Tímarit hjúkrunarfræðinga - 01.06.2009, Blaðsíða 35

Tímarit hjúkrunarfræ›inga – 3. tbl. 85. árg. 2009 31
HJÚKRUNARFRÆÐINGUR Á
NORÐVESTURLANDI
Fljótlega eftir að Kerstin byrjaði að vinna á
Hvammstanga fór hún á trúnaðarmannanámskeið.
Hún var fyrst aðstoðartrúnaðarmaður en hefur svo
verið trúnaðarmaður fyrir heilsugæslustöðina og
sjúkrahúsið síðan 1998. Hún segir að stofnunin hafi
staðið sig vel fjárhagslega allan tímann og sjaldan
hafi verið vandamál. Samt sé full ástæða til að hafa
trúnaðarmann til þess að standa vörð um kjör og
réttindi fólks. Kerstin hefur verið fulltrúi félagsins í
samninganefnd vegna stofnanasamninga. Þar var
meðal annars gerð breyting á vaktafyrirkomulagi en
það tókst ágætlega að semja um sanngjarnt verð
fyrir aukavinnu sem breytingin hafði í för með sér og
hjúkrunarfræðingar hafa verið ánægðir með þetta
fyrirkomulag.
Skrautlegasta atvikið, sem Kerstin hefur lent í sem
trúnaðarmaður, gerðist fyrir nokkrum árum. „Ég rak
mig þá á að þáverandi hagfræðingur félagsins túlkaði
frítökuréttarákvæðið á allt annan hátt en ég gerði.“
Í staðinn fyrir samfellda hvíld taldi hagfræðingurinn
að telja ætti samanlagðan hvíldartíma, til dæmis
þegar hjúkrunarfræðingur þurfti að fara að vinna
í klukkutíma á nóttunni. Ef hjúkrunarfræðingurinn
fengi samtals nógu langt frí beggja megin þá
væri samkvæmt hagfræðingnum ekki kominn á
frítökuréttur. „Þetta olli heilmikilli umræðu en hún
leystist farsællega. Mér þótti sjálf orðið „samfellt“
vera mjög augljóst,“ segir Kerstin.
Kerstin bjó fyrst á Hvammstanga en býr nú í
innanverðum Skagafirðinum, við Austari-Jökulsá
rétt áður en hún rennur í Héraðsvötn. Hún er því
komin þangað sem hún vildi búa þegar hún var 10
ára – rétt fyrir norðan Hofsjökul. Þar byggðu þau
hjónin sér hús fyrir nokkrum árum. Það er talsvert
langt að fara í vinnu en Kerstin vinnur í lotum og þarf
því ekki að fara á hverjum degi. Hún hefur gaman
að hestum og að náttúrunni og hefur stundað ýmis
austræn æfingakerfi frá unga aldri. Hún hefur einnig
mikinn áhuga á heildrænum leiðum og sjálfsrækt
og hefur stundað hugleiðslu í mörg ár og farið á
námskeið víða. Hún er einnig virkur leiðbeinandi í
skyndihjálp og í „Flower of life“ hugmyndafræðinni.
Hún hefur líka kynnt sér taóisma sem er undirstaða
margra kínverskra fræðigreina eins og Feng Shui,
nálarstungur og Chi gong. Hún segir kínversk
heilbrigðisfræði byggjast miklu meira á heildrænni
hugsun en okkar hefðbundnu fræði.
Kerstin segir að efnahagskreppan hafi leitt til þess
að fólk sé að endurskoða tilveruna frá grunni. „Við
höfum verið með mjög takmarkaðan ramma þar sem
efnisleg gæði skiptu mestu máli. Nú erum við meira
meðvituð um að það er meira sem er mikilvægt í
lífinu. Fólk þarf að byrja að kynnast sjálfu sér upp á
nýtt,“ segir hún að lokum.
Kvennadeild Hjartaheilla stofnuð
5. maí sl. var stofnuð sérstök kvenna deild innan
Hjartaheilla, lands samtaka hjarta sjúklinga. Stofn fund urinn
var haldinn í húsnæði SÍBS. Meðal fram sögumanna á
fundinum var Inga Valborg Ólafs dóttir, hjúkrunarfræðingur
göngudeildar krans æðasjúklinga á Landspítala. Hún lýsti
starfi deildarinnar og þeirri reynslu sem hún hafði af vinnu
með hjartasjúklingum og þá einkum meðal kvenna. Hún
taldi mikla þörf á kvennadeild sem gæti með sínum hætti
eflt og styrkt forvarnar- og fræðslustarf Hjartaheilla.
Formaður Hjarta heilla, Guðmundur Bjarna son, reifaði starf
Hjartaheilla og verkefni þeirra undan farin ár. Hann lýsti
sérstökum áhuga Hjarta heilla á stofnun kvennadeildar þar
sem ljóst þykir að málefnum hjartveikra kvenna hefur ekki
verið sýndur sá skilningur sem þau eiga skilið.
Hugmynd að stofnun kvennahreyfingar kviknaði í kjölfar
GoRed-dagsins á Íslandi sem haldinn var á konudaginn
22. febrúar sl. í Ráðhúsi Reykjavíkur. Bylgja Valtýsdóttir,
upplýsingafulltrúi Hjartaverndar, lýsti á fundinum
undirbúningi GoRed-dagsins og taldi hún afar mikilvægt
að gefa málefnum kvenna með hjartasjúkdóma meiri
gaum en hingað til.
GoRed-átakið er alheimsátak á vegum World Heart
Federation og er Hjartavernd þátttakandi í verkefninu fyrir
hönd Íslands. Verndari átaksins hér á landi er Ingibjörg
Pálmadóttir, fyrrverandi heilbrigðisráðherra.
Átakið miðar að því að fræða konur um áhættuþætti
og einkenni hjarta- og æðasjúkdóma og hvernig draga
má úr líkum á sjúkdómunum. Hjarta- og æðasjúkdómar
eru algengasta dánarorsök kvenna á Íslandi líkt og í
mörgum löndum. Stjórn GoRed á Íslandi hefur hvatt
allar konur, sem kynnst hafa sjúkdómnum að eigin raun
eða sem aðstandendur, að gerast aðilar að kvennadeild
Hjartaheilla.
Þátttakendur stofnfundar.
Fr
ét
ta
pu
nk
tu
r