Morgunblaðið - Sunnudagur - 30.08.2015, Side 20

New York borg. Ef gist
er inni á heimili gæti ver-
ið ósiður að teppa bað-
herbergið á morgnana.
Þ
að ætti ekki að hafa farið framhjá
neinum hvernig vefir á borð við
Airbnb hafa breytt gistimarkaðinum.
Í stað þess að versla við hótel á
ferðalögum sínum velur ört vaxandi hópur
fólks að leita að gestgjafa á síðum eins og Air-
bnb.com, HomeAway.com eða Roomorama-
.com og leigja þar beint af annarri manneskju
herbergi, heila íbúð eða bara sófapláss til að
halla höfði.
Þykir heimagistingin hafa ýmsa kosti og
þannig er nóttin oft ódýrari en á hóteli. Þá
þykir mörgum að það geri ferðalagið
skemmtilegra að komast í beina snertingu við
innfædda á hverjum stað og að upplifunin sé
persónulegri þegar gist er í heimahúsum frek-
ar en á hótelum. Jafnvel á bestu hótelum sest
gesturinn ekki niður við eldhúsborðið með
gestamóttökustjóranum og spjallar um daginn
og veginn yfir kaffibolla.
Góð umsögn er verðmæt
En gestir þurfa að gæta sín á því að þeir fá
umsögn eftir hverja heimsókn. Slæmur gestur
fær ekki margar stjörnur og þegar neikvæðar
umsagnir hrannast upp fer að verða erfitt að
finna gestgjafa sem vill hleypa viðkomandi inn
á heimilið.
En hvernig á að vera góður Airbnb gestur?
Í sjálfu sér er það ekki
svo erfitt og alla jafna má
stóla á fimm stjörnur og
falleg ummæli ef dvölin
gekk stóráfallalaust fyrir
sig.
Hér eru nokkur atriði
til að hafa í huga:
Í fyrsta lagi ætti að
fylla út notendaprófílinn,
setja inn mynd og ein-
hverjar lágmarksupplýs-
ingar. Gestgjöfum þykir ekki skemmtilegt að
taka við fólki sem þeir hafa ekki fyrst getað
mælt út á einhvern hátt.
Sum herbergi á Airbnb má panta sam-
stundis, en það er góð regla að senda gest-
gjafanum fyrst línu, sér í lagi ef fyrirsjáanlegt
er að heimsóknin kalli á sérstakt umstang, s.s.
ef gesturinn þarf að skrá sig inn eða út mjög
seint eða mjög snemma um daginn. Ef börn
eru með í för er líka vissara að ganga úr
skugga um að þau séu velkomin og að hægt
sé að koma öllum fyrir. Ætti að taka skýrt
fram hversu margir gestir eru væntanlegir.
Í fyrirspurninni til gestgjafans ætti gest-
urinn að kynna sig stuttlega og tilgreina með
eins mikilli nákvæmni og unnt er væntanlegan
komu- og brottfarartíma. Það auðveldar allt
skipulag til muna.
Innritun við fyrsta hanagal?
Eitt sem gestum hættir til að gleyma er að ef
þeir koma mjög snemma, eða fara mjög seint,
þá ættu þeir strangt til tekið að borga fyrir
nóttina á undan eða eftir. Þannig er það á
hótelum að ef þú ætlar t.d. að innrita þig kl. 8
að morgni þarftu að hafa borgað fyrir gistingu
nóttina á undan, ellegar bíða fram yfir hádegi
að vera hleypt inn í herbergið. Sumir gest-
gjafar geta þó verið sveigjanlegir hvað þetta
varðar.
Það er í fínu lagi að vera með nokkra anga
úti og senda fyrirspurnir á fleiri en einn gest-
gjafa. Hins vegar er ætti að láta alla hina vita
þegar búið er að bóka fýsilegasta valkostinn.
Gestgjafarnir fá væntanlega nokkrar fyrir-
spurnir í hverri viku og geta orðið af tekjum
ef þeir eru að taka her-
bergi frá fyrir gest sem er
svo búinn að finna sér
annan gististað. Það er
bara í undantekningar-
tilfellum að ætti að taka
lengra en sólarhring að
staðfesta gistinguna.
Spurningar og svör
Eitt sem gestir ættu að
reyna að forðast er að
spyrja ótal spurninga í gegnum skilaboðakerfi
Airbnb. Airbnb hreykir sér af persónulegri
þjónustu gestgjafanna en það getur verið
tímafrekt og ergjandi fyrir gestgjafann að
svara spurningum um stórt og smátt. Áður en
skrúfað er frá spurningakrananum er vissara
að lesa vandlega lýsinguna á herberginu eða
íbúðinni. Þar ætti t.d. að koma fram hvort það
er straujárn eða hárblásari á staðnum, hvern-
ig best er að komast á staðinn frá flugvell-
inum og hverjar húsreglurnar eru, t.d. varð-
andi reykingar. Google dugar yfirleitt vel til
að t.d. finna nálægar matvöruverslanir eða
skipuleggja ferðir með strætó og neðanjarðar-
lestum. Gestgjafinn er eflaust boðinn og búinn
að gefa leiðsögn og ábendingar en hann er
ekki leiðsögumaður og þaðan af síður ferða-
skrifstofa eða einkabílstjóri.
Gestir verða að muna að sýna ýtrustu til-
litssemi. Mikill umgangur og skrölt í töskum
getur valdið ergelsi hjá nágrönnum og bakað
gestgjafanum vandræði. Hvort sem leigð er
heil íbúð eða bara herbergi ætti sömuleiðis að
gæta að því hafa sem minnstan hávaða því
veggirnir geta verið þunnir.
Síðan skiptir miklu að ganga vel um. Sumir
stunda það á hótelum að skilja herbergið eftir
í óreiðu og láta herbergisþernuna sjá um að
búa um rúm og gera snyrtilegt. Þetta sama
þjónustustig er yfirleitt ekki í boði í heima-
gistingu og gestgjafanum finnst traustvekj-
andi að sjá að herberginu eða íbúðinni er
haldið tiltölulega snyrtilegri.
Tafir og kvartanir
Þegar búið er að ganga frá bókuninni ætti að
hripa niður símanúmer gestgjafans og geyma
á vísum stað. Ef það hendir að fluginu seinkar
eða eitthvað annað kemur upp á ætti að láta
gestgjafann vita án tafar, svo hann eyði ekki
óþarfa tíma í að bíða eftir gesti sem lætur
ekki á sér kræla.
Ef íbúðinni er deilt með öðrum er ágætt að
fara líka yfir hvort sýna þarf sérstaka tillits-
semi t.d. varðandi notkun á baðherberginu. Ef
gestgjafinn býr í íbúðinni og vinnur yfir dag-
inn gæti hann þurft óheftan aðgang að sturtu
og salerni á morgnana.
Gestgjafar vilja líka heyra það strax ef eitt-
hvað er í ólagi. Yfirleitt eru þeir boðnir og
búnir að laga það sem er á þeirra valdi að
laga og vilja reyna að leysa vandamálin frekar
en að heyra um þau í neikvæðri umsögn eftir
að gesturinn er farinn.
Góðir gestir eru síðan fljótir að skrifa um-
sögn og gefa stjörnur eftir að ferðalaginu lýk-
ur. Ekki láta það samt bitna á gestgjafanum
ef eitthvað kom upp á sem var ekki á valdi
hans að laga, s.s. vonskuveður eða truflanir á
samgöngum.
REGLURNAR ERU EKKI ÞÆR SÖMU OG Á HÓTELI
Listin að vera
góður gestur
á Airbnb
ÞAÐ GETUR VERIÐ ÞREYTANDI FYRIR GESTGJAFANN AÐ SVARA LÖNGUM
LISTA AF SPURNINGUM SEM GESTURINN ÆTTI SJÁLFUR AÐ GETA FUNDIÐ
SVARIÐ VIÐ. Í HEIMAGISTINGU ÞARF LÍKA AÐ MUNA AÐ VERA SNYRTI-
LEGUR Í UMGENGNI OG TRUFLA EKKI NÁGRANNA EÐA AÐRA GESTI
Ásgeir Ingvarsson ai@mbl.is
* Gestgjöfum þyk-ir ekki skemmti-legt að taka við fólki
sem þeir hafa ekki
fyrst getað mælt út á
einhvern hátt.
Strax í upphafi ætti að láta gestgjafann vita hver komu- og brottfarartíminn er. Ólíkt hótelum
getur verið mikil truflun af því að fá gesti mjög snemma eða mjög seint. Voffi á flugvelli.
AFP
20 MORGUNBLAÐIÐ SUNNUDAGUR 30.8. 2015
Ferðalög og flakk