í niðurfall með miklu vatni.

7. MEÐHÖNDLUN OG GEYMSLA

Meðhöndlun: Engar athugasemdir.

Geymsla: Geymist í upprunalegum umbúðum þar sem börn ná ekki til. Æskilegt geymsluhitastig er 5-20°C.
Geymslutími a.m.k. tvö ár sé leiðbeiningum um geymsluaðstæður fylgt.